ព័ត៌មានក្នុងខេត្ត

នាថ្ងៃអង្គារ ទី២៥ ខែសីហា ឆ្នាំ២០២៦ លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត បានអញ្ជើញដឹកនាំក្រុមការងារក្រុង និងសង្កាត់ ចុះនាំយកគ្រឿងចក្រ ដើម្បីជួសជុល និងកែលម្អផ្លូវមួយខ្សែ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

នាព្រឹកថ្ងៃចន្ទ ទី២៤ ខែសីហា ឆ្នាំ២០២៦ លោក សួន សុម៉ៅ អភិបាលរងស្រុក តំណាងលោក ហឿន វីរៈ អភិបាល នៃគណៈអភិបាលស្រុកព្រះនេត្រព្រះ និងលោក ទី វិសិត នាយករដ្ឋបាលស្តីទី បានអញ្ជើញចូលរួមកិច្ចប្រជុំផ្សព្វផ្សាយជាសាធារណៈ នូវឯកសារនៃការវិនិច្ឆ័យលើការចុះបញ្ជីដីធ្លីមានលក្ខណៈជាប្រព័ន្ធ ចំនួន១៨ភូមិ ក្នុងឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ។

ថ្ងៃទី២៥ ខែសីហាឆ្នាំ២០២៦--ដើម្បីធានាបាននូវប្រសិទ្ធភាព តម្លាភាព និងការផ្តល់ផលប្រយោជន៍ចំគោលដៅជូនប្រជាពលរដ្ឋដែលងាយរងគ្រោះ ពិតប្រាកដ មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានរៀបចំកិច្ចប្រជុំយ៉ាងសំខាន់មួយ ដើម្បីពិនិត្យ និងវាយតម្លៃលើវឌ្ឍនភាពនៃការអនុវត្តគម្រោង «លើកកម្ពស់ជីវភាព ប្រកបដោយប្រសិទ្ធភាពសេដ្ឋកិច្ច ដើម្បីកាត់បន្ថយភាពងាយរងគ្រោះ និងពង្រឹងភាពធន់ (EMPOWER)»កាលពីថ្ងៃទី២៤ ខែសីហា ឆ្នាំ២០២៦។

នាថ្ងៃទី២៥ ខែសីហា ឆ្នាំ២០២៦--លោក កែវ តារារស្មី អភិបាលនៃគណៈអភិបាលស្រុកមង្គលបូរី ខេត្តបន្ទាយ មានជ័យ បានលើកឡើងថា ការចាប់ ផ្តើមអនុវត្តកម្មវិធីធ្វើឱ្យប្រសើរឡើងនូវការផ្តល់សេវាជូនប្រជាពលរដ្ឋនៅប្រទេ សកម្ពុជា ដំណាក់កាលទី២ ឬហៅកាត់ថា កម្មវិធី ISD II គឺជាឱកាសសំខាន់មួយសម្រាប់រដ្ឋបាលស្រុកមង្គលបូរី ក្នុងការពង្រឹងប្រសិទ្ធភាពការងារ កែលម្អគុណភាពសេវាសាធារណៈ និងធានាឱ្យប្រជាពលរដ្ឋទទួលបានសេវាកាន់តែឆាប់រហ័ស តម្លាភាព និងឆ្លើយតបបានល្អប្រសើរទៅនឹងតម្រូវការរបស់ពួកគេ។

លោក​ឧត្ដមសេនីយ៍​ត្រី​ សឿម​ សារិទ្ធ​ ស្នងការ​ នៃ​ស្នង​ការ​ដ្ឋាន​នគរបាល​ខេត្ត​បន្ទាយមានជ័យ​នៅថ្ងៃ​ទី​២៥ ខែ​សីហា​ ​ឆ្នាំ​២០២៦​ បាន​ចាត់​តាំង​លោក​ឧត្ដមសេនីយ៍​ត្រី​ វង្ស​ វិត​ ស្នងការ​រង​ផែន​ការ​ងារ​ធនធាន​មនុស្ស​ អម​ដំណើរ​ដោយ​លោក​វរសេនីយ៍ឯក​ សុី​ ឌី​ អធិការ​ នៃ​អធិការ​ដ្ឋាន​នគរបាល​ក្រុង​សិរីសោភ័ណ​ ព្រមទាំង​កង​កម្លាំង​នគរបាល​ជា​ច្រើន​រូប​ចូល​រួម​គោរព​វិញ្ញាណក្ខន្ធ​ និង​នាំ​យក​ថវិកា​​ចំនួន​ ៧,១០០,០០០លាន​រៀល ដល់គ្រួសារសព។

បន្ទាយមានជ័យ ថ្ងៃទី២៤ ខែសីហា ឆ្នាំ២០២៦--លោក ហ៊ិល រ៉ាយ៉ា អភិបាលរងខេត្តបន្ទាយមានជ័យតំណាងឯកឧត្តម អ៊ុ រាត្រី អភិបាលនៃគណៈអភិបាលខេត្តបានថ្លែងអំណរគុណយ៉ាងជ្រាលជ្រៅចំពោះ SEAPC-C អង្គការផ្ទះកុមារក្តីសង្ឃឹមថ្មី ដែលបានបន្តចូលរួមចំណែកជាមួយរាជរដ្ឋាភិបាល និងអាជ្ញាធរមូលដ្ឋាន ក្នុងការជួយសម្រាលបន្ទុកជីវភាពរស់នៅរបស់ប្រជាពលរដ្ឋដែលកំពុងភៀសសឹក និងជួបការលំបាកនៅក្នុងភូមិរង់ចាំ នៃស្រុកស្វាយចេក ខេត្តបន្ទាយមានជ័យ។

(បន្ទាយមានជ័យ) នៅព្រឹកថ្ងៃចន្ទ ទី២៤ ខែសីហា ឆ្នាំ២០២៦ លោក កែវ តារារស្មី អភិបាល នៃគណៈអភិបាលស្រុក បានដឹកនាំក្រុមការងារបច្ចេកទេស និងអាជ្ញាធរមូលដ្ឋាន ចុះពិនិត្យដោយផ្ទាល់នូវស្ថានភាពទឹកនៅសំណង់ស្ទាក់ទឹកពោធិ៍ពីរដើម ដើម្បីវាយតម្លៃបរិមាណទឹក និងរៀបចំផែនការគ្រប់គ្រងប្រភពទឹកសម្រាប់បម្រើដល់ការបង្កបង្កើនផលកសិកម្ម និងការប្រើប្រាស់ប្រចាំថ្ងៃរបស់ប្រជាពលរដ្ឋក្នុងរដូវវស្សានេះ។ បន្ទាប់ពីបានពិនិត្យសំណង់ស្ទាក់ទឹក លោកអភិបាលស្រុក និងក្រុមការងារ បានបន្តដំណើរចុះពិនិត្យទីតាំងជាក់ស្តែងដែលត្រូវរៀបចំសាងសង់អគារមណ្ឌលសុខភាពថ្មី ស្ថិតនៅក្នុងឃុំហាត់ទឹក ដើម្បីពិនិត្យលើទិដ្ឋភាពបច្ចេកទេស ផ្ទៃដី និងភាពសមស្រប ក្នុងការធានាថាការសាងសង់នឹងដំណើរការទៅដោយរលូន និងឆ្លើយតបបានទាន់ពេលវេលាចំពោះតម្រូវការសេវាសុខាភិបាលរបស់ប្រជាពលរដ្ឋក្នុងមូលដ្ឋាន។

​ឧត្ដមសេនីយ៍​ត្រី​ វង្ស​ វិត​ ស្នងការ​រង​ផែន​ការ​ងារ​ធនធាន​មនុស្ស​ អម​ដំណើរ​ដោយ​លោក​វរសេនីយ៍ទោ​ អុឹម​ សុភារះ​ អធិការ​ នៃ​អធិការ​ដ្ឋាន​នគរបាល​ស្រុក​អូរ​ជ្រៅព្រមទាំង​កង​កម្លាំង​នគរបាល​ជា​ច្រើន​រូប​ចូល​រួម​គោរព​វិញ្ញាណក្ខន្ធ​។

បន្ទាយមានជ័យ​៖​អនុវត្ត​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​ ឯកឧត្ដម​ នាយ​ឧត្ដមសេនីយ៍​ ស​ ថេត​ អគ្គស្នងការ​នគរបាល​ជាតិ​ នៅ​ព្រឹក​ថ្ងៃ​ទី​២១​ ខែ​សីហា​ ឆ្នាំ​២០២៦​ លោក​ឧត្ដមសេនីយ៍​ត្រី​ សឿម​ សារិទ្ធ​ ស្នងការ​ នៃ​ស្នង​ការ​ដ្ឋាន​នគរបាល​ខេត្ត​បន្ទាយមានជ័យ​ បាន​ដឹកនាំ​កម្លាំង​គ្រប់​អង្គ​ភាព​ចំណុះ​ស្នងការ​ដ្ឋាន​ ទូទាំង​ខេត្ត​ បាន​បេីក​កិច្ច​ប្រជុំ​បូក​សរុប​សភាព​ការណ៍​ និង​លទ្ធផល​កិច្ច​ប្រតិបត្តិការ​ ប្រចាំ​ខែ​សីហា​ ឆ្នាំ​២០២៦​ និង​ដាក់​ចេញ​ទិសដៅ​អនុវត្ត​ការងារ​សម្រាប់​ខែ​បន្ទាប់​ដល់​កង​កម្លាំង​នគរបាល​ទាំង​អស់​ នៃ​ស្នង​ការ​ដ្ឋាន​នគរបាល​ខេត្ត​បន្ទាយមានជ័យ​។

បន្ទាយមានជ័យ ថ្ងៃទី២១ ខែសីហា ឆ្នាំ២០២៦--ការរៀបចំផែនការគ្រប់គ្រងសហគមន៍តំបន់ការពារធម្មជាតិទេសចរណ៍អាងត្រពាំងថ្មត្រូវបានចាត់ទុកជាជំហានសំខាន់មួយក្នុងការរួមបញ្ចូលគ្នារវាងការអភិរក្សធនធានធម្មជាតិ ការអភិវឌ្ឍវិស័យទេសចរណ៍ និងការលើកកម្ពស់ជីវភាពប្រជាពលរដ្ឋនៅមូលដ្ឋាន ខណៈសហគមន៍ត្រូវបានលើកទឹកចិត្តឱ្យក្លាយជាតួអង្គសំខាន់ក្នុងការគ្រប់គ្រង និងការពារធនធានធម្មជាតិរបស់ខ្លួន។

បន្ទាយមានជ័យ៖ នាព្រឹកថ្ងៃសុក្រ ទី២១ ខែសីហា ឆ្នាំ២០២៦ លោក ចេង ចំរើន អភិបាលរងស្រុក តំណាងលោក ហឿន វីរៈ អភិបាល នៃគណៈអភិបាលស្រុកព្រះនេត្រព្រះ ព្រមទាំងលោកមេឃុំ និងស្មៀនឃុំ បានអញ្ជើញចូលរួមកិច្ចប្រជុំផ្សព្វផ្សាយសេចក្តីណែនាំលេខ ០១០ គជប.សណន ស្តីពីការផ្តល់លិខិតអញ្ជើញអ្នកមានឈ្មោះក្នុងបញ្ជីបោះឆ្នោតផ្លូវការឆ្នាំ២០២៥ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦។

សមត្ថកិច្ចជំនាញច្រកទ្វារព្រំដែនអន្តរជាតិប៉ោយប៉ែតបានបណ្ដេញជនជាថៃប្រុស ស្រីចំនួន៤៤នាក់មកស្នាក់នៅខុសច្បាប់ឲ្យទៅប្រទេសខ្លួនវិញនៅវេលាម៉ោង ១០:០០នាទីព្រឹកថ្ងៃសុក្រ ៨កើត ខែស្រាពណ៍ ឆ្នាំមមី ព.ស២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦ នេះ។