កម្មវិធី ទទក ព័ត៌មានជាតិ និងអន្តរជាតិ ម៉ោង១៩:០០នាទី (ថ្ងៃចន្ទ ៧រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែវិច្ឆិកា ឆ្នាំ២០២៦)
សិរីសោភ័ណ៖ នៅថ្ងៃទី២ ខែវិច្ឆិកា ឆ្នាំ២០២៦ នេះ លោក ស្រេង សុផល អភិបាលនៃគណៈអភិបាលក្រុងសិរីសោភ័ណ និងលោក ស្រេង ធារិទ្ធ សមាជិកក្រុមប្រឹក្សាក្រុង រួមជាមួយលោក ម៉ែន សោភ័ណ អភិបាលរងក្រុង បានអញ្ជើញជាអធិបតីក្នុងពិធីសំណេះសំណាល និងលើកទឹកចិត្តដល់ប្អូនៗយុវជន ដែលត្រូវចូលរួមបម្រើកាតព្វកិច្ចយោធានាពេលខាងមុខ។
បន្ទាយមានជ័យ៖ សមត្ថកិច្ចបានបញ្ចប់ប្រតិបត្តិការតាមប្រមាញ់ឆ្លងខេត្តដ៏ក្តៅគគុក ដោយបានកសាងសំណុំរឿងបញ្ជូនខ្លួនជនសង្ស័យសរុប ១០នាក់ ទៅកាន់សាលាដំបូងខេត្តបន្ទាយមានជ័យ នៅថ្ងៃទី២ ខែវិច្ឆិកា ឆ្នាំ២០២៦ នេះ ដើម្បីចាត់ការតាមផ្លូវច្បាប់យ៉ាងម៉ឺងម៉ាត់ ក្រោមបទចោទប៉ុនប៉ងឃាតកម្ម និងប្រើប្រាស់គ្រឿងផ្ទុះខុសច្បាប់។
ខេត្តក្រចេះ៖ នៅព្រឹកថ្ងៃចន្ទ ទី២ ខែវិច្ឆិកា ឆ្នាំ២០២៦ សិស្សានុសិស្សចំនួនជាង ៨០០នាក់ ត្រូវបានបំពាក់បំប៉នចំណេះដឹងដើម្បីក្លាយជា «ភ្នាក់ងារសុវត្ថិភាពព័ត៌មាន» ខណៈយុទ្ធនាការ «និយាយថាទេចំពោះព័ត៌មានក្លែងក្លាយ» (Say No to Fake News) ជំហានទី២ បានឈានចូលដល់ខេត្តក្នុងភូមិភាគឦសាននៃព្រះរាជាណាចក្រកម្ពុជា។
ការពង្រឹងសមត្ថភាពអក្ខរកម្មព័ត៌មាននិងប្រព័ន្ធផ្សព្វផ្សាយក្នុងចំណោមសិស្សវិទ្យាល័យ អនុវិទ្យាល័យ យុវវ័យ និងសាធារណជន ជាគោលដៅស្នូលនៃយុទ្ធនាការជាតិ ដឹកនាំដោយក្រសួងព័ត៌មាន។
