ព័ត៌មានក្នុងខេត្ត

ការអភិវឌ្ឍ និងការពង្រីកកសិដ្ឋានចិញ្ចឹមជ្រូកនៅស្រុកម៉ាឡៃ ខេត្តបន្ទាយមានជ័យ មានសារៈសំខាន់យ៉ាងខ្លាំងក្នុងការទ្រទ្រង់សេដ្ឋកិច្ចមូលដ្ឋាន និងសន្តិសុខស្បៀង ប្រយោជន៍ចម្បងនៃការពង្រីកកសិដ្ឋាន ការផ្គត់ផ្គង់ទីផ្សារក្នុងស្រុក៖ កាត់បន្ថយការនាំចូលជ្រូកពីប្រទេសជិតខាង ធានាបាននូវសាច់ជ្រូកដែលមានអនាម័យ គុណភាពខ្ពស់ និងតម្លៃថេរនៅលើទីផ្សារក្នុងខេត្តបន្ទាយមានជ័យ និងខេត្តក្បែរខាង បង្កើនឱកាសការងារផ្ទាល់ និងប្រយោលជូនប្រជាពលរដ្ឋក្នុងតំបន់ ចាប់តាំងពីការមើលថែកសិដ្ឋាន ការផលិតចំណី រហូតដល់ការដឹកជញ្ជូន និងអាជីវកម្មលក់ដុំ-រាយ។

(បន្ទាយមានជ័យ) ការផ្តល់សេវាសុខាភិបាលរបស់មន្ទីរពេទ្យបង្អែកស្រុកព្រះនេត្រព្រះ គឺជាកម្រិតនៃការថែទាំសុខភាពដែលផ្តល់ការពិនិត្យ ព្យាបាល និងថែទាំកម្រិតមធ្យម និងខ្ពស់ បន្ទាប់ពីការបញ្ជូនបន្តពីមណ្ឌលសុខភាព ដែលមានតួនាទីយ៉ាងសំខាន់ក្នុងការផ្តល់សេវាថែទាំសុខភាពបឋម និងកម្រិតមូលដ្ឋាន ជូនដល់ប្រជាពលរដ្ឋក្នុងស្រុក និងតំបន់ជុំវិញ ដោយផ្អែកលើគោលការណ៍សមធម៌ ប្រសិទ្ធភាព និងបរិយាបន្ន។ មន្ទីរពេទ្យបង្អែកព្រះនេត្រព្រះ ជាមន្ទីរពេទ្យបង្អែកកម្រិត CPA2 ដែលបានប្រកាសដំឡើងនៅថ្ងៃទី២៣ ខែធ្នូ ឆ្នាំ២០២០ តាមប្រកាសអន្តរក្រសួងលេខ ៤១៣ សសក ស្តីពីការតម្លើងកម្រិតនិងការបង្កើតអង្គភាពសុខាភិបាល រវាងក្រសួងមហាផ្ទៃ និងក្រសួងសុខាភិបាល ដែលស្ថិតក្រោមចំណុះ ការិយាល័យសុខាភិបាលស្រុកប្រតិបត្តិព្រះនេត្រព្រះ។

(បន្ទាយមានជ័យ) ការផ្តល់សេវាសុខាភិបាលរបស់មន្ទីរពេទ្យបង្អែកស្រុកព្រះនេត្រព្រះ គឺជាកម្រិតនៃការថែទាំសុខភាពដែលផ្តល់ការពិនិត្យ ព្យាបាល និងថែទាំកម្រិតមធ្យម និងខ្ពស់ បន្ទាប់ពីការបញ្ជូនបន្តពីមណ្ឌលសុខភាព ដែលមានតួនាទីយ៉ាងសំខាន់ក្នុងការផ្តល់សេវាថែទាំសុខភាពបឋម និងកម្រិតមូលដ្ឋាន ជូនដល់ប្រជាពលរដ្ឋក្នុងស្រុក និងតំបន់ជុំវិញ ដោយផ្អែកលើគោលការណ៍សមធម៌ ប្រសិទ្ធភាព និងបរិយាបន្ន។

ការលើកកម្ពស់គុណភាពសេវាសុខាភិបាលមូលដ្ឋាន ប្រកបដោយសមធម៌ និងភាពកក់ក្តៅ នៅមណ្ឌលសុខភាពឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ គឺជាកិច្ចការអាទិភាពដើម្បីធានាថា ប្រជាពលរដ្ឋគ្រប់រូបក្នុងឃុំឈ្នួរមានជ័យទទួលបានការថែទាំសុខភាពទាន់ពេលវេលា មានសុវត្ថិភាព និងឥតរើសអើង។

ថ្នាក់រៀនដែលជាទីផ្ដល់ចំណេះដល់កុមារកម្ពុជាក្នុងតំបន់បឹងត្រកួន ត្រូវបានយោធាថៃយកធ្វើជាលេណដ្ឋានបម្រើឱ្យសង្គ្រាមឈ្លានពានទៅវិញ។ នេះបើតាមសេចក្ដីរាយការណ៍ពីមូលដ្ឋាន។ បើតាមអាជ្ញាធរមូលដ្ឋាន បន្ទប់រៀនដែលយោធាថៃប្រែក្លាយទៅជាលេណដ្ឋាននេះ គឺស្ថិតនៅក្នុងសាលាបឋមសិក្សាសាមគ្គីច្រក ក្នុងភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ។

ស្នាមញញឹមប្រជាពលរដ្ឋនៅអង្គភាពច្រកចេញចូលតែមួយខេត្តបន្ទាយមានជ័យ

លោកស្រី សុន សំណាង ផ្ទះលេខ ១០២៤ ផ្លូវលេខ ៨ នៅភូមិរង់ចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ ដែលមានស្នាដៃ និងការចូលរួមយ៉ាងសកម្មប្រកបដោយស្មារតីទទួលខុសត្រូវខ្ពស់ក្នុងការ រៀបចំសណ្ដាប់ធ្នាប់ ថែរក្សាអនាម័យបរិស្ថាន ជំរុញការ​ដាំដំណាំ​លម្អ និងការធ្វើកសិកម្មចម្រុះ បង្កើនប្រាក់ចំណូលប្រកបដោយភាពច្នៃប្រឌិត ព្រមទាំងបានអនុវត្តយ៉ាងខ្ជាប់ខ្ជួនរហូតទទួលបាន «ចំណាត់ថ្នាក់បណ្តោះអាសន្នផ្ទះស្អាត» សម្រាប់ខែទី១ វគ្គទី១ ក្នុងចលនាប្រកួតប្រជែង «ផ្ទះស្អាត ភូមិស្អាត នៃភូមិរង់ចាំ»។ ការខិតខំប្រឹងប្រែង និងគំនិតច្នៃប្រឌិតនេះ មិនត្រឹមតែលើកកម្ពស់សោភ័ណភាព និងជីវភាពគ្រួសារប៉ុណ្ណោះទេ ប៉ុន្តែថែមទាំងបានចូលរួមចំណែកយ៉ាងសំខាន់ក្នុងការបង្កើតគំរូដ៍ល្អប្រសើរសម្រាប់សហគមន៍ទាំងមូល។

ភ្នំពេញ ថ្ងៃទី១៤ ខែសីហា ឆ្នាំ២០២៦–យោធាថៃបានអះអាងជាបន្តបន្ទាប់ថា ប្រតិបត្តិការយោធារបស់ខ្លួនប្រឆាំងកម្ពុជាត្រូវបានធ្វើឡើងស្របតាមច្បាប់មនុស្សធម៌អន្តរជាតិ និងផ្តោតតែលើគោលដៅយោធាប៉ុណ្ណោះ ដោយគោរពគោលការណ៍ភាពចាំបាច់ និងសមាមាត្រ។ ប៉ុន្តែការអះអាងមួយមិនអាចក្លាយជាការពិតដោយសារតែវាត្រូវបាននិយាយម្តងហើយម្តងទៀតនោះទេ។ វាត្រូវតែផ្ទៀងផ្ទាត់ជាមួយនឹងអង្គហេតុ ភស្តុតាង ប្រភេទអាវុធដែលបានប្រើ ទីតាំងដែលត្រូវបានវាយប្រហារ និងផលប៉ះពាល់ជាក់ស្តែងទៅលើជនស៊ីវិល។ នេះជាការគូសបញ្ជាក់របស់ រដ្ឋមន្ត្រីក្រសួងព័ត៌មាន។

ពីទីតាំងដែលប្រជាពលរដ្ឋភៀសសឹកមកស្នាក់នៅបណ្តោះអាសន្ន ដោយក្តីសង្ឃឹមរង់ចាំថ្ងៃបានវិលត្រឡប់ទៅកាន់លំនៅឋាន និងទឹកដីកំណើតវិញ «ភូមិរង់ចាំ» កំពុងបង្ហាញមុខមាត់ថ្មីមួយតាមរយៈការចូលរួមរបស់ប្រជាពលរដ្ឋក្នុងការរៀបចំលំនៅឋានឱ្យស្អាត មានសណ្តាប់ធ្នាប់ និងបង្កបង្កើនផលជុំវិញផ្ទះ។

ភ្លេចហើយឬនៅ...សំឡេងយន្តហោះចម្បាំង? ចងចាំទេ...សំឡេងគ្រាប់បែកផ្ទុះ និងស្នូគ្រាប់កាំភ្លើងរបស់ចោរឈ្លានពានទឹកដីកម្ពុជា...? សម្រែកដ៏ឈឺចាប់របស់វីរកងទ័ព និងសំឡេងទឹកភ្នែកស្រក់ដូចតំណក់ទឹកភ្លៀងរបស់ជនស៊ីវិលស្លូតត្រង់កម្ពុជា គឺជាដំដៅដ៏ឈឺចាប់ខ្លោចផ្សាបំផុត កប់ជ្រៅក្នុងក្រអៅដួងចិត្តប្រជាជនកម្ពុជា ដែលត្រូវចងចាំមិនអាចបំភ្លេចបាន។