(បន្ទាយមានជ័យ)៖ ក្រុមការងារចម្រុះខេត្តបន្ទាយមានជ័យ សម្របសម្រួលនីតិវិធីដោយលោក សំរិទ្ធ សុខុន និងលោក ទេព ឃុនឆ័យ ព្រះរាជអាជ្ញារង នៃអយ្យការអមសាលាដំបូងខេត្ត នៅថ្ងៃទី៣ ខែសីហា ឆ្នាំ២០២៦ បានចុះធ្វើរដ្ឋបាលតាមអគារស្នាក់នៅ ចំនួន៤ទីតាំង ដោយមានការសហការចូលរួមពីម្ចាស់ទីតាំង ពិនិត្យឃើញថា ៣ទីតាំង ជនបរទេសបានចាកចេញអស់។

កម្លាំងជំនាញមូលដ្ឋានកងរាជអាវុធហត្ថក្រុងប៉ោយប៉ែតបានទទួលពាក្យបណ្តឹងរបស់ជនរងគ្រោះចំនួន០២នាក់ ឈ្មោះស៊ីន យ៉ុងឈីន ភេទប្រុស អាយុ២០ឆ្នាំ រស់នៅភូមិផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត និងឈ្មោះ អៀន សុវណ្ណារ៉ា ភេទប្រុស អាយុ១៦ឆ្នាំ រស់នៅភូមិក្បាលកោះ សង្កាត់អូរជ្រៅ ក្រុងប៉ោយប៉ែត ស្តីពីករណីធ្វើឲ្យខូចខាតដោយចេតនា (កាប់បំផ្លាញម៉ូតូ) ដែលប្រព្រឹត្តកាលពីវេលាម៉ោង១៩ និង១៦នាទី ថ្ងៃទី២២ ខែកក្កដា ឆ្នាំ២០២៦ ។

កម្លាំងជំនាញមូលដ្ឋានកងរាជអាវុធហត្ថក្រុងប៉ោយប៉ែត បានទទួលសេចក្ដីរាយការណ៍របស់ជនរងគ្រោះឈ្មោះ ផា ម៉ៅ ភេទប្រុស អាយុ៤៤ឆ្នាំ រស់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ថាមានករណីលួចកាត់ខ្សែភ្លើង ដែលប្រព្រឹត្តនៅពីវេលាម៉ោង០៣និង៣០នាទី ថ្ងៃទី៣១ ខែកក្កដា ឆ្នាំ២០២៦ នៅចំណុចម្ដុំដីស ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ដែលបង្កឡើងដោយជនសង្ស័យចំនួន០៣នាក់ បានធ្វើសកម្មភាពចូលគាស់ពិដានចូលលួចកាត់ខ្សែភ្លើងក្នុងផ្ទះរបស់ខ្លួន ហើយត្រូវជនរងគ្រោះឃាត់ខ្លួនបានចំនួន០១នាក់។

ដោយអនុវត្ត​តាម​បទ​បញ្ជា​យ៉ាង​មុឺងម៉ាត់​របស់​ ឯកឧត្ដម​ នាយ​ឧត្ដមសេនីយ៍​ ស​ ថេត​ អគ្គស្នងការ​នគរបាល​ជាតិ​ និង​មានការយកចិត្តទុក្ខដាក់ខ្ពស់ពី​ ​លោក​ឧត្ដមសេនីយ៍​ត្រី​ សឿម​ សារិទ្ធ​ ស្នងការ​ នៃ​ស្នង​ការ​ដ្ឋាន​នគរបាល​ខេត្ត​បន្ទាយមានជ័យ​ ​កាលពីថ្ងៃទី ២៥ កក្តដា ឆ្នាំ២០២៦ វេលាម៉ោង១៧: ០០ នាទីកម្លាំងអធិការដ្ឋាននគរបាលក្រុងសិរីសោភ័ណ ដែលដឹកនាំដោយលោកវរសេនីយ៍ឯក សុី ឌី អធិការ នគរបាលក្រុងសិរីសោភ័ណ បានទទួលព័ត៌មាន និងបណ្តឹងថានៅមុខមន្ទីរពេទ្យបង្អែកក្រុងសិរីសោភ័ណ ស្ថិតនៅភូមិព្រហូត សង្កាត់អូរអំបិល ក្រុងសិរីសោភ័ណ មានករណីហិង្សាដោយចេតនា។

(បន្ទាយមានជ័យ)៖ នៅថ្ងៃទី២៩ ខែកក្កដា ឆ្នាំ២០២៦ លោក ប្រាក់ ប៉ូលី អភិបាលរងខេត្តបន្ទាយមានជ័យ បាទបានដឹកនាំក្រុមការងារចម្រុះខេត្ត ក្រោមការសម្របសម្រួលនីតិវិធីដោយលោក ទេព ឃុនឆ័យ ព្រះរាជអាជ្ញារង នៃអយ្យការអមសាលាដំបូងខេត្ត បានចុះត្រួតពិនិត្យទីតាំងចំនួន៤ ក្នុងភូមិសាស្ត្រក្រុងប៉ោយប៉ែត រកឃើញជនបរទេសចំនួន៩នាក់ (ស្រី៣នាក់) មាន២សញ្ជាតិ គឺជនជាតិចិន៧នាក់ (ស្រី១នាក់) និងជនជាតិឡាវ២នាក់ (ស្រីទាំងពីរនាក់) តែមិនជាប់ពាក់ព័ន្ធនឹងបទល្មើស Online Scams នោះទេ។

(បន្ទាយមានជ័យ)៖ នៅថ្ងៃទី២៦ ខែកក្កដា ឆ្នាំ២០២៦ កម្លាំងជំនាញមូលដ្ឋានកងរាជអាវុធហត្ថក្រុងសិរីសោភ័ណ បានទទួលបណ្តឹងរបស់ជនរងគ្រោះឈ្មោះ យ៉ាំង មិញសៀង ភេទប្រុស អាយុ៣១ឆ្នាំ រស់នៅភូមិ៤ សង្កាត់ព្រះពន្លា ក្រុងសិរីសោភ័ណ ស្តីពីករណីលួចកាត់សោរផ្ទះចូលលួចម៉ូតូនិងសម្ភារៈក្នុងផ្ទះរបស់ខ្លួន ដែលប្រព្រឹត្តកាលពីវេលាម៉ោង៣និង០០នាទី ថ្ងៃទី២៥ ខែកក្កដា ឆ្នាំ២០២៦ នៅចំណុចភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ក្នុងខណៈពេលខ្លួនមិននៅផ្ទះ។