ឯកឧត្តម ឌិត ទីណា ចុះពិនិត្យស្ថានភាពស្រូវរងផលប៉ះពាល់ដោយខ្វះទឹកនៅខេត្តបន្ទាយមានជ័យដោយបញ្ជាក់ថា រាជរដ្ឋាភិបាលកំពុងពន្លឿនវិធានការសង្គ្រោះ និងស្តារការផលិតជូនប្រជាកសិករ
ក្នុងគោលបំណងតាមដានដោយផ្ទាល់នូវស្ថានភាពស្រូវរបស់ប្រជាកសិករ ដែលកំពុងរងផលប៉ះពាល់ពីការខ្វះខាតទឹក ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមជាមួយក្រុមការងារបច្ចេកទេស និងអាជ្ញាធរពាក់ព័ន្ធ បានអញ្ជើញចុះពិនិត្យជាក់ស្តែងនៅ ស្រុកភ្នំស្រុក និងស្រុកមង្គលបុរី ខេត្តបន្ទាយមានជ័យ កាលពីថ្ងៃចន្ទ ទី២៧ ខែកក្កដា ឆ្នាំ២០២៦ ដើម្បីវាយតម្លៃផលប៉ះពាល់ និងពិភាក្សាពីវិធានការជួយសង្គ្រោះបន្ទាន់ជូនប្រជាកសិករ។
