ព័ត៌មានក្នុងខេត្ត

លោកជំទាវ ទុយ សិរីរតនៈ នេត្រភក្ត្រា ចុះសួរសុខទុក្ខឯកឧត្តម ថាច់ ផែន រដ្ឋលេខាធិការក្រសួងព័ត៌មាន នាព្រឹកថ្ងៃទី២៨ ខែមិថុនា ឆ្នាំ២០២៦ នៅគេហដ្ឋានរបស់ឯកឧត្តម ក្នុងរាជធានីភ្នំពេញ។

សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តបន្ទាយមានជ័យ ដែលមានលោកជំទាវ ជ័យ ណារី អ៊ុំ រាត្រី អនុប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត និងលោកស្រី មុំ ពុទ្ធីតា អភិបាលរងខេត្ត បានអញ្ជើញដឹកនាំក្រុមការងារសាខាសមាគមនារីខេត្ត ចូលរួមប្រជុំបូកសរុបលទ្ធផលការងារប្រចាំ ឆមាសទី១ ឆ្នាំ២០២៦ និងទិសដៅបន្ត និងផ្សព្វផ្សាយសេចក្តីសម្រេចផែនការសកម្មភាព របស់គណៈចលនាស្ត្រី នៃគណៈចលនាមហាជនគណៈកម្មាធិការកណ្តាល ដើម្បីចូលរួមការបោះឆ្នោតជ្រើសរើសក្រុមប្រឹក្សាឃុំ សង្កាត់ ២០២៧ តាមប្រព័ន្ធវីដេអូអនឡាញ (Zoom) ក្រោមអធិបតីភាពដ៏ខ្ពង់ខ្ពស់សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ នៅព្រឹកថ្ងៃទី២៧ ខែកក្កដា ឆ្នាំ២០២៦ ធ្វើនៅសាលប្រជុំសាលាខេត្តបន្ទាយមានជ័យ។

ថ្ងៃទី២៦ ខែកក្កដា ឆ្នាំ២០២៦ ពិធីប្រគេនព្រះរាជប្រកាសនីយប័ត្រ-ប្រកាសនីយប័ត្រ ជូនដល់ព្រះមន្ត្រីសង្ឃសាលាអនុគណស្រុកមង្គលបូរី ព្រមទាំងពិធីសម្ពោធឆ្លងសមិទ្ធផលនានា ត្រូវបានរៀបចំឡើងយ៉ាងអធិកអធមនៅវត្តពោធិរង្សីមានជ័យ (ស្វាយត្រស់) ស្ថិតក្នុងឃុំភ្នំតូច ស្រុកមង្គលបូរី ខេត្តបន្ទាយមានជ័យ ក្រោមព្រះអធិបតីភាពដ៏ខ្ពង់ខ្ពស់ សម្ដេចព្រះមង្គលមុនីរង្សី ហ៊ូ ឈីវនាថ ព្រះអគ្គាធិការរងពុទ្ធិកសិក្សាជាតិ និងជាព្រះប្រធានលេខាធិការដ្ឋានគណៈសង្ឃនាយក។

បេសកជនពិសេសរបស់អង្គការសហប្រជាជាតិ លោក Thomas Andrews អ្នករាយការណ៍ពិសេសអង្គការសហប្រជាជាតិទទួលបន្ទុកស្ថានភាពសិទ្ធិមនុស្សនៅកម្ពុជាថ្មី មកបំពេញទស្សនកិច្ចនៅក្នុងខេត្តបន្ទាយមានជ័យ ដើម្បីរាយការណ៍អំពីស្ថានភាពក្រោយពីមានការឈ្លានពាន ពីសំណាក់ប្រទេសថៃ មកលេីកម្ពុជា ព្រមទាំង បានជួបជាមួយថ្នាក់ដឹកនាំខេត្តបន្ទាយមានជ័យ នាថ្ងៃទី២៧ ខែកក្កដា ឆ្នាំ ២០២៦។

មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យ និងរដ្ឋបាលក្រុងប៉ោយប៉ែត នឹងរៀបចំពិធីបិទផ្សាយជាសាធារណៈនូវឯកសារនៃការវិនិច្ឆ័យ ចំនួន ០៣ភូមិ ក្នុងនោះមានភូមិទួលប្រាសាទ ភូមិចាន់គីរី និងភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែត ស្ថិតនៅវត្តសុធម្មារាមទួលប្រាសាទ ភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត នៅថ្ងៃទី៣១ ខែកក្កដា ឆ្នាំ២០២៦ វេលាម៉ោង ១៤:០០នាទីរសៀល ខាងមុខនេះ។

ក្រោយពីបទឈប់បាញ់ដែលភាគីកម្ពុជា និងថៃបានឯកភាពគ្នា ចូលជាធរមាននៅវេលាម៉ោង ០០:០០ នាទី ថ្ងៃទី២៨ ខែកក្កដា ឆ្នាំ២០២៥ ប្រជាជនកម្ពុជា និងកងកម្លាំងជួរមុខសង្ឃឹមថា ការបង្ហូរឈាមនឹងត្រូវបញ្ចប់ ហើយសន្តិភាពនឹងចាប់ផ្តើមវិលត្រឡប់មកវិញ។

លោក នេត្រ រដ្ឋមន្ត្រីក្រសួងព័ត៌មាន បានរម្លឹកថា នៅព្រឹកថ្ងៃទី២៧ ខែកក្កដា ឆ្នាំ២០២៥ ក្នុងពេលដែលស្នូរគ្រាប់កាំភ្លើងនៅតែបន្តលាន់ឮតាមបណ្តោយព្រំដែន និងប្រជាពលរដ្ឋរាប់ម៉ឺននាក់កំពុងរស់នៅក្នុងភាពភ័យខ្លាច គណៈប្រតិភូជាន់ខ្ពស់កម្ពុជា ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចាកចេញដំណើរទៅកាន់ប្រទេសម៉ាឡេស៊ី ក្នុងបេសកកម្មដ៏ធ្ងន់ធ្ងរ និងប្រកបដោយការទទួលខុសត្រូវខ្ពស់បំផុត គឺការចរចាស្វែងរកបទឈប់បាញ់ និងបញ្ចប់ការបង្ហូរឈាមរវាងកម្ពុជា និងថៃ។

នៅអាគារបច្ចេកទេសនៃវិទ្យាល័យម៉ាឡៃ ក្នុងស្រុកម៉ាឡៃ ខេត្តបន្ទាយមានជ័យ នៅតែបន្តសកម្មភាពបង្រៀនជំនាញបច្ចេកទេដល់សិស្សជាប្រចាំ ដែលជាកម្មវិធីបណ្ដុះបណ្ដាលមួយរៀបចំឡើងដោយមន្ទីរអប់រំយុវជននិងកីឡាខេត្តក្រោមគំនិតផ្តួចផ្ដើមនឹងជួយឧបត្ថម្ភដោយឯកឧត្តមកែ គឹមយ៉ានឧត្តមទីប្រឹក្សាព្រះមហាក្សត្រ និងជាអ្នកតំណាងមណ្ឌលខេត្តបន្ទាយមានជ័យ ដោយផ្តោតលើការបណ្តុះបណ្តាលជំនាញបច្ចេកទេសដូចជាការតបណ្ដាញអគ្គិសនីជាដើមដែលផ្ដោតលើការបង្រៀនទាំងទ្រឹស្តី និងការអនុវត្តជាក់ស្តែង ដើម្បីឱ្យសិស្សានុសិស្សទទួលបានចំណេះដឹង និងជំនាញប្រកបដោយគុណភាព។

នាព្រឹកថ្ងៃទី២៧ ខែកក្កដា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារចុះពិនិត្យស្ថានភាពដំណាំស្រូវដែលទទួលរងផលប៉ះពាល់នៅក្នុងស្រុកភ្នំស្រុក និងស្រុកមង្គលបូរី ខេត្តបន្ទាយមានជ័យ ដើម្បីវាយតម្លៃស្ថានភាពជាក់ស្តែង ស្វែងរកដំណោះស្រាយសមស្រប និងពន្លឿនការអនុវត្តវិធានការជួយសង្គ្រោះប្រជាកសិករឱ្យទាន់ពេលវេលា។

(AKP) អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិ និងអន្តរជាតិមេត្តាជ្រាបថា៖ នៅថ្ងៃចន្ទ ទី២៧ ខែកក្កដា ឆ្នាំ២០២៦ វេលាម៉ោង ០៩:០០នាទីព្រឹក ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៤ បានទទួលជួបសម្តែងការគួរសម

វត្តគិរីរង្ស៊ី ថ្មដូន ស្ថិតនៅភូមិថ្មដូន ឃុំគោកមន ស្រុកបន្ទាយអំពិល ខេត្តឧត្តរមានជ័យ ដែលធ្លាប់ជាទីសក្ការៈបូជា ជាទីពឹងផ្នែកស្មារតី និងជាមជ្ឈមណ្ឌលនៃជីវិតសហគមន៍ បានក្លាយជាគំនរបាក់បែក។ ព្រះវិហារ សាលាឆាន់ កុដិ ជញ្ជាំង និងដំបូល ត្រូវបានបំផ្លាញស្ទើរតែទាំងស្រុងដោយគ្រាប់ផ្លោងធុនធ្ងន់របស់យោធាថៃ ខណៈព្រះពុទ្ធបដិមាជាច្រើនអង្គត្រូវខ្ទេចខ្ទី បន្សល់ទុកតែសំណល់ដ៏សោកសៅ ដែលរំឭកពីភាពឃោរឃៅនៃសង្គ្រាមឈ្លានពានរបស់យោធាថៃមកលើទឹកដីកម្ពុជា។

បេសកជនពិសេសរបស់អង្គការសហប្រជាជាតិ លោក Thomas Andrews អ្នករាយការណ៍ពិសេសអង្គការសហប្រជាជាតិទទួលបន្ទុកស្ថានភាពសិទ្ធិមនុស្សនៅកម្ពុជាថ្មី មកបំពេញទស្សនកិច្ចនៅក្នុងខេត្តបន្ទាយមានជ័យ