ព័ត៌មានក្នុងខេត្ត

លោក ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានលើកឡើងថា ពិភពលោកបានឃើញច្បាស់នូវអំពើឈ្លានពាន និងការកាន់កាប់ទឹកដីកម្ពុជាដោយខុសច្បាប់ពីសំណាក់កងកម្លាំងយោធាថៃ ។

ក្រសួងការងារ និងបណ្ដុះបណ្ដាលវិជ្ជាជីវៈលោក ស៊ុន មេសា នៅថ្ងៃទី០៣ ខែសីហា ឆ្នាំ២០២៦ បានអំពាវនាវ​យ៉ាងទទូចដ​ល់​ប្រជា​ពលរដ្ឋ និងអតីតពលករខ្មែរ កុំឆ្លងដែន ដោយប្រថុយប្រថាន និងខុសច្បាប់ទៅរកការងារធ្វើនៅក្នុងប្រទេសថៃ ខណៈ​ដែលឱកាស​ការ​ងារនៅក្នុង​ស្រុ​កសល់ប្រមាណជាង ៩ម៉ឺនកន្លែងសម្រាប់បងប្អូនដែលជាអ្នកកំពុងស្វែងរកការងារ។

កម្ពុជា បានត្រៀមខ្លួនរួចជាស្រេចក្នុងការសហការយ៉ាងជិតស្និទ្ធជាមួយម៉ាឡេស៊ី ដើម្បីលើកកម្ពស់ភាពជាដៃគូឱ្យកាន់តែរឹងមាំ និងរួមចំណែកដល់សន្តិភាព ស្ថិរភាព និងវិបុលភាពរបស់អាស៊ាន។

(បន្ទាយមានជ័យ)៖ ក្រុមការងារចម្រុះខេត្តបន្ទាយមានជ័យ សម្របសម្រួលនីតិវិធីដោយលោក សំរិទ្ធ សុខុន និងលោក ទេព ឃុនឆ័យ ព្រះរាជអាជ្ញារង នៃអយ្យការអមសាលាដំបូងខេត្ត នៅថ្ងៃទី៣ ខែសីហា ឆ្នាំ២០២៦ បានចុះធ្វើរដ្ឋបាលតាមអគារស្នាក់នៅ ចំនួន៤ទីតាំង ដោយមានការសហការចូលរួមពីម្ចាស់ទីតាំង ពិនិត្យឃើញថា ៣ទីតាំង ជនបរទេសបានចាកចេញអស់។

បន្ទាយមានជ័យ:នារសៀលថ្ងៃចន្ទ ៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ លោក ហឿន វីរៈ អភិបាលនៃគណៈអភិបាលស្រុកព្រះនេត្រព្រះ និងលោក អែម រិទ្ធី នាយករងរដ្ឋបាលស្រុក បានដឹកនាំក្រុមការងារចុះជួបពិភាក្សាការងារជាមួយលោកមេឃុំរហាល លោកមេភូមិចក និងលោកមេភូមិទេពកោសា ដើម្បីពិនិត្យវឌ្ឍនភាពការងារ ស្វែងយល់ពីស្ថានភាពជាក់ស្តែង និងជំរុញការអនុវត្តការងារនៅថ្នាក់មូលដ្ឋានឱ្យកាន់តែមានប្រសិទ្ធភាព។

ក្រោមស្មារតីតស៊ូដ៏រឹងមាំ និងមិនបោះបង់ចោលឱកាស ទោះបីស្ថិតក្នុងស្ថានភាពជីវភាពពិសេសណាក៏ដោយ ប្រជាពលរដ្ឋភៀសសឹកជាង ៣,០០០គ្រួសារ រស់នៅ ភូមិរង់ចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ បានប្រែក្លាយដីទំនេរជុំវិញលំនៅឋានឱ្យទៅជាចម្ការបន្លែ និងដំណាំហូបផ្លែយ៉ាងខៀវស្រងាត់ ដែលក្លាយជាគំរូដ៏ល្អឆ្នើមក្នុងការអនុវត្តកសិកម្មតាមបែបគ្រួសារ។

បន្ទាយមានជ័យ:នាព្រឹកថ្ងៃទី៣ ខែសីហា ឆ្នាំ២០២៦ លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ បានអញ្ជើញជាអធិបតីក្នុងកិច្ចប្រជុំវាយតម្លៃស្តង់ដាសាលារៀនគំរូ សម្រាប់ឆ្នាំសិក្សា ២០២៥–២០២៦ ជាមួយនាយក និងនាយិកាសាលាបឋមសិក្សាគោលដៅទូទាំងខេត្តបន្ទាយមានជ័យ។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញប្រគល់ផ្ទះថ្មី ចំនួន ៣ខ្នង ជូនក្រុមគ្រួសាររបស់វីរកងទ័ពពលី ក្នុងទឹកដីខេត្តកណ្តាល ដែលជាអំណោយដ៏ថ្លៃថ្លារបស់ សម្តេចធិបតី និងលោកជំទាវបណ្ឌិត។

ឯកឧត្ដម អ៊ុំ រាត្រី អភិបាល នៃ គណៈអភិបាលខេត្ត អញ្ជើញ ដឹកនាំកិច្ចប្រជុំពិភាក្សាគម្រោងចំណូល-ចំណាយថវិការរដ្ឋបាលខេត្តបន្ទាយមានជ័យឆ្នាំ២០២៧ និងសៀវភៅព្រាងផែនការយុទ្ធសាស្ត្រថវិកាខេត្ត ឆ្នាំ២០២៧-២០២៩។

ឯកឧត្ដម អ៊ុំ រាត្រី បានដាក់ផែនការបន្ថែមទៀត ក្នុងពេលដឹកនាំកិច្ចប្រជុំពិភាក្សា នឹងបន្តការងារអនុវត្តវិធានការបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Oline Scams) នៅក្នុងភូមិសាស្ត្រខេត្តបន្ទាយមានជ័យ ជាមួយសមត្ថកិច្ចពាក់ព័ន្ធ និងអាជ្ញាធក្រុង-ស្រុកទាំង៩ទូទាំងខេត្តបន្ទាយមានជ័យ នាថ្ងៃទី០៣ ខែសីហា ឆ្នាំ២០២៦ នៅសាលាខេត្តបន្ទាយមានជ័យ។

កិច្ចប្រជុំ រៀបចំឡេីងក្នុងគោលបំណងដើម្បីរក្សាសណ្ដាប់ធ្នាប់សាធារណៈ ការពារទ្រព្យសម្បត្តិ និងសុខមាលភាពរបស់ម្ចាស់សំណង់ អ្នកប្រើប្រាស់សំណង់ និងសាធារណជន។

ឧត្តមកិត្តិសង្គហបណ្ឌិត គន់ គីម សូមកោតសរសើរ ចំពោះបងប្អូនប្រជាពលរដ្ឋភៀសសឹក ក្នុងការរៀបចំជីវភាពរស់នៅ ព្រមទាំងថែទាំផ្ទះ និងរៀបចំដាំដុះដំណាំជុំវិញផ្ទះរបស់ខ្លួនជាច្រើន រួមមាន ដំឡូងមី ពោត សណ្តែកគួរជាដើម និងដំណាំរួមផ្សំជាច្រើនទៀត។