(ប៉ៃលិន)៖ រដ្ឋបាលខេត្តប៉ៃលិន សហការជាមួយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បានរៀបចំពិធីប្រកាសបិទផ្សាយជាសាធារណៈនូវឯកសារនៃការវិនិច្ឆ័យការចុះបញ្ជីដីធ្លីមានលក្ខណៈជាប្រព័ន្ធ ជូនដល់បងប្អូនប្រជាពលរដ្ឋក្នុងភូមិស្រែអន្ទាក់ ឃុំសាលាក្រៅ ស្រុកសាលាក្រៅ ខេត្តប៉ៃលិន នាថ្ងៃទី២០ ខែតុលា ឆ្នាំ២០២៦ ក្រោមអធិបតីភាពលោក រស់ នឿន អភិបាលរងខេត្តប៉ៃលិន តំណាងដ៏ខ្ពង់ខ្ពស់លោកជំទាវ បាន ស្រីមុំ អភិបាលនៃគណៈអភិបាលខេត្ត។

(ប៉ៃលិន)៖នៅព្រឹកថ្ងៃទី១៩ ខែតុលា ឆ្នាំ២០២៦ នៅសាលប្រជុំមន្ទីរព័ត៌មានខេត្តប៉ៃលិន លោក ញ៉ឹប បូរី ប្រធានមន្ទីរព័ត៌មានខេត្ត បានដឹកនាំកិច្ចប្រជុំការងារជាមួយមន្ត្រីការិយាល័យទូរទស្សន៍ និងការិយាល័យទីភ្នាក់ងារសារព័ត៌មានកម្ពុជា (AKP) ដើម្បីពង្រឹងប្រសិទ្ធភាពការងារប្រចាំថ្ងៃ និងជំរុញការផលិតបទយកការណ៍ឱ្យកាន់តែសកម្ម សំដៅឆ្លុះបញ្ចាំងពីសមិទ្ធិផលជាក់ស្តែងនានាក្នុងខេត្ត។

(ប៉ៃលិន)៖នៅយប់អាទិត្យ ៧ កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែតុលា ឆ្នាំ២០២៦ ដោយអនុវត្តនូវអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន កម្លាំងនគរបាលខេត្តប៉ៃលិន បានចុះល្បាត ឈរជើង និងត្រួតពិនិត្យតាមគោលដៅសំខាន់ៗក្នុងមូលដ្ឋាន ដើម្បីរក្សាសន្តិសុខ សុវត្ថិភាពសង្គម បង្ការ និងទប់ស្កាត់បទល្មើសគ្រប់ប្រភេទ ព្រមទាំងធានាសុវត្ថិភាព និងសណ្តាប់ធ្នាប់ជូនប្រជាពលរដ្ឋក្នុងមូលដ្ឋាន។

ប៉ៃលិន៖ រសៀល ថ្ងៃទី១៨ ខែតុលា ឆ្នាំ២០២៦ លោក រស់ នឿន អនុប្រធានក្រុមការងារចុះជួយសង្កាត់ និងជាប្រធានក្រុមការងារចុះជួយភូមិអូរច្រាកណ្ដាល បានដឹកនាំសហការីអញ្ជើញចុះសួរសុខទុក្ខដោយផ្ទាល់ដល់លំនៅឋានសមាជិកបក្សដែលមានជំងឺប្រចាំកាយ ដើម្បីបង្ហាញពីការយកចិត្តទុកដាក់ និងភាពកក់ក្តៅពីសំណាក់ថ្នាក់ដឹកនាំ។

ប៉ៃលិន៖ នាព្រឹកថ្ងៃទី១៨ ខែតុលា ឆ្នាំ២០២៦ ឯកឧត្តម អ៊ី ហឿន អនុប្រធានក្រុមការងារចុះមូលដ្ឋានសង្កាត់ទួលល្វា និងជាប្រធានក្រុមការងារចុះជួយភូមិអូរតាពុកក្រោម បានដឹកនាំកិច្ចប្រជុំណែនាំ និងជំរុញការងារសំខាន់ៗមួយចំនួន ដល់ថ្នាក់ដឹកនាំ និងកម្លាំងមូលដ្ឋានភូមិអូរតាពុកក្រោម សង្កាត់ទួលល្វា ក្រុងប៉ៃលិន។

ប៉ៃលិន៖ នាព្រឹកថ្ងៃទី១៨ ខែតុលា ឆ្នាំ២០២៦ វេលាម៉ោង ០៨:០០នាទី លោកឧត្តមសេនីយ៍ទោ សេង សុគន្ធ ស្នងការនៃស្នងការដ្ឋាននគរបាលខេត្តប៉ៃលិន បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងាររក្សាសន្តិសុខ សណ្តាប់ធ្នាប់សង្គម ប្រចាំខែតុលា និងលើកទិសដៅអនុវត្តបន្តសម្រាប់ខែវិច្ឆិកា ឆ្នាំ២០២៦ នៅស្នងការដ្ឋាននគរបាលខេត្ត ស្របតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ។ ពិធីនេះមានការចូលរួមពីលោក-លោកស្រីស្នងការរង នាយការិយាល័យ អធិការក្រុង-ស្រុក មេបញ្ជាការវរសេនាតូចការពារព្រំដែនគោកលេខ៨២១ និងនាយប៉ុស្តិ៍នគរបាលរដ្ឋបាលទាំង ៨ ឃុំ/សង្កាត់។