ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិវីដេអូ
សេចក្តីជូនដំណឹង
រដ្ឋបាលស្រុកមង្គលបូរី ជូនដំណឹងស្តីពីការត្រៀមបង្ការគ្រោះមហន្តរាយទឹកជំនន់
ដោយពិនិត្យឃើញថា ស្ថានភាពអាកាសធាតុមានភ្លៀងធ្លាក់ជាប់ៗគ្នា ដែលអាចបង្កឱ្យមានហានិភ័យកើតមានគ្រោះមហន្តរាយទឹកជំនន់នៅតាមតំបន់មួយចំនួន រដ្ឋបាលស្រុកមង្គលបូរី ខេត្តបន្ទាយមានជ័យ បានចេញសេចក្តីជូនដំណឹងដល់បងប្អូនប្រជាពលរដ្ឋទាំងអស់ក្នុងមូលដ្ឋាន ឱ្យបង្កើនការប្រុងប្រយ័ត្ន និងត្រៀមលក្ខណៈការពារសុវត្ថិភាពជាមុន។
សកម្មភាពអាជ្ញាធរ
អភិបាលស្រុកព្រះនេត្រព្រះ អញ្ជើញចូលរួមពិធីប្រគល់វិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋក្នុងឃុំឈ្នួរមានជ័យ
នាព្រឹកថ្ងៃសុក្រ ទី២៥ ខែកញ្ញា ឆ្នាំ២០២៦ លោក ហឿន វីរៈ អភិបាលនៃគណៈអភិបាលស្រុកព្រះនេត្រព្រះ បានអញ្ជើញចូលរួមពិធីប្រគល់វិញ្ញាបនបត្រសម្គាល់ម្ចាស់អចលនវត្ថុ លើការចុះបញ្ជីដីធ្លីមានលក្ខណៈជាប្រព័ន្ធ ជូនពុកម៉ែ បងប្អូនប្រជាពលរដ្ឋចំនួន ១២ភូមិ នៃឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ។
សកម្មភាពថ្នាក់ដឹកនាំ
ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានដឹកនាំកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា
បន្ទាយមានជ័យ ៖ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានដឹកនាំគណៈអភិបាលខេត្ត លោកស្នងការរងនគរបាលខេត្ត មេបញ្ជាការរងកងរាជអាវុធហត្ថខេត្ត នាយករដ្ឋបាលខេត្ត មន្ទីរអង្គភាព ពាក់ព័ន្ធ អញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា តាមប្រព័ន្ធអនឡាញZoom នៅបន្ទប់ប្រជុំ Video Conference សាលាខេត្ត ព្រឹកថ្ងៃទី២៥ ខែកញ្ញា ឆ្នាំ២០២៦។
សកម្មភាពថ្នាក់ដឹកនាំ
លោកជំទាវ ឈុត ដាលីន អញ្ជើញដឹកនាំកិច្ចប្រជុំសាមញ្ញលើកទី២៧ និងកិច្ចប្រជុំប្រចាំត្រីមាសទី៣ របស់គណៈកម្មាធិការពិគ្រោះយោបល់កិច្ចការស្ត្រី និងកុមារ ខេត្តបន្ទាយមានជ័យ
នៅព្រឹកថ្ងៃសុក្រ ទី២៥ ខែកញ្ញា ឆ្នាំ២០២៦ លោកជំទាវ ឈុត ដាលីន សមាជិកក្រុមប្រឹក្សាខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្ត បានអញ្ជើញជាអធិបតីភាពក្នុង កិច្ចប្រជុំសាមញ្ញលើកទី២៧ ប្រចាំខែកញ្ញា និងកិច្ចប្រជុំប្រចាំត្រីមាសទី៣ ឆ្នាំ២០២៦ របស់ គ.ក.ស.ក ខេត្ត អាណត្តិទី៤ ដែលបានប្រព្រឹត្តទៅនៅសាលប្រជុំក្រុមប្រឹក្សាខេត្ត។
សកម្មភាពថ្នាក់ដឹកនាំ
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ តែងតែយកចិត្តទុកដាក់ខ្ពស់ចំពោះសុខទុក្ខ និងសុវត្ថិភាពរបស់ប្រជាពលរដ្ឋក្នុងមូលដ្ឋានដែលត្រូវបានអាជ្ញាធរជម្លៀសពីមាត់ស្ទឹងសិរីសោភ័ណ មកកាន់ទីទួលសុវត្ថិភាព។
បន្ទាយមានជ័យ ៖ នៅវេលាម៉ោង២០និង៣០នាទីយប់ថ្ងៃទី២៤ ខែកញ្ញា ឆ្នាំ២០២៦ ឯកឧត្ដម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ អមដំណេីរដោយឯកឧត្តម ទ្រី ស្រ៊ាង សមាជិកក្រុមប្រឹក្សាខេត្ត លោក ហ៊ឹល រ៉ាយ៉ា អភិបាលរងខេត្ត រួមនឹងចៅសង្កាត់ព្រះពន្លា អញ្ជេីញចុះសួរសុខទុក្ខបងប្អូនពលរដ្ឋ ចំនួន១១គ្រួសារ ដែលត្រូវបានអាជ្ញាធរជម្លៀសពីមាត់ស្ទឹងសិរីសោភ័ណ ខណៈទឹកស្ទឹងបន្តកេីនឡេីងដោយសារជំនន់ទឹកភ្លៀងរយៈពេលប៉ុន្មានថ្ងៃជាប់ៗគ្នា មកកាន់ទីតួលសុវត្ថិភាព មកពីភូមិព្រៃឬស្សី ចំនួន៨គ្រូសារ និងភូមិក្បាលស្ពាន ចំនួន៣គ្រួសារ។
សកម្មភាពថ្នាក់ដឹកនាំ
លោកស្រីអភិបាលរងខេត្ត ដឹកនាំកិច្ចប្រជុំក្រុមការងារពិសេសថ្នាក់ខេត្ត សម្រាប់លុបបំបាត់ជំងឺគ្រុនចាញ់ (PSMET) ប្រចាំត្រីមាសទី ៣ ឆ្នាំ ២០២៦ ដើម្បីពិនិត្យ និងវាយតម្លៃលើលទ្ធផលការងារកន្លងមក ព្រមទាំងកំណត់ទិសដៅបន្ត ក្នុងការឈានទៅលុបបំបាត់ជំងឺគ្រុនចាញ់ឱ្យអស់ពីទឹកដីខេត្តបន្ទាយមានជ័យ។
បន្ទាយមានជ័យ៖ លោកស្រី មុំ ពុទ្ធីតា អភិបាលរងខេត្តបន្ទាយមានជ័យ តំណាងឯកឧត្តម អ៊ុ រាត្រី អភិបាលនៃគណៈអភិបាលខេត្ត បានអញ្ជើញដឹកនាំកិច្ចប្រជុំក្រុមការងារពិសេសថ្នាក់ខេត្ត សម្រាប់លុបបំបាត់ជំងឺគ្រុនចាញ់ (PSMET) ប្រចាំត្រីមាសទី ៣ ឆ្នាំ ២០២៦ ដើម្បីពិនិត្យ និងវាយតម្លៃលើលទ្ធផលការងារកន្លងមក ព្រមទាំងកំណត់ទិសដៅបន្ត ក្នុងការឈានទៅលុបបំបាត់ជំងឺគ្រុនចាញ់ឱ្យអស់ពីទឹកដីខេត្តបន្ទាយមានជ័យ។
ពិធីនេះបានប្រារព្ធឡើងនៅសាល (ខ) សាលាខេត្តបន្ទាយមានជ័យ នៅរសៀលថ្ងៃពុធ ទី២៣ ខែកញ្ញា ឆ្នាំ២០២៦ ដោយមានការអញ្ជើញចូលរួមពីសំណាក់ លោក លោកស្រី ជាប្រធាន អនុប្រធានមន្ទីរ អង្គភាពពាក់ព័ន្ធជុំវិញខេត្ត អភិបាលរងក្រុង ស្រុក និងមន្ត្រីជំនាញបច្ចេកទេស ។
សកម្មភាពថ្នាក់ដឹកនាំ
លោកអភិបាលរងខេត្ត បានដឹកនាំក្រុមការងារ នាំយកថវិកាបេឡាមរណសង្គ្រោះជូនដល់គ្រួសារសមាជិក អ.ន.ក ដែលបានទទួលមរណៈភាពនាពេលកន្លងមក ក្នុងខេត្តបន្ទាយមានជ័យ
បន្ទាយមានជ័យ៖ លោក ឃ្លោក នួយ អនុប្រធានប្រចាំការ និងជាប្រធានលេខាធិការដ្ឋាន សមាគមអតីតយុទ្ធជន និងនិវត្តជនកម្ពុជាខេត្ត តំណាងឯកឧត្ដម អ៊ុ រាត្រី ប្រធានសមាគមអតីតយុទ្ធជន និងនិវត្តជនកម្ពុជាខេត្តបន្ទាយមានជ័យ បានដឹកនាំក្រុមការងារ នាំយកថវិកាបេឡាមរណសង្គ្រោះជូនដល់គ្រួសារសមាជិក សមាគមអតីតយុទ្ធជន និងនិវត្តជនកម្ពុជាខេត្ត ដែលបានទទួលមរណៈភាពនាពេលកន្លងមកចំនួន ២គ្រួសារ នៅស្រុកព្រះនេព្រះ ខេត្តបន្ទាយមានជ័យ នាព្រឹកថ្ងៃទី២៣ ខែកញ្ញា ឆ្នាំ២០២៦។
កសិកម្ម
លោកអភិបាលរងខេត្ត អញ្ជើញជាអធិបតីបើកវគ្គសិក្ខាសាលាឆ្លុះបញ្ចាំង និងបណ្តុះបណ្តាលរំលឹក នៃគម្រោង «INAS» ដើម្បីលើកកម្ពស់អាហារូបត្ថម្ភនៅខេត្តបន្ទាយមានជ័យ
(បន្ទាយមានជ័យ) នៅព្រឹកថ្ងៃពុធ ទី២៣ ខែកញ្ញា ឆ្នាំ២០២៦ លោក ឃ្លោក នួយ អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញជាអធិបតីភាពក្នុងពិធីបើកវគ្គសិក្ខាសាលាឆ្លុះបញ្ចាំង និងវគ្គបណ្ដុះបណ្ដាលរំលឹកគម្រោង នវានុវត្តន៍សម្រាប់លទ្ធផលកាន់តែប្រសើរ នៃការធ្វើសមាហរណកម្ម រវាងវិស័យកសិកម្ម សុខាភិបាល និងអប់រំ ដើម្បីលើកកម្ពស់អាហាររូបត្ថម្ភនៅកម្ពុជា (INAS) ។ពិធីនេះធ្វើនៅមន្ទីរកសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យ ដោយមានការចូលរួមពីសំណាក់តំណាងមន្ទីរកសិកម្ម រុក្ខាប្រមាញ់ និងនេសាទខេត្ត មន្ទីរអប់រំ យុវជន និងកីឡាខេត្ត, មន្ទីរសុខាភិបាលខេត្ត ព្រមទាំងមន្ត្រីកសិកម្មឃុំ តំណាងមណ្ឌលសុខភាព ក្រុមប្រឹក្សាឃុំ និងតំណាងលោកគ្រូ អ្នកគ្រូជាច្រើនរូប។
សកម្មភាពថ្នាក់ដឹកនាំ
លោកអភិបាលរងខេត្ត ដឹកនាំក្រុមការងារ នាំយកថវិកាបេឡាមរណសង្គ្រោះជូនដល់គ្រួសារសមាជិក អ.ន.ក ដែលបានទទួលមរណៈភាពនាពេលកន្លងមក ក្នុងខេត្តបន្ទាយមានជ័យ
បន្ទាយមានជ័យ៖ លោក ឃ្លោក នួយ អនុប្រធានប្រចាំការ និងជាប្រធានលេខាធិការដ្ឋាន សមាគមអតីតយុទ្ធជន និងនិវត្តជនកម្ពុជាខេត្ត តំណាងឯកឧត្ដម អ៊ុំ រាត្រី ប្រធានសមាគមអតីតយុទ្ធជន និងនិវត្តជនកម្ពុជាខេត្តបន្ទាយមានជ័យ បានដឹកនាំក្រុមការងារ នាំយកថវិកាបេឡាមរណសង្គ្រោះជូនដល់គ្រួសារសមាជិក សមាគមអតីតយុទ្ធជន និងនិវត្តជនកម្ពុជាខេត្ត ដែលបានទទួលមរណៈភាពនាពេលកន្លងមកចំនួន ៣គ្រួសារ នៅស្រុកមង្គលបូរី និងចំនួន ៣គ្រួសារទៀត ស្ថិតក្នុងក្រុងសិរីសោភ័ណ ខេត្តបន្ទាយមានជ័យ នារសៀលថ្ងៃទី២២ ខែកញ្ញា ឆ្នាំ២០២៦។
សកម្មភាពអាជ្ញាធរ
ស្នងការដ្ឋាននគរបាលខេត្តបន្ទាយមានជ័យ បើកកិច្ចប្រជុំបូកសរុបលទ្ធផលការងារប្រចាំខែកញ្ញា ឆ្នាំ២០២៦ និងដាក់ចេញទិសដៅអនុវត្តការងាខែបន្ទាប់
លោកឧត្តមសេនីយ៍ត្រី សឿម សារិទ្ធ ស្នងការនគរបាលខេត្តបន្ទាយមានជ័យ នៅព្រឹកថ្ងៃទី២២ ខែកញ្ញា ឆ្នាំ២០២៦នេះ បានចាត់តាំងលោកឧត្តមសេនីយ៍ត្រី ប៊ុន ផេង ស្នងការរងផែនការងារសេនាធិការ ដឹកនាំកិច្ចប្រជុំបូកសរុបលទ្ធផលប្រតិបត្តិការប្រចាំខែកញ្ញា ឆ្នាំ២០២៦ និងដាក់ចេញទិសដៅអនុវត្តការងារសម្រាប់ខែបន្ទាប់ ដល់លោក លោកស្រីស្នងការរង នាយការិយាល័យជំនាញ អធិការក្រុង-ស្រុក មេបញ្ជាការវរសេនាតូចការពារព្រំដែន និងនាយប៉ុស្តិ៍រដ្ឋបាលទូទាំងខេត្ត។
សកម្មភាពអាជ្ញាធរ
អភិបាលរងស្រុកព្រះនេត្រព្រះ ចូលរួមវេទិកាពិគ្រោះយោបល់ស្តីពីការរៀបចំកម្មវិធីវិនិយោគបីឆ្នាំរំកិល ឆ្នាំ២០២៧-២០២៩
នាព្រឹកថ្ងៃអង្គារ ទី២២ ខែកញ្ញា ឆ្នាំ២០២៦ លោក ហ៊ឹង សុជា អភិបាលរងស្រុកព្រះនេត្រព្រះ តំណាងលោក ហឿន វីរៈ អភិបាល នៃគណៈអភិបាលស្រុក និងលោក ខ្មៅ វិចិត្រ អនុប្រធានការិយាល័យផែនការ និងគាំទ្រឃុំ-សង្កាត់ បានអញ្ជើញចូលរួម វេទិកាពិគ្រោះយោបល់ ស្តីពីការរៀបចំ និងកសាងកម្មវិធីវិនិយោគបីឆ្នាំរំកិល ឆ្នាំ២០២៧-២០២៩ របស់រដ្ឋបាលខេត្តបន្ទាយមានជ័យ។
សកម្មភាពអាជ្ញាធរ
ថ្នាក់ដឹកនាំស្រុកព្រះនេត្រព្រះ ចុះសួរសុខទុក្ខសមាជិកក្រុមប្រឹក្សាស្រុកដែលកំពុងសម្រាកព្យាបាល
នារសៀលថ្ងៃទី២២ ខែកញ្ញា ឆ្នាំ២០២៦ លោក កែវ ប៊ុនយឿន ប្រធានក្រុមប្រឹក្សាស្រុក និងលោក ហឿន វីរៈ អភិបាល នៃគណៈអភិបាលស្រុកព្រះនេត្រព្រះ បានដឹកនាំមន្ត្រីរាជការ នៃរដ្ឋបាលស្រុក អញ្ជើញចុះសួរសុខទុក្ខ និងជួបសំណេះសំណាលជាមួយលោក ប៉ុល ឬទ្ធី សមាជិកក្រុមប្រឹក្សាស្រុក ដែលកំពុងសម្រាកព្យាបាល និងថែទាំសុខភាពនៅគេហដ្ឋាន ស្ថិតនៅភូមិចក្រី ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។
សិល្បៈនិងវប្បធម៌
រដ្ឋមន្ត្រីក្រសួងព័ត៌មាន៖កម្ពុជាជាម្ចាស់វប្បធម៌ អរិយធម៌ខ្មែរ
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ ត៌មានកម្ពុជាមិនមែនគ្រាន់តែជាទឹកដីដែលមានប្រាសាទបុរាណ និងសម្បត្តិបេតិកភណ្ឌដ៏សម្បូរបែបប៉ុណ្ណោះទេ។ កម្ពុជាគឺជាទឹកដីកំណើតនៃវប្បធម៌ និងអរិយធម៌ខ្មែរ ដែលត្រូវបានកសាង បន្ត និងរក្សាទុកឆ្លងកាត់ប្រវត្តិសាស្ត្ររាប់សតវត្សរ៍មកហើយ។រដ្ឋមន្ត្រីក្រសួងព័ត៌មានបានសរសេលើបណ្តាញសង្គមនៅថ្ងៃទី២២ ខែកញ្ញា ឆ្នាំ២០២៦ថា ពីភាសា អក្សរសាស្ត្រ សាសនា សិល្បៈ ស្ថាបត្យកម្ម តន្ត្រី របាំ ទំនៀមទម្លាប់ រហូតដល់របៀបរស់នៅរបស់ប្រជាជន សុទ្ធតែបង្ហាញពីអត្តសញ្ញាណ និងភាពច្នៃប្រឌិតរបស់ជាតិខ្មែរ។