ព័ត៌មានក្នុងខេត្ត

ក្នុងពេលដែលស្ថានភាពទឹកជំនន់នៅខេត្តបន្ទាយមានជ័យកំពុងបន្តបង្កផលប៉ះពាល់ដល់លំនៅឋាន និងជីវភាពប្រជាពលរដ្ឋ អាជ្ញាធរខេត្តបានបង្កើនការយកចិត្តទុកដាក់លើការជម្លៀសប្រជា ពលរដ្ឋចេញពីតំបន់ប្រឈមទៅកាន់ទីទួលសុវត្ថិភាព ព្រមទាំងធានាស្បៀង អាហារ សន្តិសុខ សុវត្ថិភាព និងសេវាសុខាភិបាលជូនប្រជាពលរដ្ឋឱ្យបានទាន់ពេលវេលា។

នៅថ្ងៃទី២៩ ខែកញ្ញា ឆ្នាំ២០២៦ ដើម្បីឆ្លើយតបបានទាន់ពេលវេលាទៅនឹងស្ថានភាពគ្រោះធម្មជាតិ លោក ឡុង ហួត ក្រុមការងាររាជរដ្ឋាភិបាលចុះមូលដ្ឋានឃុំសំបួរ លោក សេក សុខុម ប្រធានមន្ទីរព័ត៌មានខេត្តបន្ទាយមានជ័យ និងមន្ត្រីកសិកម្ម សហការជាមួយអាជ្ញាធរដែនដីឃុំសំបួរ បានចុះបេសកកម្មផ្ទាល់ដល់មូលដ្ឋាន ដើម្បីធ្វើការស្រង់ទិន្នន័យ ពិនិត្យស្ថានភាពគ្រួសារប្រជាពលរដ្ឋ និងវាយតម្លៃលើទំហំផ្ទៃដីស្រែដែលរងផលប៉ះពាល់យ៉ាងធ្ងន់ធ្ងរ

កម្លាំងសមត្ថកិច្ចចម្រុះ និងប្រជាពលរដ្ឋ បានសហការគ្នាចាប់បានសត្វក្រពើមួយក្បាលដែលមានទំហំធំ នៅភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ កាលពីព្រឹកថ្ងៃទី២៩ ខែកញ្ញា ឆ្នាំ២០២៦ ខណៈតំបន់មួយចំនួនកំពុងរងផលប៉ះពាល់ដោយជំនន់ទឹកភ្លៀង។

ស្ថានភាពទឹកជំនន់នៅខេត្តបន្ទាយមានជ័យ កំពុងបន្តស្ថិតក្នុងស្ថានភាពគួរឱ្យព្រួយបារម្ភ ខណៈទឹកនៅតាមស្ទឹង អូរ និងតំបន់ប្រឈមមួយចំនួនបានបន្តកើនឡើងខ្ពស់ រហូតឈានដល់កម្រិតប្រកាសអាសន្ន និងបានបង្កផលប៉ះពាល់ដល់ស្រុក-ក្រុងចំនួន ៦ ក្នុងចំណោមស្រុក-ក្រុងទាំង ៩ របស់ខេត្ត ដោយប្រជាពលរដ្ឋសរុបចំនួន ៣.៥៦២ គ្រួសារ ស្មើនឹង ១៤.៥៣១ នាក់ បានរងផលប៉ះពាល់។

អាជ្ញាធរ និងកម្លាំងចម្រុះនៅក្នុងខេត្តបន្ទាយមានជ័យ បន្តប្រតិបត្តិការតាមដានស្ថានភាពទឹក និងជម្លៀសប្រជាពលរដ្ឋទៅកាន់ទីទួលសុវត្ថិភាព ខណៈទឹកជំនន់ដែលបណ្តាលមកពីភ្លៀងធ្លាក់ និងទឹកហូរមកពីប្រទេសថៃ បានបន្តបង្កផលប៉ះពាល់នៅតំបន់មួយចំនួន ជាពិសេសតាមបណ្តោយមាត់អូរព្រំដែនក្នុងក្រុងប៉ោយប៉ែត។

(បន្ទាយមានជ័យ) ខណៈទឹកជំនន់តាមបណ្តោយមាត់អូរព្រំដែនក្នុងក្រុងប៉ោយប៉ែត កំពុងបន្តកើនឡើងខ្ពស់ ឯកឧត្តម កែ គឹមយ៉ាន តំណាងរាស្ត្រមណ្ឌលបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ នៅរសៀលថ្ងៃទី២៧ ខែកញ្ញា ឆ្នាំ២០២៦ បានចាត់ចែងបញ្ជូនទូកសង្គ្រោះចំនួន ៣០គ្រឿង និងទូកពោងខ្យល់ ១៥គ្រឿង សរុប ៤៥គ្រឿង មកកាន់ក្រុងប៉ោយប៉ែត ដើម្បីចូលរួមជួយសង្គ្រោះ និងជម្លៀសប្រជាពលរដ្ឋចេញពីតំបន់ដែលកំពុងប្រឈមការជន់លិចខ្លាំង

នាព្រឹកថ្ងៃទី២៨ ខែកញ្ញា ឆ្នាំ២០២៦ ឯកឧត្តមអនុរដ្ឋលេខាធិការ ជា ឆេង ប្រធានក្រុមការងាររាជរដ្ឋាភិបាលចុះមូលដ្ឋានស្រុកមង្គលបូរី និងលោក កែវ តារារស្មី អភិបាលនៃគណៈអភិបាលស្រុកមង្គលបូរី ព្រមទាំងអាជ្ញាធរមូលដ្ឋាន កងកម្លាំងសមត្ថកិច្ច និងក្រុមការងារចុះមូលដ្ឋានឃុំសឿ បានអញ្ជញចុះពិនិត្យស្ថានភាពជំនន់ទឹកភ្លៀងដោយផ្ទាល់នៅភូមិត្នោត ឃុំសឿ ស្រុកមង្គលបូរី​ ខេត្តបន្ទាយមានជ័យ។

ចុះពិនិត្យស្ថានភាពទឹក ដោយសារជំនន់ទឹកភ្លៀង នៅអាងអូខៃដន្យ សំណង់ទី២ ស្ថិតនៅភូមិសុខសាន្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។

នាថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦ ក្រុមមន្ត្រីជំនាញបច្ចេកទេសនៃនាយកដ្ឋានជលសាស្រ្ដ និងការងារទន្លេ របស់ក្រសួងធនធានទឹក និងឧតុនិយម បានចុះបំពេញបេសកកម្មពិនិត្យ ជួសជុស និងថែទាំស្ថានីយជលសាស្រ្ដស្វ័យប្រវត្តិ ស្ថិតក្នុងភូមិសាស្ត្រខេត្តបន្ទាយមានជ័យ និងខេត្តសៀមរាប។

សម្ពាធទាបដែលកើតមាននៅលើសមុទ្រចិនខាងត្បូងបានវិវត្តទៅជាព្យុះទី១៤ ឈ្មោះ គូជីរ៉ា (Kujira) T2614 រួមជាមួយនឹងព្យុះសង្ឃរាទី១៣ ឈ្មោះ ដូលហ្វីន (Dolphin) T2613 មានឥទ្ធិពលខ្លាំងលើរបបខ្យល់មូសុងនិរតីដែល បក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើ ព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងពីរនេះទេ។

ភ្នំពេញ ៖ បន្ទាប់ពីមានគ្រោះរញ្ជួយដីកម្រិត ៧,១ រ៉ិចទ័រ និងការប្រកាសអាសន្នអំពីរលកយក្សស៊ូណាមិពីអាជ្ញាធរជប៉ុន ក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវដល់បងប្អូនកម្មសិក្សាការី និងពលករជំនាញខ្មែរទាំងអស់ ដែលកំពុងស្នាក់នៅ និងធ្វើការនៅប្រទេសជប៉ុន ជាពិសេសនៅតំបន់ដែលរងផលប៉ះពាល់ ឱ្យបង្កើនការប្រុងប្រយ័ត្នខ្ពស់។

សេចក្តីជូនដំណឹងស្តីពីស្ថានភាពធាតុអាកាស នៅក្នុងខេត្តបន្ទាយមានជ័យ សម្រាប់ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦។