ព័ត៌មានក្នុងខេត្ត

នាព្រឹកថ្ងៃចន្ទ ទី២៨ ខែកញ្ញា ឆ្នាំ២០២៦ លោក ឃ្លោក នួយ អភិបាលរងខេត្តបន្ទាយមានជ័យ តំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញជាអធិបតីភាពក្នុងកិច្ចប្រជុំស្តីពី ការវាយតម្លៃស្ថានភាពបឋមផ្នែកយេនឌ័រ សមធម៌ និងបរិយាបន្នសង្គម (GEDSI) និងផែនការជនជាតិដើមភាគតិច (IPP) សម្រាប់គម្រោង «ការប្រកាសឱ្យដឹងមុន សម្រាប់ទាំងអស់គ្នា (EW4ALL) នៅកម្ពុជា»។

នៅរសៀលថ្ងៃទី២៧ ខែកញ្ញា ឆ្នាំ២០២៦ លោក ស្រេង សុផល អភិបាលក្រុងសិរីសោភ័ណ បានបន្តចុះពិនិត្យស្ថានភាព និងសួរសុខទុក្ខប្រជាពលរដ្ឋដែលបានជម្លៀសមកស្នាក់នៅតាមទីទួលមានសុវត្ថិភាព ក្នុងសង្កាត់អូរអំបិល និងសង្កាត់ព្រះពន្លា ក្រុងសិរីសោភ័ណ។

លោក យឹម សំណាង អភិបាលរងខេត្តបន្ទាយមានជ័យ បានគូសបញ្ជាក់ថា គុណភាពនៃការអប់រំមិនអាចពឹងផ្អែកលើហេដ្ឋារចនាសម្ព័ន្ធតែមួយមុខនោះទេ ប៉ុន្តែត្រូវទាមទារជាចាំបាច់នូវគ្រូបង្រៀនដែលមានសមត្ថភាព វិជ្ជាជីវៈ សីលធម៌ និងការប្តេជ្ញាចិត្តខ្ពស់។ ការលើកឡើងនេះ ត្រូវបានធ្វើឡើងក្នុងពិធីបើកសិក្ខាសាលាផ្សព្វផ្សាយព្រះរាជក្រឹត្យស្តីពីលក្ខន្តិកៈនៃអង្គគ្រូបង្រៀន ដល់បុគ្គលិកអប់រំនៅមូលដ្ឋានគ្រឹះស្ថានសិក្សាសាធារណៈ ស្រុកព្រះនេត្រព្រះ នាព្រឹកថ្ងៃចន្ទ ទី២៨ ខែកញ្ញា ឆ្នាំ២០២៦។

អាជ្ញាធរស្រុកភ្នំស្រុក ខេត្តបន្ទាយមានជ័យ បានអំពាវនាវដល់ប្រជាពលរដ្ឋដែលរស់នៅតំបន់ប៉ែកខាងក្រោមអាងត្រពាំងថ្ម ជាពិសេសតំបន់ដែលអាចរងផលប៉ះពាល់ពីការហូរចុះនៃទឹក ឱ្យបង្កើនការប្រុងប្រយ័ត្ន និងត្រៀមលក្ខណៈឱ្យបានល្អ ខណៈទ្វាររំដោះទឹកត្រពាំងថ្ម ស្ពានទី១ ស្ពានទី២ និងស្ពានទី៣ ត្រូវបានបើកបញ្ចេញទឹកជាបន្តបន្ទាប់ ក្នុងកម្រិតសមស្រប ដើម្បីគ្រប់គ្រងស្ថានភាពទឹកនៅក្នុងអាង។

នាព្រឹកថ្ងៃសៅរ៍ ទី២៦ ខែកញ្ញា ឆ្នាំ២០២៦ លោក ឃ្លោក នួយ អភិបាលរងខេត្តបន្ទាយមានជ័យ ដែលជាតំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ដោយមានការចូលរួមពីលោកស្រី ចំរើន ដាណេ អភិបាល នៃគណៈអភិបាលស្រុកភ្នំស្រុក ចុះពិនិត្យស្ថានភាពទឹក និងហេដ្ឋារចនាសម្ព័ន្ធផ្លូវថ្នល់ ដែលទទួលរងផលប៉ះពាល់ដោយសារជំនន់ទឹកភ្លៀង នៅតាមបណ្តោយផ្លូវចាប់ពី ភូមិពៅយោង ដល់ភូមិគោកយោង ឃុំណាំតៅ ស្រុកភ្នំស្រុក។

គិតត្រឹមម៉ោង ១០:០០នាទីព្រឹក ថ្ងៃទី២៦ ខែកញ្ញា ឆ្នាំ២០២៦ ប្រជាពលរដ្ឋចំនួន ២៦៧គ្រួសារ ស្មើនឹង ១,០៩០នាក់ ក្នុងនោះស្ត្រីចំនួន ៥៣៤នាក់ និងកុមារចំនួន ១២៥នាក់ ត្រូវបានអាជ្ញាធរសង្កាត់អូរជ្រៅ ជម្លៀសចេញពីតំបន់ដែលរងផលប៉ះពាល់ដោយទឹកជំនន់ ទៅកាន់ទីទួលមានសុវត្ថិភាព ដើម្បីស្នាក់នៅបណ្តោះអាសន្ន។

កាលពីរសៀលថ្ងៃទី២៥ ខែកញ្ញា ឆ្នាំ២០២៦ លោក ស្រេង សុផល អភិបាលក្រុងសិរីសោភ័ណ និងសមាជិកក្រុមប្រឹក្សាក្រុង បានសហការជាមួយលោកស្រីចៅសង្កាត់អូរអំបិល និងក្រុមការងារ បន្តចុះពិនិត្យស្ថានភាពទឹក និងផលប៉ះពាល់ដោយជំនន់ទឹកភ្លៀង នៅតាមតំបន់មួយចំនួនក្នុងភូមិសែសិន ក្រុងសិរីសោភ័ណ។

ដោយគិតគូរពីបញ្ហាប្រឈម និងសុវត្ថិភាពរបស់ប្រជាពលរដ្ឋក្នុងរដូវវស្សា លោកឧត្តមសេនីយ៍ត្រី សឿម សារិទ្ធ ស្នងការនៃស្នងការដ្ឋាននគរបាលខេត្តបន្ទាយមានជ័យ បានចាត់បញ្ជូនកម្លាំងនគរបាលជាច្រើនរូប ដើម្បីចុះប្រតិបត្តិការបន្ទាន់ ក្នុងការការពារសន្តិសុខ សណ្តាប់ធ្នាប់ សុវត្ថិភាព និងជួយសង្គ្រោះប្រជាពលរដ្ឋដែលកំពុងរងផលប៉ះពាល់ដោយជំនន់ទឹកភ្លៀងនៅក្រុងប៉ោយប៉ែត។

នាព្រឹកថ្ងៃសៅរ៍ ទី២៦ ខែកញ្ញា ឆ្នាំ២០២៦ លោក កែវ តារារស្មី អភិបាល នៃគណៈអភិបាលស្រុកមង្គលបូរី បានចុះពិនិត្យទីតាំងទីទួលសុវត្ថិភាព ស្ថិតនៅក្នុងឃុំបត់ត្រង់ ស្រុកមង្គលបូរី ដើម្បីត្រៀមលក្ខណៈទទួល និងសម្របសម្រួលជួយប្រជាពលរដ្ឋដែលអាចរងផលប៉ះពាល់ និងត្រូវការជម្លៀសចេញពីតំបន់រងគ្រោះដោយសារទឹកជំនន់។

នាព្រឹកថ្ងៃសៅរ៍ ទី២៦ ខែកញ្ញា ឆ្នាំ២០២៦ រដ្ឋបាលសង្កាត់អូរជ្រៅ ក្រុងប៉ោយប៉ែត បានទទួលការឧបត្ថម្ភអង្ករចំនួន ២៥០គីឡូក្រាម ពី ឯកឧត្តម គ្រី សំណាង សមាជិកក្រុមប្រឹក្សាខេត្តបន្ទាយមានជ័យ តាមរយៈ លោក វ៉ា ជឹមណារ៉េត ចៅសង្កាត់អូរជ្រៅ។

នៅថ្ងៃទី២៤ ខែកញ្ញា ឆ្នាំ២០២៦ ដោយសារគ្រោះជំនន់ទឹកភ្លៀងដែលបានកើតមានក្នុងរយៈពេល២ថ្ងៃកន្លងមក លោក ស្រេង សុផល អភិបាលនៃគណៈអភិបាលក្រុងសិរីសោភ័ណ បានសហការជាមួយមន្ទីរសាធារណការ និងដឹកជញ្ជូនខេត្ត និងមន្ទីរធនធានទឹក និងឧតុនិយមខេត្ត ដឹកនាំក្រុមការងារចុះពិនិត្យ និងវាយតម្លៃស្ថានភាពទឹកនៅតាមតំបន់មួយចំនួនក្នុងក្រុងសិរីសោភ័ណ ខេត្តបន្ទាយមានជ័យ។

នាព្រឹកថ្ងៃសុក្រ ទី២៥ ខែកញ្ញា ឆ្នាំ២០២៦ លោកស្រី ហូ ចន្ថា ប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារស្រុក និងលោកស្រី ហម សុភី អភិបាលរងស្រុក តំណាងលោក ហឿន វីរៈ អភិបាលនៃគណៈអភិបាលស្រុកព្រះនេត្រព្រះ បានអញ្ជើញចូលរួម កិច្ចប្រជុំសាមញ្ញលើកទី២៧ ប្រចាំខែកញ្ញា និងកិច្ចប្រជុំប្រចាំត្រីមាសទី៣ ឆ្នាំ២០២៦ អាណត្តិទី៤ របស់គណៈកម្មាធិការពិគ្រោះយោបល់កិច្ចការស្ត្រី និងកុមារខេត្ត។