នៅរសៀលថ្ងៃទី២៣ ខែតុលា ឆ្នាំ២០២៦ លោក លៀម សុដា អភិបាលរងខេត្ត តំណាងឯកឧត្តម អ៊ុំ រាត្រី អភិបាលនៃគណៈអភិបាលខេត្ត បានអញ្ជើញដឹកនាំកិច្ចប្រជុំពិភាក្សាស្តីពីសំណើសុំទិន្នន័យ និងព័ត៌មាន សម្រាប់រៀបចំឯកសារផែនការសកម្មភាពការងារដោះស្រាយផលប៉ះពាល់នៅក្នុងតំបន់គម្រោងស្ពានស្រែង។ កិច្ចប្រជុំនេះ ធ្វើនៅសាលប្រជុំ (ខ) សាលាខេត្តបន្ទាយមានជ័យ ។
លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត ព្រឹកថ្ងៃសុក្រ ទី២៣ ខែតុលា ឆ្នាំ២០២៦បានអញ្ជើញជាអធិបតីក្នុងពិធីបើកយុទ្ធនាការប្រមូលកុមារចុះឈ្មោះចូលរៀន សម្រាប់ឆ្នាំសិក្សា២០២៦-២០២៧ ក្រោមប្រធានបទ «កុមារជាអ្នកបន្តវេនមិនអាចខ្វះបាន» ដែលប្រារព្ធឡើងនៅបរិវេណសាលាបឋមសិក្សាអភិវឌ្ឍន៍ ស្ថិតក្នុងក្រុងប៉ោយប៉ែត ខេត្តបន្ទាយមានជ័យ។
លោក យឹម សំណាង អភិបាលរងខេត្តបន្ទាយមានជ័យ បានជំរុញឱ្យអ្នកប្រកបអាជីវកម្មក្នុងវិស័យទេសចរណ៍ យកចិត្តទុកដាក់លើការអភិវឌ្ឍន៍ធនធានមនុស្ស ការលើកកម្ពស់គុណភាពសេវាកម្ម អនាម័យ សុវត្ថិភាព និងការគ្រប់គ្រងបរិស្ថាន ដើម្បីឆ្លើយតបនឹងតម្រូវការរបស់ភ្ញៀវទេសចរជាតិ និងអន្តរជាតិ ព្រមទាំងចូលរួមជំរុញការអភិវឌ្ឍន៍វិស័យទេសចរណ៍ប្រកបដោយចីរភាព។
លោកស្រីឧត្តមសេនីយ៍ទោ ហ៊ាង ឆវី មេបញ្ជាការរងកងរាជអាវុធហត្ថលើផ្ទៃប្រទេស និងជាប្រធានក្រុមការងារទី១ បានគូសបញ្ជាក់ពីការយកចិត្តទុកដាក់ចំពោះសុខុមាលភាព និងអត្ថប្រយោជន៍របស់យោធិនដែលដល់អាយុសោធននិវត្តន៍ ព្រមទាំងការបន្តរក្សាសាមគ្គីភាព និងស្មារតីជាមហាគ្រួសារកងរាជអាវុធហត្ថ តាមរយៈការអនុវត្តន៍ច្បាប់ស្តីពីរបបសោធននិវត្តន៍ និងការជួយគាំទ្រតាមរយៈមូលនិធិរបស់កងរាជអាវុធហត្ថ។
នៅព្រឹកថ្ងៃសុក្រ ទី២៣ ខែតុលា ឆ្នាំ២០២៦ មន្ទីរទេសចរណ៍ខេត្តបន្ទាយមានជ័យ បានរៀបចំសិក្ខាសាលា ពិគ្រោះយោបល់ និងតម្រង់ទិស ដើម្បីជ្រើសរើសសិក្ខាកាមសម្រាប់វគ្គបណ្តុះបណ្តាល «បដិសណ្ឋារកិច្ចកម្ពុជាបៃតង (ហូកាបៃតង)» ព្រមទាំងជ្រើសរើសបេក្ខភាពសហគ្រាស ចូលរួមប្រឡងប្រណាំងពានរង្វាន់ «សហគ្រាសហូកាបៃតង» ក្រោមអធិបតីភាព លោក យឹម សំណាង អភិបាលរងខេត្ត តំណាង ឯកឧត្តម អ៊ុ រាត្រី អភិបាលនៃគណៈអភិបាលខេត្ត ។
