ព័ត៌មានក្នុងខេត្ត

បន្ទាយមានជ័យ៖ នៅថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦ លោក ស្រេង សុផល អភិបាល នៃគណៈអភិបាលក្រុងសិរីសោភ័ណ បានដឹកនាំកិច្ចប្រជុំត្រួតពិនិត្យវឌ្ឍនភាពនៃការអនុវត្តគម្រោងប្រព័ន្ធទឹកកខ្វក់ និងពិភាក្សាលើគម្រោងសាងសង់ផ្លូវថ្មើរជើងក្នុងក្រុងសិរីសោភ័ណ ដើម្បីជំរុញការអភិវឌ្ឍហេដ្ឋារចនាសម្ព័ន្ធទីក្រុងឱ្យកាន់តែមានប្រសិទ្ធភាព ស្របតាមផែនការអភិវឌ្ឍន៍ និងឆ្លើយតបនឹងតម្រូវការរបស់ប្រជាពលរដ្ឋ។

(បន្ទាយមានជ័យ)៖ នៅថ្ងៃទី២៦ ខែកក្កដា ឆ្នាំ២០២៦ កម្លាំងជំនាញមូលដ្ឋានកងរាជអាវុធហត្ថក្រុងសិរីសោភ័ណ បានទទួលបណ្តឹងរបស់ជនរងគ្រោះឈ្មោះ យ៉ាំង មិញសៀង ភេទប្រុស អាយុ៣១ឆ្នាំ រស់នៅភូមិ៤ សង្កាត់ព្រះពន្លា ក្រុងសិរីសោភ័ណ ស្តីពីករណីលួចកាត់សោរផ្ទះចូលលួចម៉ូតូនិងសម្ភារៈក្នុងផ្ទះរបស់ខ្លួន ដែលប្រព្រឹត្តកាលពីវេលាម៉ោង៣និង០០នាទី ថ្ងៃទី២៥ ខែកក្កដា ឆ្នាំ២០២៦ នៅចំណុចភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ក្នុងខណៈពេលខ្លួនមិននៅផ្ទះ។

សម្តេចធិបតីបានឯកភាពលើកលែងពន្ធប្រថាប់ត្រាទាំងស្រុង លើការផ្ទេរកម្មសិទ្ធិ និងសិទ្ធិកាន់កាប់អចលនទ្រព្យសម្រាប់ វីរៈកងទ័ព វីរៈនគរបាល និង​វីរៈកងកម្លាំងរាជអាវុធហត្ថ​ដែលបាន​ឈរជើងនៅសមរភូមិជួរមុខ (អ្នកប្រយុទ្ធផ្ទាល់) ដោយមានការបញ្ជាក់អត្តសញ្ញាណ​ច្បាស់លាស់ពីអង្គភាពសាមី។ សម្ដេចធិបតីក៏បាន​ណែនាំ​ឱ្យ​ដំឡើងស័ក្តិដល់យុទ្ធជនដែលទើបចូលថ្មីៗ ដែលបានចូលរួមប្រយុទ្ធក្នុងសមរភូមិផ្ទាល់ (សមរភូមិ ៥ ថ្ងៃ និង ២១ ថ្ងៃកន្លងទៅ)។ ថ្ងៃទី២៩ ខែកក្កដា ឆ្នាំ២០២៦

ភ្នំពេញ ៖ បន្ទាប់ពីមានគ្រោះរញ្ជួយដីកម្រិត ៧,១ រ៉ិចទ័រ និងការប្រកាសអាសន្នអំពីរលកយក្សស៊ូណាមិពីអាជ្ញាធរជប៉ុន ក្រសួងការងារ និងបណ្តុះបណ្តាលវិជ្ជាជីវៈ បានអំពាវនាវដល់បងប្អូនកម្មសិក្សាការី និងពលករជំនាញខ្មែរទាំងអស់ ដែលកំពុងស្នាក់នៅ និងធ្វើការនៅប្រទេសជប៉ុន ជាពិសេសនៅតំបន់ដែលរងផលប៉ះពាល់ ឱ្យបង្កើនការប្រុងប្រយ័ត្នខ្ពស់។

សេចក្តីជូនដំណឹងស្តីពីស្ថានភាពធាតុអាកាស នៅក្នុងខេត្តបន្ទាយមានជ័យ សម្រាប់ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦។

សម្តេចមហាបវរធិបតី ហ៊ុន ម៉ាណែត មានប្រសាសន៍ថា កម្មសិទ្ធិដីធ្លីស្របច្បាប់ គឺជាមូលដ្ឋាននៃជីវិត ដែលមិនមែនត្រឹមតែជាទ្រព្យសម្បត្តិប៉ុណ្ណោះទេ គឺជាមូលដ្ឋាននៃជម្រក មូលដ្ឋាននៃអាជីវកម្ម មូលដ្ឋាននៃការវិនិយោគ និងជាមរតកសម្រាប់កូនចៅជំនាន់ក្រោយ។ អគ្គនាយកដ្ឋានទូរទស្សន៍ជាតិកម្ពុជា ទទក - TVK #មន្ទីរព័ត៌មានខេត្តបន្ទាយមានជ័យ

តំបន់អានសេះស្ថិតក្នុងទឹកដីកម្ពុជា បើយោងតាមផែនទីមាត្រដ្ឋាន ១:២00,000 និងកំណត់ហេតុ (PV) បោះបង្គោលរបស់គណៈកម្មការឥណ្ឌូចិន-សៀម ឆ្នាំ១៩០៨ និង ១៩១៩ និងយោងតាមផែនទី L៧0១៧ មាត្រដ្ឋាន ១:៥0,000 ដែលថៃគូសដោយឯកតោភាគី។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ ពិធីចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ ចំនួន ១៧ភូមិ សរុប ២៣ ០៦៧បណ្ណ

ក្នុងគោលបំណងតាមដានដោយផ្ទាល់នូវស្ថានភាពស្រូវរបស់ប្រជាកសិករ ដែលកំពុងរងផលប៉ះពាល់ពីការខ្វះខាតទឹក ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមជាមួយក្រុមការងារបច្ចេកទេស និងអាជ្ញាធរពាក់ព័ន្ធ បានអញ្ជើញចុះពិនិត្យជាក់ស្តែងនៅ ស្រុកភ្នំស្រុក និងស្រុកមង្គលបុរី ខេត្តបន្ទាយមានជ័យ កាលពីថ្ងៃចន្ទ ទី២៧ ខែកក្កដា ឆ្នាំ២០២៦ ដើម្បីវាយតម្លៃផលប៉ះពាល់ និងពិភាក្សាពីវិធានការជួយសង្គ្រោះបន្ទាន់ជូនប្រជាកសិករ។

រដ្ឋបាលខេត្តបន្ទាយមានជ័យ នាព្រឹកថ្ងៃទី២៨ ខែកក្កដា ឆ្នាំ២០២៦ នេះ បានប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន (២៦ មិថុនា ២០២៦) យ៉ាងមហោឡារិក នៅសាលប្រជុំធំសាលាខេត្តបន្ទាយមានជ័យ ក្រោមប្រធានបទដ៏មានសារសំខាន់ «រួមគ្នាឆ្លើយតបបញ្ហាគ្រឿងញៀនក្នុងបរិបទថ្មីប្រកបដោយភាពច្នៃប្រឌិត» ដើម្បីពង្រឹងស្មារតីម្ចាស់ការ និងកម្លាំងសរុបក្នុងការប្រយុទ្ធប្រឆាំងគ្រឿងញៀនឱ្យកាន់តែមានប្រសិទ្ធភាព។

ប្រធានក្រុមវាស់វែងចម្រុះកម្ពុជា នៃរដ្ឋលេខាធិការកិច្ចការព្រំដែនបានធ្វើបង្ហាញស្តីពីវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជានិងថៃ ដល់ក្រុមក្រុមអ្នក សង្កេតការណ៍អាស៊ានប្រចាំប្រទេសកម្ពុជា (ASEAN Observer Team - Cambodia: AOT-KH)។

ក្រោមការគាំទ្រយ៉ាងពេញទំហឹងពីគយ ប្រចាំកំពង់ផែឈីងចូវ ក្រុមហ៊ុន Beibu Gulf Port Co., Ltd. និងបណ្តាក្រុមហ៊ុនភ្នាក់ងារគយក្រុមហ៊ុនកម្ពុជា KHNUTS PROCESSING CO., LTD. (ហៅកាត់ថា "KHNUTS") និងក្រុមហ៊ុនChina National Township Enterprises Co., Ltd.(ហៅកាត់ថា "CTEC") នាថ្ងៃទី១៤ ខែកក្កដា ឆ្នាំ២០២៦ បានសហការជំរុញការដឹកជញ្ជូនត្រង់នូវគ្រាប់ស្វាយចន្ទីកែច្នៃរួចរបស់កម្ពុជាជាលើកដំបូង ហើយបានបញ្ចប់នីតិវិធីបញ្ចេញទំនិញពីគយ ដោយរលូននៅច្រកទ្វារកំពង់ផែឈីងចូវ។