ព័ត៌មានក្នុងខេត្ត

កាលពីល្ងាចថ្ងៃទី២៣ ខែ សីហា ឆ្នាំ ២០២៦ នៅវាលស្មៅកីឡាដ្ឋានបាល់ទាត់កងវ៉ា ស្ថិតក្នុងភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ បានរៀបចំការប្រកួតបាល់ទាត់មិត្តភាពយ៉ាងអធិកអធម។

ថ្ងៃទី២៤ ខែសីហា ឆ្នាំ២០២៦ ឯកឧត្តម​រដ្ឋមន្ត្រី​ ជា​ សុមេធី​ បានចាត់លោក ឃុន វុទ្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបន្ទាយមានជ័យ ដឹកនាំមន្ត្រីជំនាញ សហការជាមួយអាជ្ញាធរមូលដ្ឋាន ចុះអន្តរាគមន៍ និងសួរសុខទុក្ខគ្រួសារកុមារកំព្រាភ្លាមៗ ដែលកំពុងរស់នៅយ៉ាងលំបាកក្នុងភូមិរកា ឃុំសិង្ហ ស្រុកអូរជ្រៅ ខេត្តបន្ទាយមានជ័យ។

នៅថ្ងៃទី២៤ ខែសីហា ឆ្នាំ២០២៦ ឯកឧត្តម ស្រី វុឌ្ឍី អនុរដ្ឋលេខាធិការ​ក្រសួងកសិកម្ម រុក្ខាប្រមាញ់ និងនេសាទ និងជាប្រធានអនុវត្តគម្រោង​លើក​កម្ពស់ជីវភាព ប្រកបដោយប្រសិទ្ធភាពសេដ្ឋកិច្ច ដើម្បីកាត់បន្ថយភាពងាយ​រងគ្រោះ និងពង្រឹងភាពធន់ (EMPOWER) ប្រចាំក្រុងសិរីសោភ័ណ បានដឹកនាំកិច្ចប្រជុំពិភាក្សាអំពីវឌ្ឍនភាព និងការវាយតម្លៃលើការអនុវត្តគម្រោង (EMPOWER) នៅសាលប្រជុំមន្ទីរកសិកម្មខេត្តបន្ទាយមានជ័យ។

បន្ទាយមានជ័យ ថ្ងៃទី២៤ ខែសីហាឆ្នាំ២០២៦– ការពង្រឹងសមត្ថភាពមន្ត្រីសុខាភិបាលនៅមូលដ្ឋាន ត្រូវបានចាត់ទុកជាកត្តាសំខាន់ក្នុងការធានាឱ្យប្រជាពលរដ្ឋ ជាពិសេសស្ត្រីក្នុងវ័យបន្តពូជ ទទួលបានសេវាសុខភាពបន្តពូជដែលមានគុណភាព សុវត្ថិភាព និងឆ្លើយតបទៅនឹងតម្រូវការជាក់ស្តែង។ ក្នុងទិសដៅនេះ មន្ទីរសុខាភិបាលនៃរដ្ឋបាលខេត្តបន្ទាយមានជ័យ បានបន្តជំរុញការបណ្តុះបណ្តាលជំនាញដល់បុគ្គលិកមណ្ឌលសុខភាព ស្តីពីការដាក់កងក្នុងស្បូន ដើម្បីពង្រឹងសមត្ថភាពផ្តល់សេវាពន្យារកំណើតនៅតាមមូលដ្ឋាន។

បន្ទាយមានជ័យ ថ្ងៃទី២៤ ខែសីហា ឆ្នាំ២០២៦--បេឡាជាតិសន្តិសុខសង្គម(ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំសិក្ខាសាលាផ្សព្វផ្សាយដ៏មានសារៈសំខាន់ស្តីពី «ការអនុវត្តរបបសន្តិសុខសង្គមផ្នែកហានិភ័យការងារ និងផ្នែកថែទាំសុខភាព សម្រាប់បុគ្គលដែលស្ថិតនៅក្នុងវិស័យសាធារណៈ»។ ពិធីនេះបានប្រព្រឹត្តទៅនៅព្រឹកថ្ងៃចន្ទ ទី២៤ ខែសីហា ឆ្នាំ២០២៦ នៅសាលប្រជុំធំ សាខា ប.ស.ស. ខេត្តបន្ទាយមានជ័យ ក្រោមអធិបតីភាពឯកឧត្តម ប្លែក វ៉ារី ប្រធានក្រុមប្រឹក្សាខេត្ត, លោក លី សុវណ្ណរិទ្ធិ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុ រាត្រី អភិបាល នៃគណៈអភិបាលខេត្ត និងលោកបណ្ឌិត ហេង សុផាន់ណារិទ្ធ អគ្គនាយករង ប.ស.ស.។

បន្ទាយមានជ័យ ថ្ងៃទី២៤ ខែសីហា ឆ្នាំ២០២៦--លោក ហ៊ិល រ៉ាយ៉ា អភិបាលរងខេត្តបន្ទាយមានជ័យតំណាងឯកឧត្តម អ៊ុ រាត្រី អភិបាលនៃគណៈអភិបាលខេត្តបានថ្លែងអំណរគុណយ៉ាងជ្រាលជ្រៅចំពោះ SEAPC-C អង្គការផ្ទះកុមារក្តីសង្ឃឹមថ្មី ដែលបានបន្តចូលរួមចំណែកជាមួយរាជរដ្ឋាភិបាល និងអាជ្ញាធរមូលដ្ឋាន ក្នុងការជួយសម្រាលបន្ទុកជីវភាពរស់នៅរបស់ប្រជាពលរដ្ឋដែលកំពុងភៀសសឹក និងជួបការលំបាកនៅក្នុងភូមិរង់ចាំ នៃស្រុកស្វាយចេក ខេត្តបន្ទាយមានជ័យ។

(បន្ទាយមានជ័យ) នៅព្រឹកថ្ងៃចន្ទ ទី២៤ ខែសីហា ឆ្នាំ២០២៦ លោក កែវ តារារស្មី អភិបាល នៃគណៈអភិបាលស្រុក បានដឹកនាំក្រុមការងារបច្ចេកទេស និងអាជ្ញាធរមូលដ្ឋាន ចុះពិនិត្យដោយផ្ទាល់នូវស្ថានភាពទឹកនៅសំណង់ស្ទាក់ទឹកពោធិ៍ពីរដើម ដើម្បីវាយតម្លៃបរិមាណទឹក និងរៀបចំផែនការគ្រប់គ្រងប្រភពទឹកសម្រាប់បម្រើដល់ការបង្កបង្កើនផលកសិកម្ម និងការប្រើប្រាស់ប្រចាំថ្ងៃរបស់ប្រជាពលរដ្ឋក្នុងរដូវវស្សានេះ។ បន្ទាប់ពីបានពិនិត្យសំណង់ស្ទាក់ទឹក លោកអភិបាលស្រុក និងក្រុមការងារ បានបន្តដំណើរចុះពិនិត្យទីតាំងជាក់ស្តែងដែលត្រូវរៀបចំសាងសង់អគារមណ្ឌលសុខភាពថ្មី ស្ថិតនៅក្នុងឃុំហាត់ទឹក ដើម្បីពិនិត្យលើទិដ្ឋភាពបច្ចេកទេស ផ្ទៃដី និងភាពសមស្រប ក្នុងការធានាថាការសាងសង់នឹងដំណើរការទៅដោយរលូន និងឆ្លើយតបបានទាន់ពេលវេលាចំពោះតម្រូវការសេវាសុខាភិបាលរបស់ប្រជាពលរដ្ឋក្នុងមូលដ្ឋាន។

បន្ទាយមានជ័យ៖ នៅព្រឹកថ្ងៃទី២៤ ខែសីហា ឆ្នាំ២០២៦ លោកស្រី មុំ ពុទ្ធីតា អភិបាលរងខេត្ត តំណាង ឯកឧត្តម អ៊ុំ រាត្រី អភិបាល នៃគណៈអភិបាលខេត្ត អញ្ជើញជាអធិបតីភាព ក្នុងវគ្គបណ្តុះបណ្តាលស្តីពី «ការផ្សព្វផ្សាយអប់រំសុខភាព» ធ្វើនៅសាលប្រជុំក្រុមប្រឹក្សាខេត្ត ព្រមទាំងមានកិច្ចសហការ និងការសម្របសម្រួលបច្ចេកទេសពីក្រុមហ៊ុន អេសអេស ហ្វាម ។ ដោយមានការចូលរួមពី លោក លោកស្រី មន្ត្រីរាជការនៃរដ្ឋបាលខេត្ត និងមន្ទីរអង្គភាពពាក់ព័ន្ធ ។

បន្ទាយមានជ័យ៖ សាខាបេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្តុះបណ្តាលវិជ្ជាជីវៈ បានរៀបចំសិក្ខាសាលាផ្សព្វផ្សាយស្តីពី «ការអនុវត្តរបបសន្តិសុខសង្គមផ្នែកហានិភ័យការងារ និងផ្នែកថែទាំសុខភាព សម្រាប់បុគ្គលដែលស្ថិតនៅក្នុងវិស័យសាធារណៈ» ដើម្បីពង្រឹងការយល់ដឹង និងជំរុញការអនុវត្តកិច្ចគាំពារសង្គមឱ្យកាន់តែមានប្រសិទ្ធភាព និងគ្របដណ្តប់ទូលំទូលាយ។ ពិធីនេះបានប្រព្រឹត្តទៅនៅព្រឹកថ្ងៃចន្ទ ទី២៤ ខែសីហា ឆ្នាំ២០២៦ នៅសាលប្រជុំ (ធំ) សាខា ប.ស.សខេត្ត ក្រោមអធិបតីភាពឯកឧត្ដម ប្លែក វ៉ារី ប្រធានក្រុមប្រឹក្សាខេត្ត លោក លី សុវណ្ណរិទ្ធិ អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត និងឯកឧត្តមបណ្ឌិត ហេង សុផាន់ណារិទ្ធ អគ្គនាយករង ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ ។ ពិធីនេះមានការអញ្ជើញចូលរួមពី លោក លោកស្រី មន្ទីរ អង្គភាពជុំវិញខេត្ត កងកម្លាំងទាំងបីប្រភេទ ក្រុមប្រឹក្សា ស្រុក ក្រុង អភិបាលក្រុង ស្រុក ក្រុមប្រឹក្សាឃុំ សង្កាត់ និងឃុំ សង្កាត់ ប្រមាណជាង២០០នាក់ ។

ភស្តុតាងនៃការឈ្លានពានរបស់ថៃ មិនមែនមានតែទូកុងតឺន័រ ៧២ ទូនោះទេ ប៉ុន្តែរួមមានផ្ទះសម្បែងដែលប្រជាពលរដ្ឋមិនអាចវិលត្រឡប់ទៅរស់នៅបាន កុមារ ១,៥៦៩ នាក់ដែលជីវិតប្រចាំថ្ងៃត្រូវបានរំខាន និងប្រជាពលរដ្ឋ ៥,៣៨៦ នាក់ ដែលរង់ចាំត្រឡប់ទៅភូមិព្រៃចាន់ និងភូមិជោគជ័យ ខេត្តបន្ទាយមានជ័យ។

ឯកឧត្តម គន់ គីម ចុះពិនិត្យស្ថានភាពទឹកជំនន់ និងផលប៉ះពាល់ប្រជាពលរដ្ឋដែលត្រូវបានជម្លៀសទៅទីទួលសុវត្ថិភាព ស្ថិតនៅឃុំទន្លេបិទ និងឃុំជីរោទ៍១ ស្រុកត្បូងឃ្មុំ ខេត្តត្បូងឃ្មុំ។

សេចក្តីជូនដំណឹងស្តីពីស្ថានភាពធាតុអាកាស នៅក្នុងខេត្តបន្ទាយមានជ័យ សម្រាប់ថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦។