ស្នងការនគរបាលខេត្តបន្ទាយមានជ័យ ចាត់តំណាងជួបសំណេះសំណាលជាមួយគណៈកម្មាធិការជាតិប្រឆាំងទារុណកម្ម ក្នុងឱកាសចុះបេសកកម្មត្រួតពិនិត្យកន្លែងដកហូតសេរីភាព
ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី២៧ ខែសីហា ឆ្នាំ២០២៦ លោកឧត្តមសេនីយ៍ត្រី សឿម សារិទ្ធ ស្នងការនៃស្នងការដ្ឋាននគរបាលខេត្តបន្ទាយមានជ័យ បានចាត់តំណាងឱ្យលោកឧត្តមសេនីយ៍ត្រី នូ ជីវ័ន្ត ស្នងការរង ទទួលផែនការងារនគរបាលព្រហ្មទណ្ឌ ដឹកនាំមន្ត្រីជំនាញពាក់ព័ន្ធ និងលោកអធិការនគរបាលក្រុង-ស្រុកទាំង៩ ចូលជួបសំណេះសំណាល និងសម្តែងការគួរសមជាមួយលេខាធិការដ្ឋាននៃគណៈកម្មាធិការជាតិប្រឆាំងទារុណកម្ម (គ.ជ.ប.ទ)។
