កម្មវិធី ទទក ព័ត៌មានជាតិ និងអន្តរជាតិ ម៉ោង១៥:០០នាទី (ថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦)
ព្រឹកថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ ឯកឧត្ដម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ និងលោកជំទាវ ឯកឧត្ដម ប្លែក វ៉ារី ប្រធានក្រុមប្រឹក្សាខេត្ត រួមនឹងឯ កឧត្តម លោកជំទាវ សមាជិក ក្រុម ប្រឹក្សា ខេត្ត មន្ទីរ អង្គភាព បានអញ្ជើញរាបបាត្រ បញ្ចប់ការកាន់វេនបិណ្ឌទី៩ ឆ្លងចូលវេនបិណ្ឌទី១០ នៅវត្តច័ន្ទស៊ីសាមគ្គីរតនារាម និងវត្តពោធិ៍សូរិយារាម ស្ថិតនៅក្នុងឃុំកូប ស្រុកអូរជ្រៅ ខេត្តបន្ទាយមានជ័យ។
ខេត្តបន្ទាយមានជ័យ៖ កាលពីថ្ងៃចន្ទ ៩រោច ខែភទ្របទ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៥ ខែតុលា ឆ្នាំ២០២៦ កន្លងទៅនេះ ក្រុមការងារជំនាញនៃមន្ទីរសាធារណការ និងដឹកជញ្ជូនខេត្តបន្ទាយមានជ័យ បានចុះអនុវត្តសកម្មភាពការងារយ៉ាងសកម្មលើការងារថែទាំហេដ្ឋារចនាសម្ព័ន្ធផ្លូវថ្នល់ និងការផ្តល់សេវាដឹកជញ្ជូនក្នុងភូមិសាស្ត្រខេត្ត។
បន្ទាយមានជ័យ៖ នៅព្រឹកថ្ងៃចន្ទ ទី៥ ខែតុលា ឆ្នាំ២០២៦ លោក ខុន សុខុម ប្រធានមន្ទីរអធិការកិច្ចខេត្តបន្ទាយមានជ័យ និងជាតំណាង ឯកឧត្ដម លីវ សុភក្ត្រា រដ្ឋលេខាធិការក្រសួងអធិការកិច្ច និងជាសមាជិកក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បាននាំយកអំណោយអង្ករចំនួន ៣តោន ប្រគល់ជូនដល់រដ្ឋបាលក្រុងប៉ោយប៉ែត សម្រាប់ចាត់ចែងបន្តផ្តល់ជូនប្រជាពលរដ្ឋដែលកំពុងទទួលរងផលប៉ះពាល់ដោយសារគ្រោះទឹកជំនន់នៅក្នុងមូលដ្ឋាន
នៅថ្ងៃទី៥ ខែតុលា ឆ្នាំ២០២៦ លោកបណ្ឌិត សេង វ៉ាង ប្រធានការងារចុះជួយមូលដ្ឋានឃុំរហាល និងក្រុមការងារ បាននាំយកទឹកសុទ្ធចំនួន ២០០យួរ ឧបត្ថម្ភជូនដល់កងទ័ពជួរមុខប្រចាំទិសបឹងត្រកួន ដើម្បីប្រើប្រាស់តាមតម្រូវការជាក់ស្តែង។
