នាព្រឹកថ្ងៃទី២០ ខែតុលា ឆ្នាំ២០២៦ នៅសាលប្រជុំក្រុមប្រឹក្សាខេត្តបន្ទាយមានជ័យ ឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញជាអធិបតីក្នុងកិច្ចប្រជុំពិភាក្សាអំពី «ផែនការឆ្លើយតបជំនួយដល់គ្រួសាររងគ្រោះដោយទឹកជំនន់នៅក្នុងខេត្តបន្ទាយមានជ័យ»។

សារលិខិតគោរពជូនពររបស់ ឯកឧត្តម កែ គឹមយ៉ាន តំណាងរាស្រ្តមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ សូមគោរពជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដ៏នក្ខន្តឫក្សប្រសើរថ្លៃថ្លា ប្រកបដោយក្តីសោមនស្សរីករាយ នៃថ្ងៃមង្គលចម្រើនជន្មាយុគម្រប់ ៤៩ឆ្នាំ ឈានចូល ៥០ឆ្នាំ

សូមបួងសួងដល់គុណបុណ្យព្រះរតនត្រ័យ គុណកែវទាំងបី វត្ថុស័ក្តិសិទ្ធិទាំងឡាយក្នុងលោក ជាពិសេសទេវតាថែរក្សាព្រះរាជាណាចក្រកម្ពុជា សូមតាមជួយថែរក្សា ការពារ អភិបាល ប្រោះព្រំនូវសព្ទសាធុការពរជ័យ សិរីសួស្តី ជ័យមង្គល វិបុលសុខគ្រប់ប្រការ ជូនចំពោះ សម្តេចមហាបវរធិបតី និងលោកជំទាវបណ្ឌិត ព្រមទាំងបុត្រាបុត្រីជាទីស្រឡាញ់ សូមបានសមប្រកបដោយព្រះពុទ្ធពរ និងពរដ៏ថ្លៃថ្លាទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ

ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ផ្ញើសារសូមគោរពជូនពរ​ សម្ដេចមហាបវរធិបតី​ ហ៊ុន​ ម៉ាណែត​ នាយករដ្ឋមន្រ្តីនៃព្រះរាជាណាចក្រកម្ពុជា​ ក្នុងឱកាសដ៏មង្គលាភិរម្យថ្លៃថ្លា​ នៃឱកាសខួបចម្រេីនជន្មាយុគម្រប់​ ៤៩ឆ្នាំ​ ឈានចូល​ ៥០ឆ្នាំ​ ដែលនឹងប្រព្រឹត្តទៅនៅថ្ងៃអង្គារ​ ៩កេីត​ ខែអស្សុជ​ ឆ្នាំមមី​ អដ្ឋស័ក​ ព.ស.២៥៧០​ ដែលត្រូវនឹងថ្ងៃទី២០​ ខែតុលា​ ឆ្នាំ២០២៦។ សូម​ សម្ដេចមហាបវរធិបតី​ និងលោកជំទាវបណ្ឌិត​ ព្រមទាំងបុត្រា​ បុត្រី​ ទទួលបាននូវសុខភាពល្អបរិបូរណ៍​ កម្លាំងពលំខ្លាំងក្លា​ ប្រាជ្ញាឈ្លាសវៃ​ សិរីមង្គល​ វិបុលសុខគ្រប់ប្រការ​ និងសមប្រកបដោយពុទ្ធពរទាំងបួនប្រការគឺ​អាយុ​ វណ្ណៈ​ សុខៈ​ ពលៈ​ កុំបីឃ្លៀងឃ្លាតឡើយ។

បន្ទាយមានជ័យ៖ នាព្រឹកថ្ងៃទី១៩ ខែតុលា ឆ្នាំ២០២៦ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានដឹកនាំកិច្ចប្រជុំស្ដីពី ការបង្កើតគណៈកម្មការខេត្ត ដើម្បីរៀបចំសណ្ដាប់ធ្នាប់សាធារណៈ បរិស្ថាន អនាម័យ និងកែលម្អសោភ័ណភាពក្នុងក្រុងសិរីសោភ័ណ ដោយមានការចូលរួមពី លោក ហុឹល រ៉ាយ៉ា អភិបាលរងខេត្ត លោក ស្រេង សុផល អភិបាលក្រុងសិរីសោភ័ណ កងកម្លាំង និងអ្នកពាក់ព័ន្ធ កិច្ចប្រជុំនេះធ្វើឡើងនៅសាលប្រជុំ (ខ) សាលាខេត្តបន្ទាយមានជ័យ។

បន្ទាយមានជ័យ៖ នៅព្រឹកថ្ងៃចន្ទ ទី១៩ ខែតុលា ឆ្នាំ២០២៦ លេខាធិការដ្ឋានរៀបចំការបោះឆ្នោតខេត្តបន្ទាយមានជ័យ (ល.ខ.ប) បានរៀបចំកិច្ចប្រជុំផ្សព្វផ្សាយស្តីពី កិច្ចសហការ និងវិធានការការពារសន្តិសុខ សុវត្ថិភាព សណ្ដាប់ធ្នាប់សាធារណៈ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ រវាង ល.ខ.ប ជាមួយអាជ្ញាធរមូលដ្ឋាន និងកងកម្លាំងប្រដាប់អាវុធ ក្រោមអធិបតីភាព លោក ឃូ ពៅ អភិបាលរងខេត្ត តំណាង ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោក យ៉ង់ សក្តិ ប្រធានលេខាធិការដ្ឋានរៀបចំការបោះឆ្នោតខេត្ត។