ក្រុមការងារយុវជនសេដ្ឋកិច្ចក្រៅប្រព័ន្ធ ប្រចាំខេត្តមណ្ឌលគិរី ចុះផ្សព្វផ្សាយ និងជំរុញការចុះឈ្មោះអ្នកសេដ្ឋកិច្ចក្រៅប្រព័ន្ធ ដល់ប្រជាពលរដ្ឋ និងអាជីវករ នៅស្រុកពេជ្រាដា
មណ្ឌលគិរី ៖ រសៀលថ្ងៃទី១៩ ខែមិថុនា ឆ្នាំ២០២៦ ក្រុមការងារយុវជនសេដ្ឋកិច្ចក្រៅប្រព័ន្ធ ប្រចាំខេត្តមណ្ឌលគិរី សហការជាមួយរដ្ឋបាលស្រុកពេជ្រាដា បានរៀបចំពិធីជួបសំណេះសំណាលជាមួយបងប្អូនអាជីវករ ដើម្បីផ្សព្វផ្សាយ និងជំរុញការចុះឈ្មោះអ្នកសេដ្ឋកិច្ចក្រៅប្រព័ន្ធតាមថ្នាលឌីជីថលនៃសេដ្ឋកិច្ចក្រៅប្រព័ន្ធ ក្រោមវត្តមានលោក សុខហេង សូម៉ាលី អនុប្រធានក្រុមការងារអភិវឌ្ឍន៍សេដ្ឋកិច្ចក្រៅប្រព័ន្ធវិស័យសិប្បកម្ម លក់ដុំលក់រាយ និងជុសជួល តំណាងដ៍ខ្ពង់ខ្ពស់ឧកញ៉ាសមូហកបណ្ឌិត ឡី សុភាព ប្រធានសមាគមសម្ពន្ធភាពអង្គការ សមាគម និងវិស័យឯកជននៅកម្ពុជា និងជាប្រធានសមាគមសហពន័្ធយុវជនសេដ្ឋកិច្ចកម្ពុជា និងលោក អ៊ាន ស៊ាងអន អភិបាលរងនៃគណអភិបាល ស្រុកពេជ្រាដា រួមទាំង មានការចូលរួមពីសំណាក់ថ្នាក់ដឹកនាំកងកម្លាំងទាំងបី មន្ត្រីរាជការនៃរដ្ឋបាលស្រុក និងបងប្អូនអាជីវករជាច្រើននាក់ ដែលប្រព្រឹត្តទៅនៅសាលប្រជុំសាលាស្រុកពេជ្រាដា។
