បន្ទាយមានជ័យ៖ នាព្រឹកថ្ងៃទី០៦ ខែតុលា ឆ្នាំ២០២៦ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អមដំណើរដោយលោក ហុឹល រ៉ាយ៉ា អភិបាលរងខេត្ត លោក ស្រេង សុផល អភិបាលក្រុងសិរីសោភ័ណ ព្រមទាំងអាជ្ញាធរមូលដ្ឋាន បានចុះពិនិត្យស្ថានភាពទឹកជំនន់ផ្ទាល់ និងបាននាំយកអំណោយគ្រឿងឧបភោគបរិភោគ ចុះសួរសុខទុក្ខប្រជាពលរដ្ឋចំនួន ២៥គ្រួសារ ដល់តាមខ្នងផ្ទះ ដែលកំពុងរងផលប៉ះពាល់ដោយសារទឹកជំនន់ ស្ថិតនៅក្នុងភូមិព្រះពន្លា សង្កាត់ព្រះពន្លា ក្រុងសិរីសោភ័ណ។

ផ្លូវជនបទចំនួន ៨ខ្សែ មានប្រវែងសរុប ៦៧ ១០០ម៉ែត្រ នៅក្នុងខេត្តបន្ទាយមានជ័យ បានទទួលរងផលប៉ះពាល់ដោយសារទឹកជំនន់ ដោយក្នុងនោះតួផ្លូវប្រវែងសរុប ២៥ ៤០០ម៉ែត្រ ត្រូវបានជន់លិច និងតួផ្លូវប្រវែង ៤៥០ម៉ែត្រ ត្រូវបានទឹកហូរកាត់បណ្តាលឱ្យដាច់ ។

ក្រុមការងារបច្ចេកទេសរបស់មន្ទីរសាធារណការ និងដឹកជញ្ជូនខេត្តបន្ទាយមានជ័យ បាននិងកំពុងបន្តយុទ្ធនាការចុះអនុវត្តការងារថែទាំប្រចាំ ដើម្បីជួសជុល និងកែលម្អគុណភាពផ្លូវជាតិ និងផ្លូវខេត្តសំខាន់ៗចំនួន ៤ខ្សែ ក្នុងភូមិសាស្ត្រខេត្ត ក្នុងគោលបំណងបង្កើនសុវត្ថិភាព និងសម្រួលដល់ការធ្វើដំណើររបស់ប្រជាពលរដ្ឋ។

នៅថ្ងៃទី២៩ ខែកញ្ញា ឆ្នាំ២០២៦ ដើម្បីឆ្លើយតបបានទាន់ពេលវេលាទៅនឹងស្ថានភាពគ្រោះធម្មជាតិ លោក ហួត ឡុង ក្រុមការងាររាជរដ្ឋាភិបាលចុះមូលដ្ឋានឃុំសំបួរ លោក សេក សុខុម ប្រធានមន្ទីរព័ត៌មានខេត្តបន្ទាយមានជ័យ និងមន្ត្រីកសិកម្ម សហការជាមួយអាជ្ញាធរដែនដីឃុំសំបួរ បានចុះបេសកកម្មផ្ទាល់ដល់មូលដ្ឋាន ដើម្បីធ្វើការស្រង់ទិន្នន័យ ពិនិត្យស្ថានភាពគ្រួសារប្រជាពលរដ្ឋ និងវាយតម្លៃលើទំហំផ្ទៃដីស្រែដែលរងផលប៉ះពាល់យ៉ាងធ្ងន់ធ្ងរ

ឯកឧត្តម កែ គឹមយ៉ាន តំណាងរាស្រ្តមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ បានអញ្ជើញជួបសំណេះសំណាល នាំយកអំណោយចែកជូនទៅដល់បងប្អូនប្រជាពលរដ្ឋដែលរងគ្រោះដោយសារទឹកជំនន់ រងគ្រោះដោយជំនន់ទឹកភ្លៀង១៤០០គ្រួសារ នៅស្រុកមង្គលបូរី និងក្រុងសិរីសោភ័ណ នៅថ្ងៃទី២ ខែតុលា ឆ្នាំ ២០២៦។

សួរសុខទុក្ខបងប្អូនប្រជាពលរដ្ឋចំនួន ៨គ្រួសារ ដែលរងផលប៉ះពាល់ដោយសារទឹកជំនន់ ស្ថិតនៅភូមិមុខឈ្នាង ឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ។