ព័ត៌មានតាមបណ្តារខេត្ត

វេទិកានេះរៀបចំឡើងក្នុងគោលបំណងផ្សព្វផ្សាយច្បាប់ ពង្រឹងការយល់ដឹងអំពីហានិភ័យនៃអំពើជួញដូរមនុស្ស និងការកេងប្រវ័ញ្ចគ្រប់ទម្រង់ ជំរុញការប្រើប្រាស់បច្ចេកវិទ្យាឌីជីថលប្រកបដោយសុវត្ថិភាព ព្រមទាំងលើកកម្ពស់ការចំណាកស្រុកដោយស្របច្បាប់ និងមានសុវត្ថិភាព ដើម្បីការពារសិទ្ធិ សេរីភាព និងសេចក្តីថ្លៃថ្នូររបស់ប្រជាពលរដ្ឋ ជាពិសេសស្ត្រី និងកុមារ។

ព្រឹកថ្ងៃទី១០ ខែកក្កដា ឆ្នាំ២០២៦ លោក គួច ចំរើន អភិបាលខេត្តកណ្តាល រួមជាមួយមន្ទីរជំនាញ និងអាជ្ញាធរស្រុកខ្សាច់កណ្ដាល បានចុះពិនិត្យទីតាំងដើម្បីត្រៀមរៀបចំពិធីចែកបណ្ណសម្គាល់ម្ចាស់កម្មសិទ្ធិអចលនវត្ថុ (បណ្ណដីធ្លី) ជូនប្រជាពលរដ្ឋ។ ពិធីនេះនឹងត្រូវធ្វើឡើងនៅក្នុងបរិវេណវិទ្យាល័យចំណេះទូទៅ និងបច្ចេកទេស សម្ដេចតេជោ ហ៊ុន សែន រ៉ូតា ខ្សាច់កណ្ដាល ស្ថិតនៅភូមិសន្លុង ឃុំសន្លុង ស្រុកខ្សាច់កណ្ដាល។

អភិបាលខេត្តកណ្តាល បានដឹកនាំមន្ត្រីជំនាញ និងអាជ្ញាធរស្រុកល្វាឯម ចុះពិនិត្យទីតាំងដីបម្រុងទុកសម្រាប់សាងសង់មន្ទីរពេទ្យបង្អែកស្រុក អធិការដ្ឋាននគរបាល និងបញ្ជាការដ្ឋានកងរាជអាវុធហត្ថស្រុក ស្ថិតក្នុងឃុំថ្មគរ និងឃុំទឹកឃ្លាំង។ បន្ទាប់មក គណៈប្រតិភូខេត្តបានបន្តទៅពិនិត្យគម្រោងសាងសង់ផ្លូវប្រវែងប្រមាណ ២២គីឡូម៉ែត្រ ស្របតាមបណ្តោយដងទន្លេតូច ភ្ជាប់ពីភូមិព្រែកប្រា ទៅភូមិពាមស្តី ក្នុងឃុំព្រែកឬស្សី ស្រុកល្វាឯម។

លោក សោ សុវណ្ណ អភិបាលរងខេត្តប៉ៃលិន និងជាអនុប្រធានអនុគណៈកម្មការសុវត្ថិភាពចរាចរណ៍ខេត្តប៉ៃលិន បានមានប្រសាសន៍ថា កត្តាមនុស្ស មានភាគរយខ្ពស់ ក្នុងចំណោមកត្តាពីរផ្សេងទៀត ( កត្តាផ្លូវថ្នល់ និងកត្តាយានយន្ត ) ដែលបង្ករអោយមានគ្រោះថ្នាក់ចរាចរណ៍។ លោក សោ សុវណ្ណ បានមានប្រសាសន៍ដូច្នេះ នៅក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៦ របស់អនុគណៈកម្មាការសុវត្ថភាពចរាចរណ៍ផ្លូវគោកខេត្តប៉ៃលិន នាព្រឹកថ្ងៃទី ១០ ខែកក្កដា ឆ្នាំ២០២៦។

ប៉ៃលិន៖ មានប្រសាសន៍នៅក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៦ របស់អនុគណៈកម្មាការសុវត្ថភាពចរាចរណ៍ផ្លូវគោកខេត្តប៉ៃលិន នាព្រឹកថ្ងៃទី ១០ ខែកក្កដា ឆ្នាំ២០២៦ នៅមន្ទីរសាធារណៈការ និងដឹកជញ្ជូនខេត្តប៉ៃលិន លោក គង់ ជឺ អនុប្រធានមន្ទីរព័ត៌មានខេត្តប៉ៃលិន បានស្នើអោយមានការសហការផ្សព្វផ្សាយច្បាប់ចរាចរណ៍អោយបានកាន់តែទូលំទូលាយ នៅតាមវិទ្យុ ទូរទស្សន៍ និងបណ្តាញសង្គម ដែលជាយន្តការរបស់រដ្ឋ ក្នុងការបញ្រ្ជាបការយល់ដឹង និងចូលលរួមអនុវត្តច្បាប់ចរាចរណ៍អោយបានម៉ឺងម៉ាត់ ដើម្បីកាត់បន្ថយគ្រោះថ្នាក់ចរាចរណ៍នៅតាមដងផ្លូវ។

កូនត្រីចម្រុះ២០ម៉ឺនក្បាល និងកូនបង្កង៣ម៉ឺនក្បាលត្រូវបានធ្វើពិធីលែង ក្នុងអាងទឹកឈ្វាំង ស្ថិតក្នុងស្រុករលាប្អៀរ

ឯកឧត្តម ទេព អស្នារិទ្ធ៖ បណ្តាញសង្គម Facebook និង TikTok មិនមែនជាប្រភេទប្រព័ន្ធផ្សព្វផ្សាយផ្លូវការ នៅកម្ពុជាឡើយ

មន្ត្រីរដ្ឋលេខាធិការដ្ឋានកិច្ចការព្រំដែន៖ ប្រាសាទតាមាន់ធំស្ថិតក្នុងទឹកដីកម្ពុជាបើយោងតាមផែនទីមាត្រដ្ឋាន ១/២០០ ០០០ និងកំណត់ហេតុ (PV) បោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និង ១៩១៩ និងយោងតាមផែនទី L7017 មាត្រដ្ឋាន ១/៥០ ០០០ ដែលថៃគូសដោយឯកតោភាគី

នៅបន្ទប់ប្រជុំពន្ធនាគារខេត្ត នាថ្ងៃទី១០ ខែកក្កដា ឆ្នាំ២០២៦ លោកឧត្តមអគ្គានុរក្សថ្នាក់លេខ៣ កូវ កឿត ប្រធានពន្ធនាគារខេត្តប៉ៃលិន បានដឹកនាំកិច្ចប្រជុំ ដើម្បីពង្រឹងលើការងារគ្រប់គ្រងពន្ធនាគារ និងផ្សព្វផ្សាយខ្លឹមសារកិច្ចប្រជុំរបស់អគ្គនាយកដ្ឋានពន្ធនាគារ នាថ្ងៃទី៣ ខែកក្កដា កន្លងមក ដោយមានការចូលរួមពីលោក-លោកស្រីអនុប្រធានពន្ធនាគារ, ប្រធាន-អនុប្រធានការិយាល័យ ជាច្រើនរូប ក្នុងគោលបំណង ដើម្បីពង្រឹងសន្តិសុខ សណ្តាប់ធ្នាប់ វិន័យការងារ ព្រមទាំងការគិតគូរ ផ្នែកមនុស្សធម៌ ដល់ជនជាប់ឃុំ និងការកែប្រែជនជាប់ឃុំ ឱ្យក្លាយជាពលរដ្ឋល្អក្នុងសង្គម។

អ្នកនាំពាក្យក្រសួងព័ត៌មាន៖ យុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ក្លាយជាខែលការពារដ៏មានសំខាន់ ក្នុងការគាំពារប្រជាពលរដ្ឋ ពិសេសស្រទាប់យុវវ័យ

សម្តេចតេជោ ហ៊ុន សែន អញ្ជើញអុជធូបគោរពវិញ្ញាណក្ខន្ធសពម្តាយ លោក កឹម សុខា

រដ្ឋបាលខេត្តកណ្តាល បានរៀបចំវេទិកាផ្សព្វផ្សាយច្បាប់ស្តីពីការបង្ក្រាបអំពើជួញដូរមនុស្ស ការធ្វើអាជីវកម្មផ្លូវភេទ ការកេងប្រវ័ញ្ច និងការរំលោភបំពានផ្លូវភេទលើកុមារតាមប្រព័ន្ធអនឡាញ នៅក្រុងតាខ្មៅ