ព័ត៌មានក្នុងខេត្ត

បន្ទាយមានជ័យ៖ ដើម្បីធានាបាននូវសុវត្ថិភាពគតិយុត្តលើការកាន់កាប់អចលនវត្ថុ និងលើកកម្ពស់ជីវភាពរស់នៅរបស់ប្រជាពលរដ្ឋ នៅព្រឹកថ្ងៃទី១៤ ខែកក្កដា ឆ្នាំ២០២៦ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យ សហការជាមួយរដ្ឋបាលក្រុងប៉ោយប៉ែត បានរៀបចំពិធីចែកវិញ្ញាបនបត្រសម្គាល់ម្ចាស់អចលនវត្ថុ (បណ្ណកម្មសិទ្ធិដីធ្លី) ជាលក្ខណៈប្រព័ន្ធ ជូនដល់ប្រជាពលរដ្ឋមកពីភូមិចំនួន០២ ក្នុងសង្កាត់ផ្សារកណ្តាល ក្រុងប៉ោយប៉ែត សរុបចំនួន ៣,៦៦០ បណ្ណ ក្រោមអធិបតីភាព លោក លៀម សុដា អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត ។ពិធីនេះត្រូវបានប្រារព្ធឡើងនៅបរិវេណវត្តជិនវ័នសិមារាម (ហៅវត្តម៉ុងចិន) ដោយមានការអញ្ជើញចូលរួមពីសំណាក់ថ្នាក់ដឹកនាំមន្ទីរជំនាញ អាជ្ញាធរក្រុង អាជ្ញាធរសង្កាត់-ភូមិ និងបងប្អូនប្រជាពលរដ្ឋម្ចាស់ដីធ្លីជារូបទៀត ។ យោងតាមរបាយការណ៍ពីមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត បណ្ណកម្មសិទ្ធិដែលត្រូវចែកជូនប្រជាពលរដ្ឋក្នុងភូមិទាំង០២ នៃសង្កាត់ផ្សារកណ្តាល រួមមាន ភូមិស្ទឹងបត់ចំនួន ៧៧៧ បណ្ណ និងភូមិគីឡូលេខ៤ ចំនួន ២,៨៨៣ បណ្ណ ។

លោក ហុឹល​ រ៉ាយ៉ា​ អនុប្រធានកិត្តិយស​ តំណាង​ ឯកឧត្តមអ៊ុរាត្រីប្រធានគណៈកម្មាធិការសាខាកាកបាទក្រហមខេត្តបន្ទាយមានជ័យបានអញ្ជើញ​ ជាអធិបតីភាពក្នុងពិធីបើកវគ្គបណ្តុះបណ្តាល​ ស្តីពីអនាម័យស្អាតនិងបរិស្ថាន​ នៅក្នុងមណ្ឌលខេត្ត​ បន្ទាយមានជ័យ​  នែភូមិរងចាំឃុំស្លក្រាម​ ស្រុកស្វាយចេកគុណដល់អ្នកស្ម័គ្រចិត្ត មានរយៈពេលបីថ្ងៃចាប់ពីថ្ងៃទី១៤​ ដល់ថ្ងៃទី១៦​ ខែកក្កដាឆ្នាំ២០២៦​ នៅក្នុងគោលបំណងរួមចំណែក​ និងលើកកម្ពស់អនាម័យទឹកស្អាតនិងបរិស្ថានស្អាត​ ដើម្បីឲ្យបងប្អូនប្រជាពលរដ្ឋ​ នៅភូមិរង់ចាំទទួលបាននូវសុខភាពល្អ​ គ្មានជំងឺតម្កាត់ផ្សេងៗ។ នៅក្នុង

កោះកុង៖ អ្នកនាំពាក្យក្រសួងព័ត៌មាន បានបញ្ជាក់ថា យុទ្ធនាការ "និយាយថាទេចំពោះព័ត៌មានក្លែងក្លាយ" បានជោគជ័យក្នុងការផ្លាស់ប្តូរឥរិយាបថពលរដ្ឋ ជាពិសេសយុវវ័យ ឱ្យចេះត្រិះរិះពិចារណា និងផ្ទៀងផ្ទាត់ព័ត៌មានជាមួយប្រភពផ្លូវការមុននឹងចែករំលែក។ សកម្មភាពនេះ បានជំរុញឱ្យអ្នកប្រើប្រាស់បណ្តាញសង្គមកាន់តែមានការប្រុងប្រយ័ត្ន និងមានស្មារតីទទួលខុសត្រូវខ្ពស់ចំពោះរាល់ការផ្សព្វផ្សាយព័ត៌មាន។

កាលពីព្រឹកថ្ងៃទី១៣ ខែកក្កដា ឆ្នាំ២០២៦ នៅវិទ្យាល័យចំណេះទូទៅ និងបច្ចេកទេសតេជោសែន ក្រុងខេមរភូមិន្ទ ខេត្តកោះកុង មន្ទីរព័ត៌មានខេត្តកោះកុង បានរៀបចំពិធីផ្សព្វផ្សាយយុទ្ធនាការ “និយាយថាទេចំពោះព័ត៌មានក្លែងក្លាយ” ជំហានទី២ ដល់សិស្សានុសិស្សប្រមាណជាង ៦០០នាក់។

រដ្ឋលេខាធិការដ្ឋានកិច្ចការព្រំដែន៖ គ្មានបុគ្គល ស្ថាប័ន អង្គការ ឬអង្គភាពណាមួយ មិនថាកម្ពុជា និងថៃ ដែលយល់ច្បាស់ខ្សែបន្ទាត់ព្រំដែន និងទីតាំងបង្គោលព្រំដែន ជាងគណៈកម្មការ JBC និងក្រុមការងារបច្ចេកទេសវាស់វែងចម្រុះ នោះទេ ហើយដែលមានសមត្ថកិច្ចក្នុងការផ្ទៀងផ្ទាត់ និងបញ្ជាក់ច្បាស់ពីខ្សែបន្ទាត់ព្រំដែនអន្តរជាតិកម្ពុជា-ថៃ និងទីតាំងបង្គោលព្រំដែនពិតប្រាកដសម័យអាណានិគមបារាំងនៅលើដីជាក់ស្តែង

សេចក្តីជូនដំណឹងស្តីពីស្ថានភាពធាតុអាកាស នៅក្នុងខេត្តបន្ទាយមានជ័យ សម្រាប់ថ្ងៃអង្គារ ១៥រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែកក្កដា ឆ្នាំ២០២៦។

នៅរសៀលថ្ងៃចន្ទ ១៤រោច ខែបឋមាសាឍ ឆ្នាំខាល អដ្ឋស័ក ព.ស. ២៥៧០ ត្រូវនឹងថ្ងៃទី១៣ ខែកក្កដា ឆ្នាំ២០២៦ លោក ហុឹល រ៉ាយ៉ា អភិបាលរងខេត្ត តំណាងឲ្យឯកឧត្តម អ៊ុំ រាត្រី អភិបាលនៃគណៈអភិបាលខេត្ត បានអញ្ជើញដឹកនាំកិច្ចប្រជុំពិភាក្សាលើ «គម្រោងផែនការចំណូលសារពើពន្ធ និងមិនមែនសារពើពន្ធ របស់រដ្ឋបាលខេត្តបន្ទាយមានជ័យ សម្រាប់ឆ្នាំ២០២៧»។ដោយមានការអញ្ជើញចូលរួមពីសំណាក់លោក លោកស្រី ប្រធាន អនុប្រធានមន្ទីរអង្គភាពពាក់ព័ន្ធ ព្រមទាំងមន្ត្រីជំនាញផងដែរ ធ្វើឡើងនៅសាលប្រជុំសាលាខេត្ត ។

ដោយមានការគាំទ្រយ៉ាងខ្លាំងក្លាពីសំណាក់មាតាបិតា អាណាព្យាបាល សិស្ស សាលាទំនើបអន្តរជាតិ បានពង្រីកទីតាំងបន្ថែមនៅក្នុងទឹកដីខេត្តបន្ទាយមានជ័យ នៅព្រឹកថ្ងៃសៅរ៍ ទី១១ ខែកក្កដា ឆ្នាំ២០២៦នេះបានរៀបចំពិធីសម្ពោធសាលាទំនើបអន្តរជាតិ សាខាខេត្តបន្ទាយមានជ័យ ក្រោមអធិបតីភាពលោក យឹម សំណាង អភិបាលរង នៃគណអភិបាលខេត្តបន្ទាយមានជ័យ ដោយមានការអញ្ជើញចូលរួមពីលោក ស្រេង សុផល អភិបាលក្រុងសិរីសោភ័ណ លោក ចាន់ សុភាព អនុប្រធានមន្ទីរអប់រំ យុវជន និងកីឡាខេត្ត លោក រស់ សាវីតធី សហស្ថាបនិក និងជានាយកប្រតិបត្តិនៃសាលាទំនើបអន្តរជាតិ និងលោក ព្រំ បញ្ញា ស្ថាបនិក និងជាប្រធានក្រុមព្រឹក្សាភិបាល នៃសាលាទំនើបអន្តរជាតិ ព្រមទាំងអាជ្ញាធរមូលដ្ឋានភូមិ សង្កាត់ សិស្សានុសិស្ស និងអាណាព្យាបាលសិស្ស ស្ថិតនៅផ្លូវលេខ២(អតីតផ្ទះសំណាក់ បញ្ញា) ភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

ឯកឧត្តម បណ្ឌិត សាន វឌ្ឍនា រដ្ឋ លេខា ធិការ ក្រសួង អប់រំ យុវជន និង កីឡា នឹងជាប្រធានក្រុមប្រឹក្សាភិបាល សាកលវិទ្យាល័យ ជាតិ មាន ជ័យ លេីកឡេីង ថា ក្រសួងអប់រំ យុវជន និងកីឡា កំពុងជំរុញការអនុវត្តគោលនយោបាយអប់រំដែលផ្តោតលើការអភិវឌ្ឍជំនាញសតវត្សទី២១ រួមមាន ការគិតវិភាគ ការដោះស្រាយបញ្ហា ការច្នៃប្រឌិត ការប្រើប្រាស់បច្ចេកវិទ្យា និងជាពិសេសស្មារតីសហគ្រិនភាព។

នៅថ្ងៃទី១១ ខែកក្កដា ឆ្នាំ២០២៦ កម្លាំងជំនាញមូលដ្ឋានកងរាជអាវុធហត្ថក្រុងសិរីសោភ័ណបានទទួលបណ្តឹងរបស់ជនរងគ្រោះឈ្មោះ ចាន់ ភត្រា ភេទប្រុស អាយុ៣១ឆ្នាំ រស់នៅភូមិព្រៃទទឹង ឃុំភ្នំតូច ស្រុកមង្គលបូរី ខេត្តបន្ទាយមានជ័យ ស្តីពីករណីរំលោភលើទំនុកចិត្ត ប្រព្រឹត្តកាលពីវេលាម៉ោង១២និង១០នាទី ថ្ងៃទី១១ខែកក្កដា ឆ្នាំ២០២៦ ដែលបង្កឡើងដោយជនសង្ស័យឈ្មោះ តាន់ ផែល ភេទប្រុស អាយុ២៧ឆ្នាំ រស់នៅភូមិព្រៃទទឹង ឃុំភ្នំតូច ស្រុកមង្គលបូរី។ ដោយជនសង្ស័យបានប្រើល្បិចសុំប្រាក់របស់ជនរងគ្រោះនិងសុំខ្ចីម៉ូតូម៉ាកហុងដាឌ្រីម ពណ៌ខ្មៅ ផលិតឆ្នាំ២០០៧ ពាក់ផ្លាកលេខ បាត់ដំបង1L-0874 ទៅទិញបារី បែរជាជនសង្ស័យមិនបានយកម៉ូតូទៅឱ្យម្ចាស់ដើមវិញទេ ទើបម្ចាស់ម៉ូតូមកដាក់ពាក្យបណ្តឹងនៅមូលដ្ឋានកងរាជអាវុធហត្ថក្រុងតែម្ដង។

កម្លាំងមូលដ្ឋានកងរាជអាវុធហត្ថស្រុកម៉ាឡៃ បានទទួលសេចក្ដីរាយការណ៍បន្ទាន់របស់ឈ្មោះ ថៃ ម៉េងលី ភេទប្រុស អាយុ២៨ឆ្នាំ ជនជាតិខ្មែរ ស្នាក់នៅបច្ចុប្បន្ន ភូមិអូរអំពិល ឃុំទួលពង្រ ស្រុកម៉ាឡៃ ខេត្តបន្ទាយមានជ័យ (តំណាងក្រុមហ៊ុនប៉ាងណាគ្រី) ថាមានករណីលួច នៅចំណុចក្រុមហ៊ុនប៉ាងណាគ្រី ស្ថិតក្នុងភូមិអូរអំពិល ឃុំទួលពង្រ ស្រុកម៉ាឡៃ ដែលបង្កដោយជនសង្ស័យចំនួន០៣នាក់ តែត្រូវបានសន្តិសុខយាមក្រុមហ៊ុនឃាត់ខ្លួនបានតែ១នាក់ ចំណែកបក្ខពួកចំនួន០២នាក់ទៀតបានរត់គេចខ្លួនបាត់។ ក្រោយទទួលទទួលបានសេចក្ដីរាយការណ៍ខាងលើ លោកវរសេនីយ៍ត្រី តាំង សុខហេង មេបញ្ជាការមូលដ្ឋានកងរាជអាវុធហត្ថស្រុកម៉ាឡៃ បានដឹកនាំកម្លាំងចុះដល់ទីតាំងកើតហេតុ ហើយនាំជនសង្ស័យឈ្មោះ ធៀម វណ្ណី ហៅក្រៅ កន ភេទប្រុស អាយុ៣៤ឆ្នាំ រស់នៅភូមិស្លក្រាម ឃុំស្លក្រាម ស្រុកស្វាយចេក រួមទាំងហូតវត្ថុតាងមានដូចជា៖ ដង្កាប់ចំនួន០២ដើម, តួឡឺវីស ចំនួន០៣ដើម, កន្ត្រៃចំនួន០១ដើម, ពិលចំនួន០១ ហើយនាំមកកាន់មូលដ្ឋានកងរាជអាវុធហត្ថស្រុកម៉ាឡៃ ព្រមទាំងបានធ្វើតេស្តទឹកនោមរកសារធាតុញៀនជាលទ្ធផលវិជ្ជមាន (+)   នៅវេលាម៉ោង១៩និង០៣នាទី ថ្ងៃទី១១ ខែកក្កដា ឆ្នាំ២០២៦

ក្តីសង្ឃឹម និងស្នាមញញឹមបានវិលត្រឡប់មកលើផ្ទៃមុខរបស់ប្រជាពលរដ្ឋភៀសសឹកដោយសារជម្លោះព្រំដែនជាថ្មីម្តងទៀត ខណៈដែលអាជ្ញាធរខេត្តបន្ទាយមានជ័យ បាននិងកំពុងបន្តជំរុញការបែងចែកលំនៅឋាន និងរៀបចំប្រព័ន្ធសេវាសាធារណៈយ៉ាងពេញលេញនៅក្នុង «ភូមិរង់ចាំ» ដើម្បីធានាថាពួកគាត់អាចកសាងជីវភាពថ្មីមួយប្រកបដោយស្ថិរភាព និងសេចក្តីថ្លៃថ្នូរ។