ព័ត៌មានក្នុងខេត្ត

ដើម្បីការពារ និងអភិរក្សធនធានមច្ឆាជាតិឱ្យបានគង់វង្សក្នុងរដូវត្រីពងកូន អាជ្ញាធរខេត្តបន្ទាយមានជ័យ បានបើកប្រតិបត្តិការចុះល្បាត និងបង្ក្រាបបទល្មើសនេសាទយ៉ាងក្តៅគគុក នៅផ្ទៃទឹកនៃអាងទឹកត្រពាំងថ្ម ព្រមទាំងបានអំពាវនាវយ៉ាងទទូចដល់បងប្អូនប្រជាពលរដ្ឋឱ្យឈប់ប្រើប្រាស់ឧបករណ៍នេសាទខុសច្បាប់គ្រប់ប្រភេទ។

«ជីវជាតិគ្រប់គ្រាន់ អាហារគ្រប់គ្រាន់ ចាប់ផ្តើមពីផ្ទះរបស់អ្នក» គឺជាសារសំខាន់ដែលត្រូវបន្តផ្សព្វផ្សាយឱ្យបានទូលំទូលាយ ដើម្បីឱ្យប្រជាពលរដ្ឋយល់ដឹងពីសារៈសំខាន់នៃការជ្រើសរើស ការរៀបចំ និងការចម្អិនម្ហូបអាហារដែលមានសុវត្ថិភាព និងសារធាតុចិញ្ចឹមគ្រប់គ្រាន់ សម្រាប់លើកកម្ពស់សុខភាព និងសុខុមាលភាពរបស់សមាជិកគ្រួសារ។

ការភ្ជាប់រវាងស្ថាប័នបណ្តុះបណ្តាលជំនាញ និងវិស័យឯកជន ត្រូវបានចាត់ទុកជាកត្តាសំខាន់មួយ ដើម្បីធានាថា សិក្ខាកាមដែលបញ្ចប់ការសិក្សា មិនត្រឹមតែទទួលបានចំណេះដឹងទ្រឹស្តីប៉ុណ្ណោះទេ ប៉ុន្តែអាចយកជំនាញដែលទទួលបានទៅប្រើប្រាស់ប្រកបមុខរបរ បង្កើតអាជីព និងឆ្លើយតបតម្រូវការទីផ្សារការងារបានជាក់ស្តែង។ នេះជាទិសដៅដែលឧកញ៉ា អ៊ឹង វណ្ណម៉ៅ ប្រធានក្រុមប្រឹក្សាផ្តល់យោបល់ និងជាប្រធានសភាពាណិជ្ជកម្មខេត្តបន្ទាយមានជ័យ បានលើកឡើងក្នុងកិច្ចប្រជុំលើកទី១ របស់ក្រុមប្រឹក្សាផ្តល់យោបល់ នៃវិទ្យាស្ថានពហុបច្ចេកទេសខេត្តបន្ទាយមានជ័យ។

នារសៀលថ្ងៃទី១ ខែកញ្ញា ឆ្នាំ២០២៦ លោក ឃ្លោក នួយ អភិបាលរងខេត្តបន្ទាយមានជ័យ និងជាប្រធានលេខាធិការដ្ឋាន ព្រមទាំងជាអនុប្រធានប្រចាំការសមាគមអតីតយុទ្ធជន និងនិវត្តជនខេត្តបន្ទាយមានជ័យ តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត បានដឹកនាំកិច្ចប្រជុំពិភាក្សាការងារ ស្តីពីការត្រៀមរៀបចំពិធីសំណេះសំណាលជាមួយគ្រួសារអតីតយុទ្ធជន និងនិវត្តជន។

នៅព្រឹកថ្ងៃអង្គារ ទី១ ខែកញ្ញា ឆ្នាំ២០២៦ លោកឧត្តមសេនីយ៍ត្រី ស៊ុន សម្បត្តិ មេបញ្ជាការរង ទទួលការងារកសាងកម្លាំង កងរាជអាវុធហត្ថខេត្តបន្ទាយមានជ័យ បានដឹកនាំក្រុមការងារ និងមេបញ្ជាការមូលដ្ឋានកងរាជអាវុធហត្ថក្រុង-ស្រុកទាំង៩ ចូលរួមកិច្ចប្រជុំផ្សព្វផ្សាយការងារជ្រើសរើសយោធិន នៃកងរាជអាវុធហត្ថ តាមរយៈប្រព័ន្ធបញ្ជូនរូបភាព និងសម្លេង (Video Conference)។

នៅថ្ងៃអង្គារ ទី១ ខែកញ្ញា ឆ្នាំ២០២៦ នៅសាលប្រជុំសាលាស្រុកស្វាយចេក ខេត្តបន្ទាយមានជ័យ បានរៀបចំ កិច្ចប្រជុំសាមញ្ញ លើកទី២៨ អាណត្តិទី៤ របស់ក្រុមប្រឹក្សាស្រុកស្វាយចេក ដើម្បីពិនិត្យ ពិភាក្សា និងតាមដានការអនុវត្តការងាររដ្ឋបាល និងការងារអភិវឌ្ឍន៍នៅមូលដ្ឋាន។

នៅរសៀលថ្ងៃទី១ ខែកញ្ញា ឆ្នាំ២០២៦ លោក កែវ តារារស្មី អភិបាល នៃគណៈអភិបាលស្រុកមង្គលបូរី បានដឹកនាំក្រុមការងារបច្ចេកទេស ចុះពិនិត្យមើលវឌ្ឍនភាព និងបច្ចេកទេសនៃការអនុវត្តគម្រោងសាងសង់ប្រព័ន្ធលូរំដោះទឹក ប្រវែង ៥៦៦ម៉ែត្រ ដែលជាគម្រោងប្រើប្រាស់កញ្ចប់ថវិកាមូលនិធិខេត្ត ស្ថិតនៅត្រង់ចំណុចរោងកុនចាស់ លើផ្លូវទៅផ្សារមង្គលបូរី ក្នុងឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។

លោក ហ៊ឹល រ៉ាយ៉ា អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អញ្ជើញជាអធិបតីភាព ក្នុងយុទ្ធនាការគ្រប់គ្រាន់ធ្វើបង្ហាញអំពីការចម្អិនម្ហូបអាហារក្នុងសហគមន៍ ដែលជាគម្រោងគាំទ្រ និងសហការរៀបចំដោយ អង្គការទស្សនៈពិភពលោកអន្តរជាតិកម្ពុជា ប្រារព្ធធ្វើនៅទីស្នាក់ការភូមិផ្លូវបំបែក (ភូមិរង់ចាំទី៤) ឃុំស្លក្រាម ស្រុកស្វាយចេក ខេត្តបន្ទាយមានជ័យ នាថ្ងៃទី០១ ខែកញ្ញា ឆ្នាំ២០២៦។

លោកឧត្តមអគ្គានុរក្សថ្នាក់លេខ២ អ៊ុង ស៉ីផាន ប្រធានពន្ធនាគារ បានទទួលស្វាគមន៍ ឯកឧត្តម ឧត្តមអគ្គានុរក្សថ្នាក់លេខ១ សែម ស៉ីណង អគ្គនាយករង នៃអគ្គនាយកដ្ឋានពន្ធនាគារ ទទួលបន្ទុកពន្ធនាគារខេត្តបន្ទាយមានជ័យ តំណាងដ៏ខ្ពង់ខ្ពស់ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ ក្រសួងមហាផ្ទៃ និងមន្ត្រីចំនួន ០១រូប(ប្រុស) បានអញ្ជើញចុះមកពិនិត្យវឌ្ឍនភាពការងារពន្ធនាគារ និងស្ថានភាពជនជាប់ឃុំទាំងប្រាំអគារ ។

បណ្ណកម្មសិទ្ធិ ឬវិញ្ញាបនបត្រសម្គាល់ម្ចាស់អចលនវត្ថុចំនួន ៨,៩៨៧ បណ្ណ ត្រូវបានចែកជូនប្រជាពលរដ្ឋដែលមានលំនៅឋាន និងកាន់កាប់អចលនវត្ថុស្ថិតក្នុងភូមិចំនួន៦ នៃឃុំចង្ហា ស្រុកអូរជ្រៅ ខេត្តបន្ទាយមានជ័យ ក្នុងគោលបំណងផ្តល់ភាពស្របច្បាប់ដល់ការកាន់កាប់ និងប្រើប្រាស់ដីធ្លីរបស់ប្រជាពលរដ្ឋ ព្រមទាំងរួមចំណែកកាត់បន្ថយ និងបញ្ចប់វិវាទដីធ្លីនៅមូលដ្ឋាន។

ថ្ងៃអាទិត្យ ទី៣០ ខែសីហា ឆ្នាំ២០២៦ លោក ស៊ឺ ហៀក ចៅសង្កាត់កំពង់ស្វាយ បានអមដំណើរ លោក ស្រេង សុផល អភិបាលនៃគណៈអភិបាលក្រុងសិរីសោភ័ណ ចុះពិនិត្យទីតាំងចាក់បេតុង និងសម្របសម្រួលជាមួយប្រជាពលរដ្ឋ ដែលបានសាងសង់ផ្ទះប៉ះពាល់លើចំណីផ្លូវ ក្នុងគម្រោងផ្លូវបេតុងអាទិភាពប្រវែង ២៣៥ម៉ែត្រ ស្ថិតនៅក្រោយអគារខ្ពស់ ក្នុងភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ។

នៅព្រឹកថ្ងៃទី២៨ ខែសីហា ឆ្នាំ២០២៦ គណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្តបន្ទាយមានជ័យ បានរៀបចំកិច្ចប្រជុំសាមញ្ញលើកទី២៦ អាណត្តិទី៤ ប្រចាំខែសីហា ឆ្នាំ២០២៦ ដើម្បីពិនិត្យ និងពិភាក្សាលើរបាយការណ៍សកម្មភាពការងារដែលបានអនុវត្ត ព្រមទាំងកំណត់ទិសដៅការងារសម្រាប់អនុវត្តបន្ត ក្នុងគោលបំណងលើកកម្ពស់សិទ្ធិ ការការពារ និងសុខុមាលភាពរបស់ស្ត្រី និងកុមារនៅក្នុងខេត្ត។