កម្មវិធី ទទក ព័ត៌មានពេលព្រឹក ម៉ោង៦:៣០នាទី (ថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែតុលា ឆ្នាំ២០២៦)
បន្ទាយមានជ័យ៖ នៅព្រឹកថ្ងៃចន្ទ ទី២៦ ខែតុលា ឆ្នាំ២០២៦ ពិធីសម្ពោធដាក់ឱ្យប្រើប្រាស់ជាផ្លូវការនូវអគាររដ្ឋបាលស្រុកព្រះនេត្រព្រះ ត្រូវបានប្រារព្ធឡើងយ៉ាងមហោឡារិក ក្រោមអធិបតីភាព ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ និង ឯកឧត្តម ខេង ស៊ុម សមាជិករដ្ឋសភា ព្រមទាំងមានការអញ្ជើញចូលរួមពីសំណាក់ឯកឧត្តម លោកជំទាវ លោក លោកស្រី ថ្នាក់ដឹកនាំខេត្ត មន្ត្រីរាជការ កងកម្លាំងទាំងបីប្រភេទ និងប្រជាពលរដ្ឋ នៅក្នុងបរិវេណសាលាស្រុកព្រះនេត្រព្រះ។
ផ្ទះចំនួន១៣ខ្នងបន្ថែមទៀត ត្រូវបានប្រគល់ជូនដល់អតីតយុទ្ធជន ចំនួន១៣គ្រួសារ នៅក្នុងមណ្ឌលតេជោសន្តិភាព ២២២២ ស្ថិតក្នុងឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ដែលជាអំណោយដ៏ថ្លៃថ្លារបស់សម្តេច អគ្គមហាសេនាបតី តេជោ ហ៊ុន សែន អតីតនាយករដ្ឋមន្ត្រី ប្រធានព្រឹទ្ធសភា នៃ ព្រះរាជាណាចក្រ កម្ពុជា នឹងជាប្រធានសមាគមអតីតយុទ្ធជន និងនិវត្តជនកម្ពុជា (អ.ន.ក) តាមរយៈក្រុមការងារគណៈកម្មាធិការ សមាគមអតីតយុទ្ធជន និងនិវត្តន៍ជនកម្ពុជាខេត្តបន្ទាយមានជ័យ
(បន្ទាយមានជ័យ) នៅព្រឹកថ្ងៃសៅរ៍ ទី២៤ ខែតុលា ឆ្នាំ២០២៦ ឯកឧត្តម អ៊ុក ច័ន្ទវាសនា ប្រធានការិយាល័យរដ្ឋបាល និងហិរញ្ញវត្ថុ សមាគម អ.ម.ត បានអញ្ជើញជាអធិបតីភាពក្នុងពិធីសំណេះសំណាល និងណែនាំពីការប្រើប្រាស់ប្រព័ន្ធឌីជីថល អ.ម.ត ដល់បេក្ខជនអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ក) ផ្តល់ជូនតាមរយៈសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី សម្រាប់ឆ្នាំសិក្សា២០២៦-២០២៧។ ពិធីនេះ បានប្រារព្ធធ្វើឡើងនៅសាលប្រជុំមន្ទីរអប់រំ យុវជន និងកីឡាខេត្ត ដោយមានការអញ្ជើញចូលរួមពីសំណាក់ លោក សេក សុខុម ប្រធានមន្ទីរព័ត៌មានខេត្ត លោក ឈួន ផាណា អនុប្រធានក្រុមការងារគ្រប់គ្រងសិស្ស-និស្សិត អ.ម.ត ខេត្តបាត់ដំបង-បន្ទាយមានជ័យលោកសាកលវិទ្យាធិការរង នាយករង តំណាងសាកលវិទ្យាល័យទាំង៣ (UME, CUS, NMU) រួមទាំងសមណៈនិស្សិត និស្សិត និងអាណាព្យាបាលជាច្រើនរូបផងដែរ ។
ថ្ងៃទី ២៥ ខែតុលា ឆ្នាំ២០២៦ លោកឃ្លោក នួយ អធិបាលរងខេត្ត តំណាងឯកឧត្តម អ៊ុំ រាត្រី អភិបាលខេត្តបន្ទាយមានជ័យ អញ្ជើញជាអធិបតីក្នុងពិធីលែងមេត្រីពូជ និងកូនត្រីចំនួន២០០.០០០ក្បាល នៅស្ទឹងសិរីសោភ័ណ្ឌ ក្រោមប្រធានបទ ( ធនធានជលផលដើម្បីអនាគតខ្មែរ ) ដែលរៀបចំធ្វើឡើងនៅវត្តចមសុទ្ធាវាសហៅវត្តស្វាយចាស់ ស្ថិតនៅភូមិ១ សង្កាត់ព្រះពន្លា ក្រុងសិរីសោភ័ណ្ឌ ខេត្តបន្ទាយមានជ័យ ដែលរៀបចំដោយក្រុមហ៊ុន ហ្គេនប៊ឺក (GANZBERG) ។ ពិធីនេះក៏មានការអញ្ជើញចូលរួមពីលោកស្រី អន ស៊ីថា ប្រធានស្ដីទីមន្ទីរកសិកម្មរុក្ខាប្រមាញ់និងនេសាទខេត្ត លោកJuLien តំណាងក្រុមហ៊ុន អេមអ៊ិច មេឌា ឯ.ក
