កងរាជឣាវុធហត្ថខេត្តបន្ទាយមានជ័យបញ្ជូនជនសង្ស័យ២នាក់ ទៅសាលាដំបូងខេត្តឣនុវត្តតាមនីតិវិធី ពាក់ព័ន្ធករណី លួចសម្ភារៈ និងប្រើប្រាស់ដោយខុសច្បាប់នូវសារធាតុញៀន

នៅវេលាម៉ោង២៣និង៤០នាទីថ្ងៃទី២៧ ខែកញ្ញា ឆ្នាំ២០២៦ កម្លាំងជំនាញមូលដ្ឋានកងរាជអាវុធហត្ថស្រុកម៉ាឡៃបានទទួលបណ្ដឹងបន្ទាន់របស់ជនរងគ្រោះឈ្មោះ ថៃ ម៉េងលី ភេទប្រុស អាយុ២៨ឆ្នាំ ស្នាក់នៅភូមិអូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ តំណាងឱ្យក្រុមហ៊ុនប៉ាងណាគ្រីគ្រុប ស្តីពីករណីលួចសម្ភារៈនៅក្នុងក្រុមហ៊ុន កាលពីវេលាម៉ោង២៣និង២៣នាទី ថ្ងៃទី២៧ ខែកញ្ញា ឆ្នាំ២០២៦ បង្កដោយសង្ស័យមួយក្រុម ហេីយត្រូវបានសន្តិសុខយាមនៅទីនោះឃាត់ខ្លួនបានចំនួន០២នាក់ ចំណែកបក្ខពួកផ្សេងទៀតបានរត់គេចខ្លួន។