កម្ពុជាត្រៀមបង្កើតកសិដ្ឋានចិញ្ចឹមគោយកទឹកដោះ និងរោងចក្រកែច្នៃ FARM FRESH PURSAT ដ៏ធំបំផុតលើផ្ទៃដី ១,០០០ ហិកតា ក្នុងស្រុកវាលវែង ខេត្តពោធិ៍សាត់។ គម្រោងនេះមានទុនវិនិយោគសរុប ៦៨ លានដុល្លារអាមេរិក ដែលជាការសហការរវាងក្រុមហ៊ុនកម្ពុជា SONAVITH និងក្រុមហ៊ុនម៉ាឡេស៊ី Farm Fresh Berhad Malaysia ដើម្បីបង្កើតការងារ និងជំរុញសេដ្ឋកិច្ចជាតិ។

ឯកឧត្តម ខូយ រីដា អភិបាលខេត្តពោធិ៍សាត់ បានជួបសំណេះសំណាលជាមួយលោកគ្រូ អ្នកគ្រូ និងគណៈគ្រប់គ្រងសាលានៅស្រុកភ្នំក្រវាញ ដើម្បីសាកសួរសុខទុក្ខ ស្វែងយល់ពីបញ្ហាប្រឈម និងពង្រឹងកិច្ចសហការក្នុងវិស័យអប់រំ។

លោក សេក ញន អនុប្រធានមន្ទីរព័ត៌មានខេត្តពោធិ៍សាត់ បានដឹកនាំក្រុមការងារចុះពិនិត្យស្ថានភាពអត្តសញ្ញាណប័ណ្ណសញ្ជាតិខ្មែររបស់ប្រជាពលរដ្ឋនៅភូមិជំរុំសៀមក្នុងគោលបំណង ស្រង់ទិន្នន័យ និងជំរុញឱ្យប្រជាពលរដ្ឋដែលមិនទាន់មាន អត្តសញ្ញាណប័ណ្ណផុតសុពលភាព ឬបាត់បង់ បានរៀបចំធ្វើឯកសារឡើងវិញទាន់ពេលវេលា។

ឯកឧត្តម ខូយ រីដា អភិបាលខេត្តពោធិ៍សាត់ បានចុះសំណេះសំណាលជាមួយលោកគ្រូ អ្នកគ្រូ និងគណៈគ្រប់គ្រងសាលាប្រមាណ ៧០នាក់ ក្នុងស្រុកភ្នំក្រវាញ នារសៀលថ្ងៃទី០៤ ខែសីហា ឆ្នាំ២០២៦ ដើម្បីសាកសួរសុខទុក្ខ ស្វែងយល់ពីបញ្ហាប្រឈម និងពង្រឹងកិច្ចសហការអភិវឌ្ឍវិស័យអប់រំថ្នាក់មូលដ្ឋានឱ្យកាន់តែមានប្រសិទ្ធភាពខ្ពស់។

ពោធិ៍សាត់៖ លោក ងួន ប៉ោសេង អភិបាលរងខេត្ត តំណាង ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានដឹកនាំក្រុមការងារ រួមមាន លោក-លោកស្រី ប្រធានមន្ទីរពាក់ព័ន្ធ និងអាជ្ញាធរមូលដ្ឋាន ចុះពិនិត្យស្ថានភាពជាក់ស្តែង និងដឹកនាំការងារអន្តរាគមន៍ទឹកជូនប្រជាកសិករ នារសៀលថ្ងៃទី២ ខែសីហា ឆ្នាំ២០២៦។ ប្រតិបត្តិការចុះអន្តរាគមន៍ភ្លាមៗនេះ ធ្វើឡើងដើម្បីជួយសង្គ្រោះផលដំណាំ និងដោះស្រាយបញ្ហាកង្វះខាតទឹកស្រោចស្រពជូនប្រជាកសិករនៅក្នុងឃុំអូរតាប៉ោង ស្រុកបាកាន ខេត្តពោធិ៍សាត់ ដែលកំពុងរងគ្រោះដោយសារបញ្ហាក្តៅរាំងស្ងួត៕

ឯកឧត្តម ខូយ រីដា អភិបាលខេត្តពោធិ៍សាត់ បានដឹកនាំក្រុមការងារចុះពិនិត្យ និងអន្តរាគមន៍បន្ទាន់លើប្រព័ន្ធប្រឡាយទឹកក្នុងស្រុកបាកាន ដើម្បីបែងចែកទឹកស្រោចស្រពសង្គ្រោះស្រូវស្រែប្រជាកសិករដែលកំពុងប្រឈមនឹងការខ្វះខាតទឹក ឱ្យបានទាន់ពេលវេលា និងកាត់បន្ថយការខូចខាតផលដំណាំ។