ព័ត៌មានក្នុងខេត្ត

មន្ទីរព័ត៌មានខេត្តបន្ទាយមានជ័យ បានរៀបចំបើកកិច្ចប្រជុំតម្រង់ទិសលើការងារព័ត៌មាន និងសាធារណៈមតិជូនដល់មន្ត្រី នៃមន្ទីរព័ត៌មានខេត្តបន្ទាយមានជ័យ ក្រោមអធិបតីភាពឯកឧត្តម ទេព អស្នារិទ្ធ អនុរដ្ឋលេខាធិការក្រសួងព័ត៌មាន និងជាអ្នកពាក្យក្រសួងព័ត៌មាន ឯកឧត្តម ពៅ ផនសំណាង អនុរដ្ឋលេខាធិការក្រសួងព័ត៌មាន កិច្ចប្រជុំនេះមានការចូលរួមពីលោក លោកស្រី ប្រធាន-អនុប្រធានមន្ទីរ ប្រធាន.អនុប្រធានការិយាល័យ និងមន្ត្រីរាជការនៃមន្ទីរព័ត៌មានខេត្តបន្ទាយមានជ័យ នារសៀលថ្ងៃទី១៥ ខែកក្កដា ឆ្នាំ២០២៦ ធ្វើនៅសាលប្រជុំមន្ទីរព័ត៌មានខេត្តបន្ទាយមានជ័យ។

ប្រាសាទបន្ទាយឆ្មារ ជាប្រាសាទដែលត្រូវបានកសាងឡើងនៅចុងសតវត្សរ៍ទី១២ដល់ដើមសតវត្សរ៍ទី១៣ ក្នុងរជ្ជកាលព្រះបាទជ័យវរ្ម័នទី៧ ដើម្បីឧទ្ទិសដល់បុត្រា ព្រះអគ្គមហេសីជ័យទេវី និងសេនាជំនិត៤នាក់ របស់ព្រះអង្គដែលបានពលីនៅក្នុងសមរភូមិដេញចាមនៅឆ្នាំ១១៧៧។ បើតាមសិលាចារឹកប្រាសាទបន្ទាយឆ្មារ បានបង្ហាញឱ្យដឹងថា រាជស្រិន្រ្ទកុមារ ជាព្រះរាជបុត្រឆ្នើម និងជាទីសព្វព្រះហទ័យរបស់ព្រះបាទជ័យវរ្ម័នទី៧ និងបានជំនួយពីសេនា ៤រូបគឺ៖ អជ៌ន ទេព វទ្ធននិង ស្រីធរ និងទាហានជាច្រើនទៀត បានច្បាំងនឹងរាហ៊ូ ដែលជាប្រផ្នូលនិមិត្តនៃជនអាក្រក់ និងបំបះបំបោរខ្មែរ សៀមនៅខេត្តលពបូរី (សព្វថ្ងៃខេត្តនេះស្ថិតនៅខាងលិច ក្រុងបាងកក ប្រទេសថៃ)។ រាហ៊ូ បានយារយី ព្រះជន្មព្រះស្រិន្ទ្រកុមារជាខ្លាំង តែត្រូវព្រះអង្គ និងសេនាបង្ក្រាបបាន។

បន្ទាយមានជ័យ៖ នៅរសៀលថ្ងៃទី១៦ ខែកក្កដា ឆ្នាំ២០២៦ លោក កែវ តារារស្មី អភិបាលនៃគណៈអភិបាលស្រុកមង្គលបូរី បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យស្ថានភាពទឹកជំនន់ដោយផ្ទាល់ នៅសំណង់ស្ទាក់ទឹកឃុំអូរប្រាសាទ និងសំណង់ស្ទាក់ទឹកពោធិ៍២ដើម ស្ថិតក្នុងឃុំរហាត់ទឹក ស្រុកមង្គលបូរី។

បន្ទាយមានជ័យ៖ នៅព្រឹកថ្ងៃទី១៦ ខែកក្កដា ឆ្នាំ២០២៦ លោក ឃ្លោក នួយ អភិបាលរងខេត្ត តំណាងឲ្យឯកឧត្តម អ៊ុំ រាត្រី អភិបាលនៃគណៈអភិបាលខេត្ត បានអញ្ជើញដឹកនាំក្រុមការងារជំនាញ និងមន្ត្រីពាក់ព័ន្ធ ចុះពិនិត្យវឌ្ឍនភាពនៃការងារជួសជុល និងកែលម្អផ្លូវឡើងវិញ ស្ថិតក្នុងគម្រោងគ្រប់គ្រង និងរំដោះទឹកកខ្វក់ក្នុងក្រុងសិរីសោភ័ណ ដើម្បីធានាបាននូវសោភ័ណភាពក្រុង និងការធ្វើដំណើររបស់ប្រជាពលរដ្ឋ។ ការចុះពិនិត្យនេះធ្វើឡើងក្នុងគោលបំណងតាមដានយ៉ាងដិតដល់នូវគុណភាព បច្ចេកទេស និងវឌ្ឍនភាពការងាររបស់ក្រុមហ៊ុនម៉ៅការ ធ្វើយ៉ាងណាឱ្យការសាងសង់ជួសជុលឡើងវិញនេះ ស្របតាមស្តង់ដារបច្ចេកទេស និងបញ្ចប់ទៅតាមផែនការដែលបានកំណត់។

ទីតាំងថ្មី សេវាកម្មថ្មី ទំនុកចិត្តថ្មី! មន្ទីរពេទ្យបង្អែកសិរីសោភ័ណ ពង្រឹងសេវាសុខាភិបាលកាន់តែប្រសើរ

រដ្ឋបាលខេត្តបន្ទាយមានជ័យ ចេញសេចក្តីបំភ្លឺព័ត៌មាន ក្រោយពីមានការចុះផ្សាយពាក់ព័ន្ធនឹងលោកមេភូមិជោគជ័យ ឃុបឃិតគ្នាដកហូតលេខផ្ទះ ដែលនៅជាប់កែងផ្លូវធំ ទុកលក់ឱ្យអ្នកចង់ប្ដូរផ្ទះ ត្រូវចំណាយលុយ៤លាន ៥០ម៉ឺនរៀល

រដ្ឋបាលខេត្តបន្ទាយមានជ័យ បានបន្តរៀបចំពិធីចាប់ឆ្នោតរេីសក្បាលដី ជូនដល់បងប្អូនជនភៀសសឹកចំនួន ១ភូមិបន្ថែមទៀត គឺភូមិបន្ទាយមានរិទ្ធ ចំនួន ១០៧គ្រួសារ ។

ឯកឧត្តម គន់ គីម មានប្រសាសន៍ថា៖ ព័ត៌មានបានផ្សព្វផ្សាយចោទប្រកាន់លោក ជា សយ មេភូមិសាមគ្គី ថាយកលុយពីប្រជាពលរដ្ឋ២នាក់ប្តីប្រពន្ធជាជនពិការ ជាថ្នូរអោយផ្ទៈ១ខ្នងចំនួន ១.៥០០.០០០រៀល ដើម្បីអោយមេភូមិបកស្រាយអោយបានច្បាស់ជូនប្រជាពលរដ្ឋបានដឹងតើការពិតឬយ៉ាងណា។

សេចក្តីជូនដំណឹងស្តីពីស្ថានភាពធាតុអាកាស នៅក្នុងខេត្តបន្ទាយមានជ័យ សម្រាប់ថ្ងៃព្រស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកក្កដា ឆ្នាំ២០២៦។

នៅព្រឹកថ្ងៃទី១៤ ខែកក្កដា ឆ្នាំ២០២៦ នេះ មូលនិធិជាតិជំនួយសង្គម បានរៀបចំកិច្ចប្រជុំពិនិត្យវឌ្ឍនភាព នៃការអនុវត្ត និងការបើកប្រាក់ឧបត្ថម្ភពីកម្មវិធីអន្តរាគមន៍ពិសេសរបស់រាជរដ្ឋាភិបាល ជូនគ្រួសារភៀសសឹក នៅក្នុងខេត្តបន្ទាយមានជ័យ

រសៀលថ្ងៃទី ១៥ ខែកក្កដា ឆ្នាំ ២០២៦ ក្នុងឱកាសអញ្ជើញជួបសំណេះសំណាល និងតម្រង់ទិសការងារនៅមន្ទីរព័ត៌មានខេត្តបន្ទាយមានជ័យ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានផ្តល់ការណែនាំលើការងារសំខាន់ៗចំនួន ៤ ចំណុច ដល់ថ្នាក់ដឹកនាំ និងមន្ត្រីរាជការ ដើម្បីពង្រឹងការងារគ្រប់គ្រងសាធារណៈមតិ និងការប្រឆាំងព័ត៌មានក្លែងក្លាយ

នាព្រឹកថ្ងៃទី ១៥ ខែកក្កដា ឆ្នាំ ២០២៦ ឯកឧត្តម ពៅ ផនសំណាង អនុរដ្ឋលេខាធិការ ក្រសួងព័ត៌មាន ទទួលបន្ទុកជួយការងារមន្ទីរព័ត៌មានខេត្តបន្ទាយមានជ័យ បានអញ្ជើញចុះពិនិត្យស្ថានភាពការងារដោយផ្ទាល់ នៅស្ថានីយវិទ្យុជាតិ FM 94 MHz ខេត្តបន្ទាយមានជ័យ ព្រមទាំងបានជួបសំណេះសំណាល និងសាកសួរសុខទុក្ខយ៉ាងស្និទ្ធស្នាលជាមួយមន្ត្រីរាជការដែលកំពុងបម្រើការងារនៅទីនោះ។