ការចូលរួមរបស់មន្ត្រីរាជការ លោកគ្រូ អ្នកគ្រូ សិស្សានុសិស្ស និងតំណាងវិស័យឯកជន ក្នុងទិវាសម្អាតពិភពលោកលើកទី៩ នៅក្រុងសិរីសោភ័ណ ខេត្តបន្ទាយមានជ័យ បានក្លាយជាសកម្មភាពជាក់ស្តែងមួយក្នុងការបំផុសស្មារតីសាធារណជនឱ្យយល់កាន់តែច្បាស់ពីតួនាទី និងការទទួលខុសត្រូវរួមគ្នាចំពោះអនាម័យ និងបរិស្ថាន ជាពិសេសការកាត់បន្ថយសំរាមចាប់ពីប្រភព។

ដោយមើលឃើញថា វត្តអារាមមិនត្រឹមតែជាទីសក្ការៈបូជា និងជាទីប្រតិបត្តិធម៌ប៉ុណ្ណោះទេ ប៉ុន្តែក៏ជាទីកន្លែងដែលប្រជាពលរដ្ឋជួបជុំគ្នាក្នុងពិធីបុណ្យប្រពៃណី និងសកម្មភាពសាសនាផ្សេងៗជាប្រចាំ ការរក្សាអនាម័យ សណ្តាប់ធ្នាប់ និងបរិស្ថានស្អាតនៅតាមទីវត្តអារាម ក៏ជាកត្តាសំខាន់មួយក្នុងការលើកកម្ពស់សុខុមាលភាពសហគមន៍ និងសោភណភាពមូលដ្ឋានផងដែរ។

បន្ទាយមានជ័យ៖ ដើម្បីចូលរួមចំណែកលើកកម្ពស់អនាម័យ បរិស្ថាន និងសោភ័ណភាពតាមទីវត្តអារាមឱ្យកាន់តែមានភាពបៃតង និងស្រស់បំព្រង មន្ទីរធម្មការ និងសាសនា សហការជាមួយមន្ទីរបរិស្ថានខេត្តបន្ទាយមានជ័យ បានរៀបចំពិធីប្រគល់ធុងសំរាមជ័រសរុបចំនួន ៧៦៥ធុង ដែលជាអំណោយដ៏ថ្លៃថ្លារបស់ក្រសួងបរិស្ថាន ជូនដល់គ្រប់វត្តអារាមទាំងអស់នៅទូទាំងខេត្ត។

បន្ទាយមានជ័យ៖ លោក ឃ្លោក នួយ អភិបាលរងខេត្ត តំណាងឲ្យឯកឧត្ដម អ៊ុំ រាត្រី អភិបាល នៃគណៈអភិបាលខេត្ត បានដឹកនាំក្រុមការងារ ចុះត្រួតពិនិត្យ លូរំដោះទឹកភ្លៀង និងបណ្ដាញទឹកកខ្វក់ និងបានជំរុញដល់ក្រុមការងារទឹកកខ្វក់-ទឹកភ្លៀងបានកំពុងជួសជុលឡើងវិញ ក្នុងសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ នាថ្ងៃទី២៧ ខែសីហា ឆ្នាំ២០២៦

ភូមិរង់ចាំ ប្រែមុខមាត់ថ្មីជាលំនៅដ្ឋានបៃតង តាមរយៈយុទ្ធនាការ «ផ្ទះស្អាត ភូមិស្អាត» ភូមិរង់ចាំ ស្ថិតនៅក្នុងឃុំស្លក្រាម ស្រុកស្វាយចេក ខេត្តបន្ទាយមានជ័យ បាន និងកំពុងបង្ហាញរូបរាងថ្មីយ៉ាងស្រស់បំព្រង ដោយបានផ្លាស់ប្តូរទិដ្ឋភាពពីភូមិដ្ឋានដែលមានជម្រកបណ្តោះអាសន្ន ទៅជាលំនៅដ្ឋានបៃតងប្រកបដោយសោភ័ណភាព និងបរិស្ថានល្អប្រសើរ។ ការប្រែប្រួលដ៏វិជ្ជមាននេះ កើតចេញពីស្មារតីសាមគ្គីភាព និងការចូលរួមយ៉ាងសកម្មរបស់អ្នកភូមិ នៅក្នុងយុទ្ធនាការ «ផ្ទះស្អាត ភូមិស្អាត» ក្រោមការជ្រោមជ្រែង និងគាំទ្រយ៉ាងយកចិត្តទុកដាក់ពីក្រសួងកសិកម្ម រុក្ខាប្រមាញ់ និងនេសាទ។

អបអរសាទរ​បុណ្យ​រុក្ខ​ទិវា​ ៩​ កក្កដា​ ស្ថិត​នៅ​ភូមិ​ជ្រាប់​ថ្មី​ ឃុំ​ជប់​វ៉ារី​ ស្រុក​ព្រះ​នេត្រ​ព្រះ​ ក្រោម​អធិបតី​ភាព​ លោក​ជំទាវ​ អនុប្រធាន​កិត្តិយស​សាខា​សមាគម​នារី​កម្ពុជា​ដើម្បី​សន្តិភាព​ និង​អភិវឌ្ឍន៍​ខេត្តបន្ទាយមានជ័យ​ ប្រារព្ធ​ធ្វើ​នៅ​ថ្ងៃ​ទី​ ០៦​ ខែ​ សីហា​ ឆ្នាំ​ ២០២៦​ ដោយ​មាន​ការ​អញ្ជើញ​ចូលរួម​ពី​ លោក​ជំទាវ​ នួម​ សុ​ភ័ណ​ អ្នក​តំណាង​រាស្ត្រ​មណ្ឌល​ខេត្តបន្ទាយមានជ័យ​ និង​លោកស្រី​អភិបាលរង​ខេត្ត​ មុំ​ ពុទ្ធីតា​ លោក​ជំទាវ​ លោក​ លោក​ស្រី​ សាខា​សមាគម​នារី​ ខេត្ត​ ស្រុក​ ថ្នាក់​ដឹកនាំ​មន្ទីរ​-​ អង្គភាព​ជុំវិញ​ខេត្ត​ និង​អាជ្ញា​ធរ​ស្រុក​ព្រះ​នេត្រ​ព្រះ​ និង​ បង​ប្អូន​មន្ត្រី​រាជការ​ លោក​គ្រូ​ អ្នកគ្រូ​ លោក​តា​ លោក​យាយ​ បងប្អូន​ប្រជាពលរដ្ឋ​ និង​ក្មួយ​ៗ​ សិស្សានុសិស្ស​ ដោយ​គំនិត​ផ្ដួចផ្ដើម​ក្នុង​ការ​បង្កើត​«​ សួន​អនុស្សាវរីយ៍​ និង​ព្រៃ​លំហែ​កម្សាន្ត​» ក្រោម​ពាក្យ​ស្លោក​ « ទេសចរម្នាក់​ ដេីម​ឈេី​មួយ​ដេីម»