
តំណាងសិស្សានុសិស្សនៃវិទ្យាល័យ ហ៊ុន សែន ខ្លាកូន ថ្លែងមតិប្តេជ្ញាចិត្តប្រយុទ្ធប្រឆាំងព័ត៌មានក្លែងក្លាយ
យុទ្ធនាការ "និយាយថាទេចំពោះព័ត៌មានក្លែងក្លាយ" ជំហានទី២ កំពុងបន្តដំណើរយ៉ាងស្វាហាប់ ដល់ខេត្តបន្ទាយមានជ័យហើយជាមួយការចូលរួមយ៉ាងផុលផុសពីថ្នាក់ដឹកនាំ អាជ្ញាធរមូលដ្ឋាន ព្រមទាំងយុវសិស្សវិទ្យាល័យ អនុវិទ្យាល័យតាមបណ្តាខេត្ត និងមានការគាំទ្រពីគ្រប់តួអង្គពាក់ព័ន្ធក្នុងសង្គម។ ស្មារតីរួមគ្នាក្នុងការប្រយុទ្ធប្រឆាំងព័ត៌មានក្លែងក្លាយកំពុងមានសន្ទុះឈានឡើងពាសពេញប្រទេស! នៅក្នុងជំហានទី២នេះ យុទ្ធនាការ ដែលដឹកនាំដោយក្រសួងព័ត៌មាន បានបង្កើតនូវចលនាជាតិដ៏រស់រវើកមួយ ដោយទទួលបានការគាំទ្រយ៉ាងពេញទំហឹងពីសំណាក់ថ្នាក់ដឹកនាំ និងអាជ្ញាធរគ្រប់លំដាប់ថ្នាក់ ក្នុងការចុះផ្ទាល់ដើម្បីអប់រំ ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ។











