ព័ត៌មានក្នុងខេត្ត

នាព្រឹកថ្ងៃទី ២០ខែ កក្តដា ឆ្នាំ២០២៦ លោក យឹម សំណាង អភិបាលរងខេត្តតំណាងឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ បានអញ្ជើញជាអធិបតីភាពក្នុងពិធីប្រជុំបូកសរុបលទ្ធផលការងារឆមាសទី១ និងរបាយការណ៍ខែកក្កដាឆ្នាំ២០២៦ និងលើកទិសដៅការងារបន្តរបស់មន្ទីរធម្មការ និងសាសនាខេត្តបន្ទាយមានជ័យ

នារសៀលថ្ងៃទី១៩ ខែកក្កដា ឆ្នាំ២០២៦ ឯកឧត្តម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ ព្រមទាំង លោក ឃ្លោក នួយ អភិបាលរងខេត្ត បានអញ្ជើញជាអធិបតីក្នុងពិធីចែកពូជដំណាំស្អំជូនដល់បងប្អូនប្រជាពលរដ្ឋភៀសសឹក ដែលកំពុងស្នាក់នៅបណ្តោះអាសន្ន ស្ថិតនៅភូមិរង់ចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ។

បន្ទាយមានជ័យ៖ នៅរសៀលថ្ងៃទី១៦ ខែកក្កដា ឆ្នាំ២០២៦ លោក កែវ តារារស្មី អភិបាលនៃគណៈអភិបាលស្រុកមង្គលបូរី បានដឹកនាំមន្ត្រីជំនាញ និងអាជ្ញាធរពាក់ព័ន្ធ ចុះពិនិត្យស្ថានភាពទឹកជំនន់ដោយផ្ទាល់ នៅសំណង់ស្ទាក់ទឹកឃុំអូរប្រាសាទ និងសំណង់ស្ទាក់ទឹកពោធិ៍២ដើម ស្ថិតក្នុងឃុំរហាត់ទឹក ស្រុកមង្គលបូរី។

ក្នុងបរិបទដែលអាកាសធាតុមានការប្រែប្រួលស្មុគស្មាញ និងដើម្បីធានាបាននូវសុវត្ថិភាពខ្ពស់បំផុតជូនប្រជាពលរដ្ឋ កាលពីថ្ងៃទី១៤ ខែកក្កដា ឆ្នាំ២០២៦ លោក លៀម សុដា អភិបាលរងខេត្តបន្ទាយមានជ័យ បានដឹកនាំក្រុមការងារជំនាញចុះពិនិត្យដោយផ្ទាល់នូវស្ថានភាពទ្វារទឹកអាងពង្រ ក្នុងសង្កាត់និមិត្ត ក្រុងប៉ោយប៉ែត ដែលជាគន្លឹះយុទ្ធសាស្ត្រក្នុងការគ្រប់គ្រងទឹកនៅតំបន់នេះ។

នៅថ្ងៃទី១៤ ខែកក្កដា ឆ្នាំ២០២៦ កម្លាំងគណៈបញ្ជាការឯកភាពរដ្ឋបាលស្រុកភ្នំស្រុក ដឹកនាំដោយ លោក ជូ បុត្រ អភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុក បានសហការជាមួយកម្លាំងមន្ទីរជំនាញ រួមមានមន្ទីរកសិកម្ម រុក្ខប្រមាញ់ និងនេសាទ និងមន្ទីរបរិស្ថាន បានបើកយុទ្ធនាការទ្រង់ទ្រាយធំចុះបង្ក្រាប និងប្រមូលសារឧបករណ៍នេសាទខុសច្បាប់ដែលជនខិលខូចលួចដាក់ក្នុងតំបន់អាងត្រពាំងថ្ម ស្ថិតក្នុងឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។

នៅព្រឹកថ្ងៃទី១៤ ខែកក្កដា ឆ្នាំ២០២៦ លោក លៀម សុដា អភិបាលរងខេត្ត តំណាងឯកឧត្តម អ៊ុំ រាត្រី អភិបាល នៃគណៈអភិបាលខេត្ត រួមដំណើរដោយលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត ព្រមទាំងក្រុមការងារ បានអញ្ជើញចុះពិនិត្យមើលស្ថានភាពទ្វារទឹកអាងពង្រ ដែលស្ថិតនៅក្នុងភូមិសូរិយា សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។

ដើម្បីពង្រឹងយន្តការដោះស្រាយបញ្ហាប្រឈម និងឆ្លើយតបទៅនឹងសំណូមពររបស់ប្រជាពលរដ្ឋនៅតាមមូលដ្ឋានឱ្យបានទាន់ពេលវេលា ក្រុមការងាររាជរដ្ឋាភិបាលចុះមូលដ្ឋានស្រុកភ្នំស្រុកខេត្តបន្ទាយមានជ័យ បានរៀបចំវេទិកាសាធារណៈដ៏មានសារៈសំខាន់មួយ ដើម្បីបង្កើនភាពជិតស្និទ្ធ និងស្វែងយល់ពីសុខទុក្ខពិតប្រាកដរបស់ប្រជាពលរដ្ឋ។

បន្ទាយមានជ័យ៖ នៅថ្ងៃព្រហស្បតិ៍ ទី៩ ខែកក្កដា ឆ្នាំ២០២៦ លោក កែវ តារារស្មី អភិបាលនៃគណៈអភិបាលស្រុកមង្គលបូរី អមដំណើរដោយ លោក មាន វិចិត្រ នាយករងរដ្ឋបាលស្រុក ព្រមទាំងមន្ត្រីជំនាញ និងអាជ្ញាធរមូលដ្ឋាន បានអញ្ជើញចុះពិនិត្យស្ថានភាពទឹក និងប្រព័ន្ធធារាសាស្ត្រ សំណង់ស្ទាក់ទឹកសំខាន់ៗ នៅក្នុងភូមិសាស្ត្រឃុំចំនួន៣ នៃស្រុកមង្គលបូរី។ គោលបំណងនៃការចុះពិនិត្យនេះ គឺដើម្បីវាយតម្លៃពីកម្រិតកម្ពស់ទឹក ស្ថានភាពលំហូរទឹក និងពិនិត្យមើលលទ្ធភាពនៃសំណង់ធារាសាស្ត្រនានា ក្នុងការរក្សាជើងទឹកសម្រាប់បម្រើឱ្យការងារបង្កបង្កើនផលកសិកម្មរបស់បងប្អូនប្រជាកសិករ ក៏ដូចជាការត្រៀមលក្ខណៈបង្ការ ទប់ស្កាត់ការលិចលង់ ឬកង្វះខាតទឹកជាយថាហេតុ ក្នុងរដូវវស្សានេះ។

ទោះស្ថិតក្នុងកាលៈទេសៈណាក៏ដោយ រាជរដ្ឋាភិបាល និងអាជ្ញាធរ គឺមិនទុកឱ្យនរណាម្នាក់ស្លាប់ដោយអត់អាហារ ឬរងគ្រោះដោយគ្មានការជួយជ្រោមជ្រែងឡើយ។ នេះជាការគូសបញ្ជាក់យ៉ាងម៉ឺងម៉ាត់របស់ លោក ឃ្លោក នួយ អភិបាលរងខេត្តបន្ទាយមានជ័យ ក្នុងឱកាសនាំយកអំណោយស្បៀងអាហាររបស់ ឯកឧត្តម អ៊ុ រាត្រី អភិបាលខេត្ត ទៅចែកជូនដល់ប្រជាពលរដ្ឋដែលមានជីវភាពខ្វះខាតចំនួន ២០គ្រួសារ នៅភូមិភ្នំដី ឃុំភ្នំដី ស្រុកភ្នំស្រុក នារសៀលថ្ងៃទី៩ ខែកក្កដា ឆ្នាំ២០២៦នេះ។

ស្នងការដ្ឋាននគរបាលខេត្តបន្ទាយមានជ័យបានរៀបចំពិធីបិទដំណើរការចុះតាមដានត្រួតពិនិត្យនិងគាំទ្រដើម្បីពង្រឹងប្រសិទ្ធភាពការងារប៉ុស្តិ៍នគរបាលរដ្ឋបាលនៃស្នងការដ្ឋាននគរបាលខេត្តបន្ទាយមានជ័យ ។ពិធីនេះធ្វើឡើងក្រោមអធិបតីភាពលោកវរសេនីយ៍ឯក គឹម កល្យាណ អនុប្រធាននាយកដ្ឋានតិចកាពប៉ុស្តិ៍នគរបាលរដ្ឋបាលតំណាងលោកឧត្តមសេនីយ៍ទោមាស លឹមតុង ប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាលនិងលោកឧត្តមសេនីយ៍ត្រី វង្ស វិត ស្នងការស្ដីទី តំណាងលោកឧត្តមសេនីយ៍ត្រីសឿម សារិទ្ធ ស្នងការនគរបាលខេត្តបន្ទាយមានជ័យ និងមានការចូលរួមពីលោកនាយការិយាល័យកិច្ចការប៉ុស្តិ៍ លោក លោកស្រី អធិការអធិការរង ព្រមទាំងលោកនាយប៉ុស្តិ៍នគរបាលរដ្ឋបាលឃុំសង្កាត់ទាំង៦៧ ផងដែរ ៕

ឱកាសការងារ និងការលើកកម្ពស់ជីវភាពរស់នៅរបស់បងប្អូនអតីតពលករ និងប្រជាពលរដ្ឋជនភៀសសឹក បានឈានមកដល់ដល់មូលដ្ឋានហើយ។ នាព្រឹកថ្ងៃទី០៨ ខែកក្កដា ឆ្នាំ២០២៦ នេះ វេទិកាចុះផ្សព្វផ្សាយស្តីពី «ការជ្រើសរើសសិស្សឱ្យចូលរៀនវគ្គបណ្តុះបណ្តាលសញ្ញាបត្របច្ចេកទេស និងវិជ្ជាជីវៈ១ (C1-1.5M) រយៈពេល ៤ខែ ដោយឥតគិតថ្លៃ និងការវាយតម្លៃតេស្តសមត្ថភាពទទួលស្គាល់ជំនាញពីមុន (RPL)» ត្រូវបានរៀបចំឡើងនៅភូមិរង់ចាំ ឃុំស្លក្រាម ស្រុកស្វាយចេក ខេត្តបន្ទាយមានជ័យ ដោយមានបងប្អូនអតីតពលករ និងប្រជាពលរដ្ឋជនភៀសសឹកចូលរួមយ៉ាងកុះករ។

នៅរសៀលថ្ងៃចន្ទ ទី៦ ខែកក្កដា ឆ្នាំ២០២៦ នេះ លោក រ័ត្ន ដាសុីណង់ អភិបាលស្រុកថ្មពួក បានដឹកនាំក្រុមការងារជំនាញ និងមន្ត្រីពាក់ព័ន្ធ ចុះពិនិត្យទីតាំងរោងចក្រកែច្នៃដើមក្រដាសទៅជាបន្ទះក្តារកុងផ្លាកេ របស់ក្រុមហ៊ុនវិនិយោគទុនចិន ដែលមានទីតាំងស្ថិតនៅក្នុងភូមិថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ជាប់នឹងបន្ទាត់ព្រំដែនកម្ពុជា-ថៃ (ខ្មែរ-សៀម)។