ព័ត៌មានក្នុងខេត្ត

បន្ទាយមានជ័យ៖ រដ្ឋបាលខេត្តបន្ទាយមានជ័យ បានបើកកិច្ចប្រជុំពិភាក្សាការងារជាមួយអង្គការអន្តរជាតិទេសន្តរប្រវេសន៍ (IOM) ប្រចាំនៅកម្ពុជា ដើម្បីស្ដាប់ការបង្ហាញអំពី «គម្រោងឆ្លើយតបគ្រោះវិបត្តិ និងស្ដារឡើងវិញសម្រាប់ជនភៀសសឹក» ក្នុងគោលបំណងពង្រឹងកិច្ចសហប្រតិបត្តិការ និងការគាំទ្រដល់ប្រជាពលរដ្ឋដែលរងផលប៉ះពាល់ ក្រោមអធិបតីភាព លោក លី សុវណ្ណារិទ្ធ អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ។ នៅព្រឹកថ្ងៃពុធ ទី៨ ខែកក្កដា ឆ្នាំ២០២៦ ធ្វើនៅសាលប្រជុំ (ខ) សាលាខេត្តបន្ទាយមានជ័យ កិច្ចប្រជុំនេះក៏មានការអញ្ជើញចូលរួមពី លោក ណង វុទ្ធី នាយករដ្ឋបាលសាលាខេត្ត តំណាងរដ្ឋបាលស្រុកស្វាយចេក ព្រមទាំងមន្ត្រីជំនាញពាក់ព័ន្ធផងដែរ។

បន្ទាយមានជ័យ៖ នៅរសៀលថ្ងៃពុធ ទី៨ ខែកក្កដា ឆ្នាំ២០២៦  លោកស្រី មុំ ពុទ្ធីតា អភិបាលរងខេត្តតំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត បានអនុញ្ញាតឱ្យប្រតិភូនៃអង្គការបេសកកម្មយុត្តិធម៌អន្តរជាតិ (IJM) ប្រចាំកម្ពុជា ចូលជួបសម្តែងការគួរសម និងពិភាក្សាការងារ ជាមួយលេខាធិការដ្ឋាននៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្ត (គ.ខ.ប.ជ)។ ជំនួបនេះត្រូវបានរៀបចំឡើងនៅក្នុងបន្ទប់ប្រជុំរបស់លោកស្រីអភិបាលរងខេត្ត។

នាយឧត្តមសេនីយ៍ តាន់ស្រ៉ីដាតុ សេរីហាជីម៉ាលេករ៉ាសាក់ ប៊ីនស៊ុយឡាយម៉ាន អគ្គមេបញ្ជាការកងទ័ពម៉ាឡេស៊ី បានដឹកនាំគណៈប្រតិភូអញ្ជើញទៅដល់ខេត្តបន្ទាយមានជ័យ និងបានជួបសំណេះសំណាល ព្រមទាំងស្ដាប់ការធ្វើបទបង្ហាញរបស់ក្រុមអ្នកសង្កេតការណ៍អាស៊ាន (AOT) ប្រចាំការនៅខេត្តបន្ទាយមានជ័យ នារសៀលថ្ងៃទី៨ ខែកក្កដា ឆ្នាំ២០២៦។

មិនទុកឱ្យប្រជាពលរដ្ឋរង់ចាំយូរឡើយ ភ្លាមៗបន្ទាប់ពីបានទទួលសំណូមពរផ្ទាល់ពីបងប្អូនប្រជាកសិករក្នុងវេទិកា សាធារណៈ មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានបើកយុទ្ធនាការចុះចាក់វ៉ាក់សាំងការពារជំងឺសារទឹកដល់សត្វពាហនៈនារដូវវស្សាភ្លាមៗ ដើម្បីធានាដល់សុខភាពសត្វ និងការពារសេដ្ឋកិច្ចគ្រួសាររបស់ប្រជាពលរដ្ឋ។

ឱកាសការងារ និងការលើកកម្ពស់ជីវភាពរស់នៅរបស់បងប្អូនអតីតពលករ និងប្រជាពលរដ្ឋជនភៀសសឹក បានឈានមកដល់ដល់មូលដ្ឋានហើយ។ នាព្រឹកថ្ងៃទី០៨ ខែកក្កដា ឆ្នាំ២០២៦ នេះ វេទិកាចុះផ្សព្វផ្សាយស្តីពី «ការជ្រើសរើសសិស្សឱ្យចូលរៀនវគ្គបណ្តុះបណ្តាលសញ្ញាបត្របច្ចេកទេស និងវិជ្ជាជីវៈ១ (C1-1.5M) រយៈពេល ៤ខែ ដោយឥតគិតថ្លៃ និងការវាយតម្លៃតេស្តសមត្ថភាពទទួលស្គាល់ជំនាញពីមុន (RPL)» ត្រូវបានរៀបចំឡើងនៅភូមិរង់ចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ ដោយមានបងប្អូនអតីតពលករ និងប្រជាពលរដ្ឋជនភៀសសឹកចូលរួមយ៉ាងកុះករ។

AKP កំពង់ចាម ថ្ងៃទី០៧ ខែកក្កដា ឆ្នាំ២០២៦– សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះ​រាជា​ណាចក្រ​កម្ពុជា និងឯកឧត្តម Wang Wenbin ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិនប្រចាំនៅកម្ពុជា អញ្ជើញជាអធិបតី ពិធីសម្ពោធ​បើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧ (ស្គន់-កំពង់ចាម) ក្រោមឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន នាព្រឹកថ្ងៃទី០៧ ខែកក្កដា ឆ្នាំ២០២៦។ រូបថត៖ គល់ រ៉េននី

តម្លៃប្រេងឥន្ធនៈនៅកម្ពុជា៖ បន្តចុះថ្លៃប្រេងសាំងធម្មតា ៣,៩៥០រៀល/លីត្រ ខណៈប្រេងម៉ាស៊ូត ៤,១០០រៀល/លីត្រ ចាប់អនុវត្តចាប់ពីថ្ងៃទី០៧ ដល់ថ្ងៃទី១៤ កក្កដានេះ!

ពិធីប្រគល់ថវិកានេះបានធ្វើឡើងនៅរសៀលថ្ងៃទី៦ ខែកក្កដា ឆ្នាំ២០២៦ ដែលរៀបចំដោយគណៈគ្រប់គ្រងមន្ទីរពេទ្យជ័យវរ្ម័នទី៧ ខេត្តសៀមរាប។ ថវិកាចំនួន ១០០លានរៀលនេះ គឺជាលទ្ធផលនៃកិច្ចខិតខំប្រឹងប្រែងកៀរគរដ៏សកម្មរបស់រដ្ឋបាលខេត្តបន្ទាយមានជ័យ តាមរយៈកម្មវិធីជិះកង់រយៈពេលពេញ ១ខែមិថុនា ក្នុងអំឡុងយុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦។

(បន្ទាយមានជ័យ)៖ នៅព្រឹកថ្ងៃ អង្គារ ទី៧ ខែកក្កដាឆ្នាំ២០២៦ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំពិនិត្យ និងកែសម្រួលសេចក្តីព្រាងបទបង្ហាញ អំពីសមិទ្ធផលការងារដែលរដ្ឋបាលខេត្តសម្រេចបាន ក្នុងឆមាសទី១ ឆ្នាំ២០២៦

កម្រិតភ្លៀង តិច ចាប់ពីថ្ងៃទី៧ ខែកក្កដា ឆ្នាំ២០២៦ ដល់ថ្ងៃទី៩ ខែកក្កដា ឆ្នាំ២០២៦ សីតុណ្ហភាព ២៧ °C-៣៨ °C ខេត្តបន្ទាយមានជ័យ ទទួលឥទ្ធិពលពីខ្យល់មូសុងនិរតី។

ថ្ងៃទី០៦ កក្កដា ២០២៦ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត បានដឹកនាំកិច្ចប្រជុំសាមញ្ញលើកទី២៦ អាណត្តិទី ៤ របស់ក្រុមប្រឹក្សាខេត្តបន្ទាយមានជ័យនិងមានការចូលរួមពី ឯកឧត្តម អ៊ុ រាត្រី អភិបាលនៃគណ:អភិបាលខេត្ត ឯកឧត្តម លោកជំទាវសមាជិកក្រុមប្រឹក្សាខេត្ត លោក លោកស្រី អភិបាលរងខេត្ត តំណាងថ្នាក់ដឹកនាំកងកម្លាំងប្រដាប់អាវុធទាំង៣ប្រភេទ លោក លោកស្រី ប្រធាន អនុប្រធានមន្ទីរនានាជុំវិញខេត្ត លោក លោកស្រី សមាជិកក្រុមប្រឹក្សាក្រុង ស្រុក លោក លោកស្រីអភិបាល អភិបាលរងស្រុក ក្រុងទាំង ៩ ។

តើលោកអ្នកធ្លាប់ទទួលបានសារតាម Telegram ឬបណ្តាញសង្គម ពីអ្នកដែលអះអាងថាជា «បុគ្គលិកធនាគារ» ហើយប្រាប់ថាគណនីរបស់អ្នកមានបញ្ហាដែរឬទេ? សូមកុំចាញ់បោកឱ្យសោះ! ជនខិលខូចកំពុងប្រើប្រាស់ល្បិចកលទាំងនេះ ដើម្បីបន្លំសុំលេខ OTP, Password ឬផ្ញើ Link ក្លែងក្លាយដើម្បីលួចចូលគណនីវេរលុយរបស់អ្នក។