នាព្រឹកថ្ងៃទី២១ ខែតុលា ឆ្នាំ២០២៦ លោក ឃ្លោក នួយ អភិបាលរងខេត្តបន្ទាយមានជ័យ តំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែតុលា និងលើកទិសដៅការងារសម្រាប់ខែបន្ទាប់ ព្រមទាំងពិភាក្សាអំពីការងារប្រមូល និងដឹកជញ្ជូនសំរាម សំណល់រឹងនៅតាមទីប្រជុំជន ក្នុងភូមិសាស្ត្រក្រុងសិរីសោភ័ណ។ កិច្ចប្រជុំនេះបានប្រព្រឹត្តទៅនៅសាលប្រជុំទីលានទុកដាក់សំរាមក្រុងសិរីសោភ័ណ ខេត្តបន្ទាយមានជ័យ។

(បន្ទាយមានជ័យ)៖ អនុវត្តតាមប្រសាសន៍ណែនាំដ៏ខ្ពង់ខ្ពស់របស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្តី្រក្រសួងមហាផ្ទៃ, ឯកឧត្ដម ឧត្ដមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ និងលោកឧត្ដមសេនីយ៍ទោ ស៊ឹម ចាន់ណាក់ ប្រធាននាយកដ្ឋានច្រកទ្វារទី១ នៅព្រឹកថ្ងៃពុធ ទី២១ ខែតុលា ឆ្នាំ២០២៦ វេលាម៉ោង ១០:០០នាទី លោកឧត្ដមសេនីយ៍ត្រី អ៊ី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានដឹកនាំកម្លាំងមន្ត្រីក្រោមឱវាទ សហការជាមួយស្ថាប័នពាក់ព័ន្ធ អនុវត្តប្រតិបត្តិការបញ្ជូនខ្លួនជនបរទេស និងទទួលពលរដ្ឋខ្មែរតាមច្រកព្រំដែន។

លោក ឈឿន ក្រៃយ៉ុង អភិបាលរងខេត្តបន្ទាយមានជ័យ បានជំរុញឱ្យអាជ្ញាធរមូលដ្ឋាន មន្ទីរ អង្គភាពជំនាញ អង្គការដៃគូអភិវឌ្ឍន៍ និងវិស័យឯកជន បន្តពង្រឹងកិច្ចសហប្រតិបត្តិការ និងសម្រប សម្រួលធនធានគាំទ្រគម្រោងវិនិយោគអាទិភាពរបស់ឃុំ ដើម្បីឆ្លើយតបនឹងតម្រូវការជាក់ស្តែងរបស់ប្រជាពលរដ្ឋ និងជំរុញការអភិវឌ្ឍមូលដ្ឋានឱ្យមាន ប្រសិទ្ធភាព ចំគោលដៅ និងចីរភាព។

ប្រតិបត្តិការពិនិត្យ និងវាយតម្លៃនេះ ដោយមានការចូលរួមសហការ និងសម្របសម្រួលពី លោកឧត្តមសេនីយ៍ត្រី ស៊ុន សម្បត្តិ មេបញ្ជាការរង ទទួលបន្ទុកការងារកសាងកម្លាំង នៃកងរាជអាវុធហត្ថខេត្តបន្ទាយមានជ័យ។

នាព្រឹកថ្ងៃទី២០ ខែតុលា ឆ្នាំ២០២៦ នៅសាលប្រជុំ (ខ) នៃសាលាខេត្តបន្ទាយមានជ័យ លោក ចាន់ សុភាព អនុប្រធានមន្ទីរអប់រំ យុវជន និងកីឡាខេត្ត តំណាងលោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្ត បានដឹកនាំសហការីអញ្ជើញចូលរួមកិច្ចប្រជុំត្រួតពិនិត្យវឌ្ឍនភាពការងាររៀបចំផែនការអនុវត្តកម្មវិធីអន្តរាគមន៍ផ្តល់ការគាំទ្រផលិតកម្មកសិកម្មសម្រាប់គ្រួសារក្រីក្រ និងងាយរងគ្រោះក្នុងសហគមន៍ ខេត្តបន្ទាយមានជ័យ ក្រោមអធិបតីភាពឯកឧត្តម អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ។

មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យបានប្រជុំបូកសរុបលទ្ធផលការងារឆ្នាំ២០២៦ និងដាក់ចេញទិសដៅការងារសម្រាប់ឆ្នាំ២០២៧ ដោយផ្តោតលើការពន្លឿនការចុះបញ្ជីដីធ្លី ការចេញបណ្ណកម្មសិទ្ធិជូនប្រជាពលរដ្ឋ ការរៀបចំផែនការប្រើប្រាស់ដី ការកែលម្អសោភ័ណភាពក្រុង ការដោះស្រាយវិវាទដីធ្លី និងការពង្រឹងគុណភាពសេវាសាធារណៈ។