កម្មវិធី ទទក ព័ត៌មានជាតិ និងអន្តតជាតិ ម៉ោង១៥:០០នាទី (ថ្ងៃពុធ ៣កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែតុលា ឆ្នាំ២០២៦)
ជនសង្ស័យ២នាក់ ត្រូវបានកម្លាំងនគរបាលស្រុកភ្នំស្រុកឃាត់ខ្លួន ក្រោយធ្វើសកម្មភាពដេញបាញ់ប្រហារគួរទំនាស់ម្ខាងទៀតឲ្យរបួសធ្ងន់ នៅយប់ថ្ងៃទី ០៩ ខែតុលា ឆ្នាំ២០២៦ វេលាម៉ោង ២៣ និង១០នាទី ភូមិតាវង ឃុំពន្លៃ ស្រុកភ្នំស្រុក ខេត្តបន្ទាយមានជ័យ ។
ទោះបីជាស្ថានភាពទឹកជំនន់បានចាប់ផ្តើមស្រកចុះជាបណ្តើរៗ និងជាពេលដែលបងប្អូនត្រូវត្រឡប់ទៅកាន់លំនៅឋានវិញក៏ដោយ ក៏ឯកឧត្តមអភិបាលខេត្តនៅតែបន្តឈរជិត និងយកចិត្តទុកដាក់ខ្ពស់បំផុតចំពោះសុខទុក្ខរបស់ពួកគាត់។ ជាមួយគ្នានោះ ឯកឧត្តម និងក្រុមការងារ បានបន្តចុះពិនិត្យស្ថានភាពទឹកជាក់ស្តែង និងផលប៉ះពាល់ដំណាំស្រូវរបស់ប្រជាកសិករ ដោយមិនទុកឱ្យប្រជាពលរដ្ឋណាម្នាក់រងគ្រោះដោយឯកោនោះឡើយ និងប្តេជ្ញាជួយរៀបចំវិធានការអន្តរាគមន៍ ស្តារឡើងវិញ ដើម្បីជួយសម្រាលការលំបាករបស់បងប្អូនឱ្យបានទាន់ពេលវេលា។
នាព្រឹកថ្ងៃទី១២ ខែតុលា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាទ្វេភាគីជាមួយ ឯកឧត្តម Ilham Aliyev ប្រធានាធិបតី នៃសាធារណរដ្ឋអាស៊ែបៃហ្សង់ ក្នុងឱកាសនៃការអញ្ជើញបំពេញទស្សនកិច្ចផ្លូវការ និងចូលរួមកិច្ចប្រជុំកំពូល នៃសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី (CICA) លើកទី៧ នៅរដ្ឋធានីបាគូ នៃសាធារណរដ្ឋអាស៊ែបៃហ្សង់ ពីថ្ងៃទី១១ ដល់ ថ្ងៃទី១៥ ខែតុលា ឆ្នាំ២០២៦។
(AKP អាស៊ែបៃហ្សង់) សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីវេទិកាធុរកិច្ចកម្ពុជា-អាស៊ែបៃហ្សង់ ដែលសហការរៀបចំដោយសភាពាណិជ្ជកម្មកម្ពុជា ក្រសួងពាណិជ្ជកម្មនៃព្រះរាជាណាចក្រកម្ពុជា និងក្រសួងសេដ្ឋកិច្ចនៃសាធារណរដ្ឋអាស៊ែបៃហ្សង់។
