ផ្ដល់ស្នាមញញឹម ផ្ដល់ក្ដីសង្ឃឹម ផ្ដល់ក្ដីមេត្តា បម្រើសេវាដោយបេៈដូងវិជ្ជាជីវៈ នៃមន្ទីរពេទ្យបង្អែកស្រុកព្រះនេត្រព្រះ ខេត្តបន្ទាយមានជ័យ។
(បន្ទាយមានជ័យ) ការផ្តល់សេវាសុខាភិបាលរបស់មន្ទីរពេទ្យបង្អែកស្រុកព្រះនេត្រព្រះ គឺជាកម្រិតនៃការថែទាំសុខភាពដែលផ្តល់ការពិនិត្យ ព្យាបាល និងថែទាំកម្រិតមធ្យម និងខ្ពស់ បន្ទាប់ពីការបញ្ជូនបន្តពីមណ្ឌលសុខភាព ដែលមានតួនាទីយ៉ាងសំខាន់ក្នុងការផ្តល់សេវាថែទាំសុខភាពបឋម និងកម្រិតមូលដ្ឋាន ជូនដល់ប្រជាពលរដ្ឋក្នុងស្រុក និងតំបន់ជុំវិញ ដោយផ្អែកលើគោលការណ៍សមធម៌ ប្រសិទ្ធភាព និងបរិយាបន្ន។ មន្ទីរពេទ្យបង្អែកព្រះនេត្រព្រះ ជាមន្ទីរពេទ្យបង្អែកកម្រិត CPA2 ដែលបានប្រកាសដំឡើងនៅថ្ងៃទី២៣ ខែធ្នូ ឆ្នាំ២០២០ តាមប្រកាសអន្តរក្រសួងលេខ ៤១៣ សសក ស្តីពីការតម្លើងកម្រិតនិងការបង្កើតអង្គភាពសុខាភិបាល រវាងក្រសួងមហាផ្ទៃ និងក្រសួងសុខាភិបាល ដែលស្ថិតក្រោមចំណុះ ការិយាល័យសុខាភិបាលស្រុកប្រតិបត្តិព្រះនេត្រព្រះ។
រដ្ឋបាលខេត្តបន្ទាយមានជ័យព័ត៌មានជាតិបទយកការណ៍ខេត្តបន្ទាយមានជ័យ
