ព័ត៌មានក្នុងខេត្ត

ក្រសួងធនធានទឹក និងឧតុនិយម រួមជាមួយអាជ្ញាធរខេត្តបន្ទាយមានជ័យ បានចុះពិនិត្យនិងវាយតម្លៃស្ថានភាពទឹកជំនន់ដល់ទីតាំងជាក់ស្តែងនៅក្ងុងតំបន់ដែលទទួលរងផលប៉ះពាល់ដោដោយសារគ្រោះធម្មជាតិនេះ។

ក្នុងពេលដែលស្ថានភាពទឹកជំនន់នៅខេត្តបន្ទាយមានជ័យកំពុងបន្តបង្កផលប៉ះពាល់ដល់លំនៅឋាន និងជីវភាពប្រជាពលរដ្ឋ អាជ្ញាធរខេត្តបានបង្កើនការយកចិត្តទុកដាក់លើការជម្លៀសប្រជា ពលរដ្ឋចេញពីតំបន់ប្រឈមទៅកាន់ទីទួលសុវត្ថិភាព ព្រមទាំងធានាស្បៀង អាហារ សន្តិសុខ សុវត្ថិភាព និងសេវាសុខាភិបាលជូនប្រជាពលរដ្ឋឱ្យបានទាន់ពេលវេលា។

ទោះបីស្ថានភាពទឹកជំនន់បានបង្កផលប៉ះពាល់ដល់មូលដ្ឋានសុខាភិបាលមួយចំនួន និងធ្វើឱ្យការធ្វើដំណើររបស់បុគ្គលិកសុខាភិបាល អ្នកជំងឺ និងប្រជា ពលរដ្ឋមានការលំបាកយ៉ាងណាក្តី ក៏មន្ត្រីសុខាភិបាលខេត្តបន្ទាយមានជ័យ នៅតែបន្តប្រឹងប្រែងសម្របសម្រួល និងដោះស្រាយបញ្ហាជាក់ស្តែងជាប្រចាំ ដោយសហការយ៉ាងជិតស្និទ្ធជាមួយអាជ្ញាធរមូលដ្ឋាន សមត្ថកិច្ច និងកងកម្លាំងពាក់ព័ន្ធ ដើម្បីធានាឱ្យសេវាពិនិត្យ និងព្យាបាលជំងឺនៅតែបន្តទៅដល់ប្រជាពលរដ្ឋតាមតម្រូវការ។

កាកបាទក្រហមកម្ពុជា បាននាំយកអំណោយមនុស្សធម៌ចែកជូនប្រជា ពលរដ្ឋចំនួន ១.៤១២គ្រួសារ ដែលរងគ្រោះដោយជំនន់ទឹកភ្លៀង និងខ្យល់កន្ត្រាក់ នៅក្រុងប៉ោយប៉ែត ខេត្តបន្ទាយ មានជ័យ ដើម្បីជួយសម្រាលការលំបាក និងដោះស្រាយជីវភាពចំពោះមុខរបស់ប្រជាពលរដ្ឋបានមួយកម្រិត។

សេចក្តីជូនដំណឹងស្តីពីស្ថានភាពធាតុអាកាស នៅក្នុងខេត្តបន្ទាយមានជ័យ សម្រាប់ថ្ងៃពុធ ៤រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកញ្ញា ឆ្នាំ២០២៦។

នៅថ្ងៃទី២៩ ខែកញ្ញា ឆ្នាំ២០២៦ ដើម្បីឆ្លើយតបបានទាន់ពេលវេលាទៅនឹងស្ថានភាពគ្រោះធម្មជាតិ លោក ឡុង ហួត ក្រុមការងាររាជរដ្ឋាភិបាលចុះមូលដ្ឋានឃុំសំបួរ លោក សេក សុខុម ប្រធានមន្ទីរព័ត៌មានខេត្តបន្ទាយមានជ័យ និងមន្ត្រីកសិកម្ម សហការជាមួយអាជ្ញាធរដែនដីឃុំសំបួរ បានចុះបេសកកម្មផ្ទាល់ដល់មូលដ្ឋាន ដើម្បីធ្វើការស្រង់ទិន្នន័យ ពិនិត្យស្ថានភាពគ្រួសារប្រជាពលរដ្ឋ និងវាយតម្លៃលើទំហំផ្ទៃដីស្រែដែលរងផលប៉ះពាល់យ៉ាងធ្ងន់ធ្ងរ

មន្ទីរពេទ្យមិត្តភាពកម្ពុជា-ជប៉ុន មង្គលបូរី៖ ទីបង្អែកសុខភាពដ៏រឹងមាំ និងគួរឱ្យទុកចិត្តរបស់ប្រជាពលរដ្ឋ

បន្ទាយមានជ័យ​ ៖​ នៅយប់ថ្ងៃទី២៩​ ខែកញ្ញា​ ឆ្នាំ​២០២៦​ ឯកឧត្តម​ អ៊ុំ​ រាត្រី​ អភិបាល​ នៃគណៈអភិបាលខេត្ត​ អមដំណើរដោយលោក​ ហ៊ឹល​ រ៉ាយ៉ា​ អភិបាលរងខេត្ត​ បានអញ្ជើញចុះសួរសុខទុក្ខបងប្អូនប្រជាពលរដ្ឋនៅតាមទីទួលសុវត្ថិភាពនៅក្នុងភូមិសាស្ត្រ ក្រុងសិរីសោភ័ណ​ ដែលត្រូវបានជម្លៀសចេញពីលំនៅឋានរងគ្រោះដោយសារទឹកជំនន់លិចផ្ទះសំបែង​ មកកាន់ទីទួលសុវត្ថិភាព។

រដ្ឋបាលក្រុងប៉ោយប៉ែត បានថ្លែងអំណរគុណយ៉ាងជ្រាលជ្រៅចំពោះ លោក ប៊ុន គឹមអ៊ី លោក ម៉ា សុផាត និងលោកស្រី អ៊ី ទីណា ដែលបានចូលរួមឧបត្ថម្ភគ្រឿងឧបភោគបរិភោគចំនួន ៥០០ឈុត ដែលមានតម្លៃសរុបប្រមាណ ៧,០០០ដុល្លារអាមេរិក ជូនរដ្ឋបាលក្រុងប៉ោយប៉ែត ដើម្បីយកទៅចែកជូនប្រជាពលរដ្ឋដែលកំពុងរងផលប៉ះពាល់ដោយទឹកជំនន់។

នារសៀលថ្ងៃទី២៩ ខែកញ្ញា ឆ្នាំ២០២៦ លោក ហឿន វីរៈ អភិបាល នៃគណៈអភិបាលស្រុកព្រះនេត្រព្រះ បានដឹកនាំលោកអធិការនគរបាលស្រុក ក្រុមការងារស្រុក លោកមេឃុំ និងលោកមេភូមិ ចុះពិនិត្យស្ថានភាពទឹក និងផលប៉ះពាល់ជាក់ស្តែងដែលកំពុងកើតមាននៅក្នុង ភូមិគោកទៀម ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ។

នារសៀលថ្ងៃទី២៩ ខែកញ្ញា ឆ្នាំ២០២៦ លោក ហួត សាវឺ ចៅសង្កាត់ភ្នៀត បានដឹកនាំសមាជិកក្រុមប្រឹក្សាសង្កាត់ និងអាជ្ញាធរមូលដ្ឋានភូមិ នាំយកគ្រឿងចក្រអេស្កាវ៉ាទ័រ ចុះអន្តរាគមន៍កាយដីទប់លំហូរទឹក នៅចំណុច ភូមិកន្ទួត សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ ដើម្បីកុំឱ្យទឹកហូរកាត់ផ្លូវ ដែលអាចបង្កផលប៉ះពាល់ និងធ្វើឱ្យខូចខាតផ្លូវថ្នល់។

នៅថ្ងៃទី២៩ ខែកញ្ញា ឆ្នាំ២០២៦ ឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ ដោយមានការចូលរួមពីលោក ហ៊ឹល រ៉ាយ៉ា អភិបាលរងខេត្ត លោក ស្រេង សុផល អភិបាលក្រុងសិរីសោភ័ណ លោក មាស ដារ៉ា ប្រធានក្រុមការងារចុះជួយសង្កាត់ព្រះពន្លា ព្រមទាំងក្រុមការងារ លោកស្រីចៅសង្កាត់ សមាជិកក្រុមប្រឹក្សាក្រុង-សង្កាត់ និងអាជ្ញាធរមូលដ្ឋាន បានចុះពិនិត្យ និងសម្របសម្រួលស្ថានភាពប្រជាពលរដ្ឋដែលបានជម្លៀសមកកាន់ទីទួលសុវត្ថិភាព ផ្សារចិនខ្មៅ សង្កាត់ព្រះពន្លា ក្រុងសិរីសោភ័ណ។